Iivesi zeBhayibhile ezithandwayo ezisuka ATŨMWO 2

Share

Nake Petero akĩmera atĩrĩ, Mwĩrirei, mũcoke mũbatithio o mũndũ o mũndũ thĩinĩ wa rĩĩtwa rĩa Jesu Kristo, nĩguo muoherũo mehia manyu; na nĩmũkũheo kĩheo kĩa Roho Mũtheru.

Nao magĩikara magwatĩirie ũrutani ũrĩa wa atũmwo, me ngwatanĩro nao ũhoro-inĩ wa kwenyũra mũgate o na wa kũhoya.

Nao othe makĩiyũrũo nĩ Roho Mũtheru, magĩitĩka gũthioma thiomi ingĩ o ta ũrĩa Roho aamahotithirie kwaria.

Na hĩndĩ o ĩo hagĩũka mũgambo uumĩte Igũrũ, ta wa rũhuho rũnene rũkĩhuhũkania, ũkĩiyũra nyũmba yothe ĩrĩa maaikaire thĩ; nao makiumĩrĩrũo nĩ nĩmĩ ciatariĩ ta nĩnĩmbĩ cia mwaki igayũkanĩte, nacio igĩikara igũrũ rĩa mũndũ o mũndũ. Nao othe makĩiyũrũo nĩ Roho Mũtheru, magĩitĩka gũthioma thiomi ingĩ o ta ũrĩa Roho aamahotithirie kwaria.

Na mũthenya o mũthenya maatindaga hekarũ-inĩ marĩ na ngoro o ro ĩmwe, makenyũraga mũgate marĩ kwao mũciĩ, na makarĩaga irio ciao makenete na me na ngoro theru, makĩgathaga Ngai, na marĩ na ngumo njega kũrĩ andũ othe. Nake Mwathani nĩaamongagĩrĩra thiritũ-inĩ yao mũthenya o mũthenya arĩa maahonokagio.

Ngai ekuuga atĩrĩ, Rĩrĩa matukũ ma marigĩrĩrio magakinya, Nĩngaitĩrĩria andũ othe Roho wakwa: Nao ariũ anyu na aarĩ anyu nĩmakarathaga mohoro, Nao aanake anyu monage cioneki, Nao athuri anyu marotage iroto

Nao arĩa othe metĩkĩtie nĩmaaikaranagia hamwe, na makagwatanĩra indo ciao ciothe, magakĩendia ithaka ciao na indo ciao, makagayanagĩria o mũndũ; o mũndũ o ta ũrĩa mabata make maatariĩ.

Na nĩgũgakinya atĩrĩ, atĩ o mũndũ ũrĩa ũgakaĩra rĩĩtwa rĩa Mwathani nĩakahonokio.

Riũa nĩrĩkagarũrũo rĩgĩe nduma, Naguo mweri ũtuĩke ta thakame, Mbere ya Mũthenya ũrĩa ũtuanĩirũo nĩ Mwathani ũtanakinya, O mũthenya ũrĩa mũnene na ũrĩ ngumo