Iivesi zeBhayibhile ezithandwayo ezisuka Lugu 21

Share

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

Undaje kəm karə dɔ rɔ-si gə, ɓo ar-je mə-si to gə dɔ gə nekay mbə gə, gə nekusa gə gə ka guru gə ja kara baa ang, mba kar uwa-si ɓərə ang, ngaɓa gə tar kəjije gə ɔji dɔ kisi kəm baa gə mba kar ndo-ɛ nee le uba-si nangə bus ang.

Uwaje gədərə ɓa a kingaje təbə ɓi.

Mba ꞌma ja m-a kar-si tar gə a paje gə kəm karə gə dəw kara horo nje kəm tarje gə lə-si a kasə mba cila ne kəm tar lə-si ose gə mba kar ne gədərə no-si gə ang.

Dara je gə nangə d-a nday ngaa tar lə-m a nday ang.

Netɔjije a to kəm kar gə, gə nay gə ndɛ̰ndərɛ̰ndɛ̰je, ngaɓa dɔ nangə nee, nama mə gəl kuji dəwje a polo wus-wus, ɓəəl a kunda-je bad gangə-je mba gir babo gə a ɓar ngaɓa ꞌpagəm lə-a gə a tunga; dəwje d-a kuy yo ɓəəl ɔji dɔ neje gə a ɗe dɔ dəwje gə dɔ nangə nee; mba neje gə to ɓəəl to ɓəəl gə dara kara d-a yəgə nəm tɔ Be ɓa d-a ko-m ꞌma Ngon lə dəw m-a kar dɔ kil gə lə nji gə dara mba ɗe gə singamongə ngaɓa gə ndogo lə-m gə boy.

Dəwje tɔ̰y d-a njigi-si ang gə kɔrɔ mba tar lə-m.

Dɔ nangə a yəgə yig-yig, gə loje ɓədə-ɓədə le, lo tɔgə a koso, ɓo a ko̰, ngaɓa neje gə to ɓəəl ya̰ a ɗa ne mə dara gə, ngaɓa gə netɔjije gə bo-bo d-a tɔji rɔ-je mə dara gə tɔ.

Logə a koje tar ɗɔje, gə dəwje gə d-a kḭ kila ɗɔ dɔ naa gə gə yo gə nee nama, ar-je njil-si ce ang. Mba, may kar neje nee le nday kede nam ja ɓa, ngaa a to ɗudu ndɔ ja gə ngɔdə bənəng baa ang. Be ɓa, n-pa n-ar-je na: Gəl kuji dəwje d-a ɗɔ naa, gə ɓeko̰je d-a ɗɔ naa.

Netɔjije a to kəm kar gə, gə nay gə ndɛ̰ndərɛ̰ndɛ̰je, ngaɓa dɔ nangə nee, nama mə gəl kuji dəwje a polo wus-wus, ɓəəl a kunda-je bad gangə-je mba gir babo gə a ɓar ngaɓa ꞌpagəm lə-a gə a tunga; dəwje d-a kuy yo ɓəəl ɔji dɔ neje gə a ɗe dɔ dəwje gə dɔ nangə nee; mba neje gə to ɓəəl to ɓəəl gə dara kara d-a yəgə nəm tɔ

Be ɓa, n-pa n-ar-je na: Gəl kuji dəwje d-a ɗɔ naa, gə ɓeko̰je d-a ɗɔ naa.

N-pa na: Undaje kəm karə dɔ rɔ-si gə mba kar dəw ərə si ar-si ꞌndəəm-je ang, mba dəwje bula d-a ɗe gə ri-m, ngaɓa d-a pa na: To gə ꞌma ja. Cibi d-a pa na: Dɔ kar asə ngaa; nama ꞌndoleje go-je ang.