Iivesi zeBhayibhile ezithandwayo ezisuka YUHANA 14

Share

Matɛni á tó kũ aafiaao, ma zĩda aafiaan matɛni á gba. Matɛni á gba lákũ andunia dì ń gba nàro. Àsun tó á nɛ̀sɛ yakaro, àsun tó vĩna á kũro.

Yesu wèa à pì: Makũmɛ zɛ́ ũ, makũmɛ yãpura kũ wɛ̃̀ndiio ũ. Gbɛ̃ke dì le à gɛ́ ma De kĩnaa ma gbákũnaa sariro.

Àsun tó á nɛ̀sɛ yakaro. À Luda náani kɛ, à ma náani kɛ dɔ.

Ma De ni a Nini zĩ kũ ma tɔ́o Zɛkũnwode ũ. Àkũ mɛ́ ani yã sĩnda pínki dadaárɛ, ani tó yã kũ ma òárɛ dɔágu pínki.

Gbɛ̃ kũ à ma yãditɛnanɔ dà akũsɔ̃ à kũna, ade mɛ́ à yemai. Ma De nigɔ̃ ye gbɛ̃ kũ à yemaii, makũ sɔ̃ manigɔ̃ yei mani ma zĩda mɔnɛ.

Mani wɛ́ kɛ ma Dea, ani á gba Zɛkũnwode pãnde kũ anigɔ̃ kú kãáo gɔrɔ sĩnda pínki Nini yãpurademɛ. Andunia gbɛ̃nɔ ni fɔ̃ ò a síro, zaakũ òtɛni a ero, akũsɔ̃ ò a dɔ̃ro. Ama á a dɔ̃, zaakũ à kú kãáo, akũsɔ̃ anigɔ̃ kú á gũn.

Pɔ́ sĩnda pínki kũ áni wɛ́ kɛ kũ ma tɔ́o mani kɛ de ma De tɔ́ bo ma musu yãi. Pɔ́ kũ áni a wɛ́ kɛma kũ ma tɔ́o pínki, mani kɛ.

Tó á yemai, ánigɔ̃ yã kũ ma dìtɛnɔ kũna.

Ma De bɛ ɔnn kpɛ́nɛnɔn kun dasi, tó à de lɛro, de ma òárɛ. Matɛn gɛ́ gu kɛkɛárɛ.

Lákũ matɛn gɛ́ gu kɛkɛárɛ nà, mani ɛra mà su mà á sɛ́tɛ mà tá kãáo ma kĩnaa, de ákɔ̃nɔ se àgɔ̃ kú gu kũ má kunwa.

Akũ Tomasi pìnɛ: Dikiri, ó dɔ̃ gu kũ ntɛn tánlo. Óni fɔ̃ ò a zɛ́ dɔ̃ deramɛɛ?