Iivesi zeBhayibhile ezithandwayo ezisuka Mathiyu 7

Share

“Thɔnthiŋinaŋ, awa beŋ kɔŋ dunkuno. Deethuwaŋ, beŋ kɔŋ kutu. Gbɛdiŋaŋ biyo haŋ, beŋ kɔŋ pɛthiya.

Baa wɔ yo wɔ wo thɔnthiŋinɛ ndɛ kɔŋ dunkuno ntha; awa wɔ yo wɔ wo deethuwɛ, ndɛ kɔŋ kutu ntha; wɔ o wɔ wo gbɛdiŋɛ biyo haŋ, ndɛ kɔŋ pɛthiya.

“Wɔ o wɔ wo yuyɛ mathananini niŋ maŋ e ndɛ niya ba tepe yaŋ baŋ, yaŋ kɔŋ thɔyintande wɔ bɛina nɔŋ wɔ kele wo thoyɛ banka nama baŋ ka kuthara koŋ ka thinthi.

“Huna bɛyi o bɛyi bayɔhɔy ba thimo beŋ ba biya bena niyiyɛ, niyiyaŋ bindɛ bɛŋ, baa nɛna tepe Siraŋ ba ka Musa baŋ mɛnɛ mathanani ma ka banabiŋ beŋ maŋ.

Kɛrɛ biyo hu biiyando ka sii baŋ haŋ anɔthitɔ, awa gboŋa ba kaaye kɛndɛ baŋ akaahi ba fuŋe, awa bi kɔɔyɛ bɛŋ beŋ athahuwɔ.

“Biiyandeŋ ka biyo hunɔthitɔy haŋ, baa biyo hu ka yahanama haŋ aŋaraŋ, awa gboŋa ba kaaye kɛndɛ baŋ aŋɛnɔ ba fuŋe, awa bi kɔɔyɛ bɛŋ beŋ abɔyi.

Mɛnɛ beŋ, bendo biya binɛnɔy beŋ, thɔyi ba dunkuna munkii muyɔhɔy ka mpati bikendeŋ beŋ, mbu ntiŋ nda Fanda ndeŋ wo ka ariana woŋ? E ndɛ sa dunkuŋ munkii muyɔhɔy ka bi niŋ thɔnthɔŋɔŋ beŋ?

“Baŋ niyɔkɔ bakɔnsɔŋɔŋ biya, wuna sa nɛnɛ bena Masaala kɔnsɔŋɔŋ, baa kukɔnsɔŋɔŋ ku beŋ konsiŋine biya bihɛna, kuna nɛnɛ bena Masaala konsiŋine. Masaala kɔŋ bena konsiŋine ka sirani binthe bi beŋ konsiŋine biya bihɛna beŋ.

“Awa wɔ yo wɔ wo yuyɛ mathananini niŋ maŋ e ndɛ thana niya ba tepe yaŋ baŋ, yaŋ kɔŋ thɔyintande wɔ bɛina nɔŋ wɔ wothɔkɔy wo thoyɛ banka nama baŋ ka thɛkɛyaŋ haŋ.

Mbɛ hu yi kaho ba detha ntha kimɛɛsɛ kiŋ ka hooya hu ka ntɔ nda haŋ, yi tha tenke kuta kuthopi ku yina ka hooya koŋ? Maa mbɛ hu yi dome ka ntɔ nda, na ‘Saa, yaŋ be fuŋuŋ ntha kimɛɛsɛ kiŋ ka hooya nda haŋ,’ mahɛŋ mabɛina e kuthopi koŋ niyɔ ka hooya nda haŋ?

“Niyaŋ kuthɛgbɛ ba banabiŋ bibahothiŋ beŋ. Bi kɔŋ see kendeŋ e bindɛ si tɔŋinɔkɔ nɔŋ takɛŋ bithɛbɛ, kɛrɛ maniyɔ ma ka siini bakɛnamɛŋ baŋ nɔŋ yaŋɛŋ bibaŋɔy. Beŋ kɔŋ bindɛ kothiye ka maniyɔ namɛŋ maŋ. Kuyeŋ kunɛnɔy sa tiŋ mutiŋ muyɔhɔy, awa kuyerethe sa tiŋ mutiŋ muthɔma.

Huna, kuyeŋ ndo kuyeŋ kuyɔhɔy ku kɔŋ tiŋ mutiŋ muyɔhɔy, kɛrɛ kuyeŋ kunɛnɔy koŋ kuna tiŋ mutiŋ munɛnɔy.

Kuyeŋ kuyɔhɔy sa tiŋ mutiŋ munɛnɔy; awa nɛna hɛlɛŋ nɛŋ kuyeŋ kunɛnɔy, kuŋ sa tiŋ mutiŋ muyɔhɔy.

Awa kuyeŋ ndo kuyeŋ ku sa tiŋ mutiŋ muyɔhɔy, ku kɔŋ yuuta e kuŋ yelo ka buu buŋ.