Iivesi zeBhayibhile ezithandwayo ezisuka मत्ती 7

Share

“परमात्मे ते मंगा, तां तुहां जो दित्ता जांगा। परमात्मे जो तोपगे, तां तुहां जो मिलगा। दरवाजे ठोरगे, तां तुहां तांई खोलेया जांगा।

क्जोकि जेह्ड़ा कोई मंगदा ऐ, तिसियो मिलदा ऐ, कने जेह्ड़ा तोपदा ऐ, सैह़ पांदा ऐ, कने जेह्ड़ा दरवाजे ठोरदा ऐ, तिस तांई खोलेया जांगा।

“इसतांई जेह्ड़ा कोई मेरियां एह़ गल्लां सुणी नैं तिन्हां जो मनदा ऐ सैह़ तिस अक्लमंद माणुये साइआं हुंगा जिन्हीं अपणा घर पत्थरे दिया नीआं पर बणाया।

इसा बज़ाह ते जेह्ड़ा कुच्छ तुहां चांह़दे हन, कि माणु तुहां सौगी करन, तुहां भी तिन्हां सौगी तिंआं ई करा। क्जोकि मूसा दिया व्यबस्था कने भविष्यवक्ता दिया सिक्षा दा ऐई मतलब ऐ।

क्जोकि संगड़ा ऐ सैह़ दरवाजा कने औखा ऐ सैह़ रस्ता जेह्ड़ा सदा दी ज़िन्दगिया जो पज्जांदा ऐ। कने थोड़े लोक हन जेह्ड़े इस च दाखल हुंदे हन।

“तुहां परमात्मे दे राज्जे च संगड़े दरवाजे ते ई दाखल होई सकदे हन, क्जोकि चौड़ा ऐ सैह़ दरवाजा कने सौखा ऐ सैह़ रस्ता जेह्ड़ा बरबादिया जो पज्जांदा ऐ; कने मते भरी लोक हन जेह्ड़े तिस च दाखल हुंदे हन।

कने जाह़लू तुहां बुरे होई नैं अपणे बच्चेयां जो खरियां चीज्जां दैणा जाणदे हन, तां तुहां दा सुअर्गीय पिता भी अपणे मंगणे आल़ेआं जो खरियां चीज्जां क्जो नीं दिंगा?

“भिरी यीशु ग्लाणा लग्गा, कुसी पर दोस मत लग्गा, कि तुहां पर भी दोस नीं लग्गैं। क्जोकि जिंआं तुहां दोस लगांदे हन, तिंआं ई परमात्मा तुहां पर भी दोस लगांगा। कने जिंआं बर्ताब तुहां दूयेयां नैं करदे हन, तिंआं ई परमात्मा तुहां नैं भी करगा।

अपर जेह्ड़ा कोई मेरियां एह़ गल्लां सुणदा ऐ कने तिन्हां पर नीं चलदा, सैह़ तिस मूर्ख माणुये साइआं हुंगा जिन्हीं अपणा घर रेता पर बणाया।

“तू क्जो अपणे भाऊये दी अखीं दे कखे जो दिक्खदा ऐ, कने तिज्जो अपणिया अखीं दा लट्ठा नीं दुस्सदा? जाह़लू तेरिया ई अखीं च लट्ठा ऐ, तां तू अपणे भाऊये नैं किंआं ग्लाई सकदा ऐ, कि ‘ऊरेया मैं तेरिया अखीं ते कखे जो कड्डी दिंदा?’

“झूठे भविष्यवक्ता ते चौकन्ने रेह्आ, जेह्ड़े भेड्डां दे भेसे च ओंदे हन, अपर असल च सैह़ चीरणे आल़े भेड़िये हन। तिन्हां दे कम्मां ते तुहां तिन्हां जो पणछैणी लैंगे। क्या माणु झाड़ियां ते अंगूर कने कन्डे आल़े झुड़ेयां ते धूड़े तोड़ी सकदे हन?

इआं ई हर इक्क खरा रूख खरा फल़ दिंदा ऐ कने नकम्मा रूख बुरा फल़ दिंदा ऐ।

खरा रूख बुरा फल़ नीं देई सकदा, कने ना नकम्मा रूख खरा फल़ देई सकदा ऐ।

जेह्ड़ा-जेह्ड़ा रूख खरा फल़ नीं दिंदा, सैह़ बड्डेया कने अग्गी च पाणा ऐ, कने तिंआं ई झूठे भविष्यवक्तां नैं भी होणा ऐ।