Iivesi zeBhayibhile ezithandwayo ezisuka Ore i mexü̃ ga Luca ümatüxü̃ 8

Share

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Rü gumá triguchire ga tuxunecügu yixü̃ne, rü ngẽma nixĩ i duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü norü ngẽmaxü̃güca̱x naxoegaãẽgü, rü norü diẽruguama narüxĩnüe rü tama nüxü̃ narüxoechaü̃ i ñoma i naanearü ngúchaü̃gü. Rü ngẽmagagu düxwa taxuxü̃ma Tupanaca̱x naxü.

Rü gumá triguchire ga nutatanügu yixü̃ne, rü ngẽma nixĩ i duü̃xü̃gü i nüxü̃ ĩnüexü̃ i Tupanaarü ore rü taãẽãcü nayauxgüxü̃. Natürü tama aixcüma nagu narüxĩnüe i ngẽma ore rü paxaãchi nayaxõgü, rü yixcüra guxchaxü̃ nüxü̃ üpetügu, rü nüxü̃ narüxoe.

Rü yexguma ga Ngechuchu rü ñanagürü nüxü̃ ga norü ngúexü̃gü: —¿Ta̱xacü pexü̃ naxüpetü rü ngẽmaca̱x tama mea peyaxõgüxü̃? —ñanagürü. Natürü ga nümagü rü naba̱i̱xãchiãẽgü. Rü nügüna nicachigü, rü ñanagürügü: —¿Ta̱xacü ẽ̱xna nixĩ i ñaa yatü rü ngẽmaca̱x a̱i̱xrücü ya buanecü rü yuape rü naga naxĩnüexü̃? —ñanagürügü.

Rü gumá triguchire ga namagu yixü̃nerüxü̃ nixĩ i duü̃xü̃gü i ngẽma orexü̃ ĩnüexü̃. Natürü Chataná rü ngẽma duü̃xü̃güxü̃ nüxü̃ inayarüngümaexẽxẽ i ngẽma ore, nax tama yaxõgüãxü̃ca̱x rü tama nayauxgüãxü̃ca̱x i maxü̃ i taguma gúxü̃.

Rü ngẽxgumarüxü̃ ta guxü̃ma i ta̱xacü i cúãcü üxü̃ rü yixcüra duü̃xü̃gü tá nüxü̃ nacua̱xgü. Rü guxü̃ma i ta̱xacü i ẽxü̃guxü̃ rü yixcüra tá nango̱xoma.

Rü yexguma nango̱xomagu nax nüxü̃ nacua̱xamaxü̃ ga Ngechuchu ga yema nüxü̃ nax yangõgüxü̃, rü yadu̱xruxãcüma naxü̃tawa ixũ ga yema ngecü. Rü nape̱xegu iyacaxã́pü̱xü. Rü guxü̃ ga duü̃xü̃güpe̱xewa namaxã nüxü̃ iyaxu ga ta̱xacüca̱x nüxü̃ nax yangõgüxü̃, rü yexgumatama ngĩxca̱x nax yataanexü̃. Rü yexguma ga Ngechuchu rü ñanagürü ngĩxü̃: —Pa Chauxacüx, cuxca̱x nitaane, erü cuyaxõ. ¡Rü taãẽãcü íixũ! —ñanagürü.

Rü yemaca̱x nüma ga norü ngúexü̃gü rü Ngechuchuxü̃ nacagü nax naba̱i̱xãchixü̃ca̱x. Rü ñanagürügü nüxü̃: —Pa Ngúexẽẽruxü̃x, ngẽmama itabaxü̃gü —ñanagürügü. Rü yexguma ga Ngechuchu rü ínarüda, rü buanecüxü̃ rü yuapexü̃ nanga. Rü ínayachaxãchi ga buanecü, rü inayarüxo ga yuape, rü ínachaxanemare.