Iivesi zeBhayibhile ezithandwayo ezisuka Mateu 7

Yabelana

Lombenunga, kaha navamihana. Tonda-tondenunga, kaha namuwana; ngongomwezenunga, kaha navamisokolwelako.

Mwomwo weshowo eji kulombanga eji kutambulanga, kaha ou eji kutonda-tondanga eji kuwananga, kaha ou eji kungongomwezanga navamusokolwelako.

Shikaho mutu himutu mwevwa awa mazu ami nakuwalinganga, napu nge lunga wamangana átungile zuvo yenyi halilolwa.

Shikaho mweshomwo mwasáka ngwenu vakwenu vamilingilemo, lingenu mwomumwe kuli vakiko. Mwomwo mukiko mwaya jishimbi namazu avapolofweto.

Mwomwo chikolo chakulipalakanya, najila nawa yayikalu, yatwala kumwono, kaha ava navayiwana vavandende.

Ingililenu kuchikolo chakulipalakanya, mwomwo chikolo chachinene, najila yakutanduuka yatwala kukunonga, kaha vaze veji kwingililangako vavavulu.

Nge enu vavapi mwatachikiza mwakuhanyina vana venu mawana amwenemwene, Senu ali mwilu mwahambakananyi chikuma kuhana vyamwenemwene ava veji kumulombanga!

Kanda muwanyinanga vakwenu milongako, kuchina nayenu nawa navakamiwanyina milonga. Mwomwo seteko mwéji kupezalishilangamo, yikiko návakamipezalishila. Kaha chesekelo mwéji kwesekelanga vakwenu, chikiko navakamyesekelaho.

Kaha mutu himutu mwevwa awa mazu Ami nakuzeneka kulingangamo, napu nge lunga wakuzeneka mangana átungile zuvo yenyi hausekeseke.

Unamono ngachilihi kachiswaswa kali haliso lyandumbwove, oloze mwalachi uli haliso lyove kawauhaka muchimako? Kaha ngachilihi nawamba ndumbwove ngwove, Ngwitavise ngukufumise kachiswaswa kali haliso lyove, shimbunyi haliso lyove hali mwalachi?

Zangamenu navaka-kulyongela upolofweto, ava naveza kuli enu vanalifwanyisa nge mikoko, oloze mumichima yavo vapwa tungunge vaka-kutanya. Kumihako yavo kukiko namuvatachikijila. Mihako yavinyo vayihela kumingonga numba? Chipwe jikuyu vajihela kumituvapoko numba?

Ngocho, mutondo himutondo wamwaza wema mihako yamwaza, oloze mutondo waupi wema mihako yayipi.

Mutondo wamwaza kaweshi kuhasa kwima mihako yayipiko, chipwe mutondo waupi kaweshi kuhasa kwima mihako yamwazako.

Mutondo himutondo wazeneka kwima mihako yamwaza veji kuutetangamo nakuumbila mukakahya.