Iivesi zeBhayibhile ezithandwayo ezisuka YUHANA 15

Share

Makũmɛ geepi lída ũ, ákɔ̃nɔmɛ a gã̀nɔ ũ. Gbɛ̃ kũ à kú ma gũn, akũsɔ̃ má kú a gũn, àkũ mɛ́ ani nɛ́ kpá manamana, zaakũ áni fɔ̃ à pɔ́ke kɛ ma sariro.

Àgɔ̃ kú ma gũn lákũ má kú á gũn nà. Lígãa dì fɔ̃ à nɛ́ kpá a zĩdaoro, séde àgɔ̃ kú lídaa. Lɛmɛ ákɔ̃nɔ áni fɔ̃ à nɛ́ kpáro, tó adi kɛ àgɔ̃ kú ma gũn baasiro.

Tó á kú ma gũn, akũsɔ̃ ma yã kú á gũn, à pɔ́ sĩnda pínki kũ á yei wɛ́ kɛ, áni le.

Ákɔ̃nɔ mɛ́ a ma sɛro, makũ mɛ́ ma á sɛ́, akũ ma á zĩ à gɛ́ nɛ́ ká, nɛ́kana kũ ani lákaro, gbasa De Luda á gba pɔ́ sĩnda pínki kũ a wɛ́ kɛ̀a kũ ma tɔ́o.

Tó gbɛ̃ gì a wɛ̃̀ndiii a gbɛ̃nnanɔ yãi, gbɛ̃ke yenyĩ vĩ de abirekũlaro.

Àdi lígã kũ à pɛ́ma nɛ́'inaa sari zɔ̃ pínki, akũsɔ̃ àdi a nɛ́'iri ɔnɛ lago pínki de a nɛ́'ina kara yãi.

Yã kũ ma dìtɛárɛn dí: Àgɔ̃ yekɔ̃i lákũ má yeái nà.

Tó a nɛ́ kpà manamana, gbɛ̃nɔ nigɔ̃ dɔ̃ kũ ma ìbanɔn á ũ yãpura, ma De tɔ́ ni bo.

Makũmɛ geepi lí yãpura ũ, ma Demɛ geepi lí búde ũ.

Tó gbɛ̃ kú ma gũnlo, oni a zukũna, lákũ òdi lígã zɔ̃ ò zukũna à kori kũ ò sɛ́tɛ ò ká tɛ́n à tɛ́ kũ nà.

Ma yã pìnɔ òárɛ, de pɔnna kũ má vĩ gɔ̃ kú á gũn yãimɛ, á pɔnna nigɔ̃ papana.

Tó á yã kũ ma dìtɛnɔ kũna, ánigɔ̃ kú ma yenyĩ gũn, lákũ má yã kũ ma De dìtɛnɔ kũna nà, akũsɔ̃ má kú a yenyĩ gũn.

Yã kũ ma dìtɛárɛn dí: Àgɔ̃ yekɔ̃i.

Tó andunia gbɛ̃nɔn á ũ, de andunia yeái. Lákũ ma á sɛ́ ma á bó andunia gũn nà, á de a gbɛ̃nɔ ũro. Abire yãin andunia zã̀águ.