Iivesi zeBhayibhile ezithandwayo ezisuka मत्ती 5

Share

सु़का वो धिप्‍री चामिमा खचाका चु़प्‍साका मेजु़ल्‍मी, लावो नेमगोनो बाट्पा खोत्‍लेका ल्‍वामिनु़ र्‍वाक्‍साका बोर्सोडला जु़ल्‍मी। मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

“गानी सु़म्‍दिसेरडाम ओल होप्‍माम सो़। पोप्‍चङडला बनेबेम्‍मा शहर सु़का वो थमु मेचाम्‍मी।

सेपा न-गोकाममिम जिनुङमा सो़, हेङालोने मेर्मिमका माम्‍चु़नीलाई ल्‍वामी।

माम्‍चु़नीकु जो़पा खारीकाम लागि क्रु़म-कोरा सिपामिम जिनुङमा सो़, हेङालोने माम्‍चु़नीका मेर्मिमकु गो तिम्‍सिबेट्‌मी।

लावो गो गानीलाई र्‍वाङु, इनी स्‍वाक्‍चिमोलाई रिखाम बेनी, मा इनी थो़मतेर्साक्‍पामिमकाम लागि सो़म्‍दी बेनी

“न-गोलाम माम्‍चु़नीकु ख्‍लो़सी माल्पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

न-थो़म घ्रो़म्‍बेट्‌पामिम जिनुङमा सो़, हेङालोने मेर्मिम माम्‍चु़नीकु चो़-चु़सु़ र्‍वाला सो़सिमी।

न-गोडा ख्रापामिम जिनुङमा सो़, हेङालोने माम्‍चु़नीका मेर्मिमकु न-भ्रसिबेन्मी।

माम्‍चु़नीकु जो़पा खारी बोमिमिमका उनी थो़मतेर्ला सो़सिक्‍पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

न-थो़मनुङमामिम जिनुङमा सो़, हेङालोने मेर्मिमडला माम्‍चु़नीका न-थो़म रेम्‍बोमी।

“गानी आमा सीसिपा दु़म्‍निमका मु़चु़मिमका डक्‍साका जेमी, मा इनी थो़मतेर्मी, मेम्‍मा इनीमा दुथाम खोत्‍ले मेजो़पा ल्‍वा जेसाका लिमा थेन्‍मी, गानी ने जिनुङमा सो़। इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।

याक्‍के दु़म्‍पामिम जिनुङमा सो़, हेङालोने सुबु मेर्मिमकाम दु़म।

“गानी सुबुडाम यो होप्‍माम सो़, लावो योड्‌डा यो मेलु़ माला मेरामलाई हामका यो लु़पा दु़म्‍बेन्‍मु चाप्‍सु़ मा? मेराम ने हाम ना हामकाम दु़म। मेम्‍मा घ्रोमिमा मु़चु़मिमका धेम्‍मी।

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

आच्‍छाङा माला आच्‍छाङा र्‍वाक्‍नी। मेएँ माला मेएँ कोङङा र्‍वाक्‍नी। ओरामडाम हापा ल्‍वा ने मुनाङकु डोक्‍पुलामका रो।

“मोशाकु डु़म्‍लाका आरे र्‍वाक्‍ताम गानी थो़न्‍निम बु, ‘कोलेका इनी मिक्‍सी पियु़डु़ माला, गानी वो मेरामकु मिक्‍सी पिन्‍साट्‌नी, मा इनी लि आल्‍साट्‌नी माला, गानी वो उ लि आल्‍नी।’ लावो गो गानीलाई र्‍वाङु, गानीलाई मेजो़पा बेपा मु़चु़डला छोक्‍चो मेहाट्‌नी। कोङनिमका इनी जो़पलाममिम फोसु़डा याल्‍नी माला कोङमीलाममिम फोसु़डा वो देन्‍साट्‌नी।

मेम्‍मिमका इनी जो़पलाममिम मिक्‍सीका गानीलाई छु़ल बेबेनी माला, मेरामलाई थाट्‌निमा घ्रोनी। खोत्‍ले इनी मिरो़मङा खादीगोयु़ घ्रोमिमिमडाम ने इनी मिरो़मकु कोले अंग मान्‍थिङा बुमु इनीमा लागि जो़पा दु़म। इनी जो़प ल्‍वाका गानीलाई छु़ल बेबेनी माला, मेरामलाई क्रिप्‍निमा घ्रोनी। खोत्‍ले इनी मिरो़मङा खादीगोयु़ घ्रोमिमिमडाम ने इनी मिरो़मकु कोले अंग मान्‍थिङा बुमु इनीमा लागि जो़पा दु़म।