Iivesi zeBhayibhile ezithandwayo ezisuka Ore i mexü̃ ga Luca ümatüxü̃ 18

Share

Ngechuchu rü wüxi ga to ga cua̱xruxü̃ namaxã nixu nax yemawa nangúexẽẽãxü̃ca̱x nax taguma nüxü̃ naxoexü̃ca̱x nax nayumüxẽgüxü̃.

¿Taux ẽ̱xna ya Tupana rü paxa tüxü̃ ínapoxü̃xü̃ ya yíxema duü̃xẽ ya tüxü̃ nayaxúxe i ngẽxguma chütacü rü ngunecü rü norü ngü̃xẽẽca̱x nüxna tacaxgu i tümaarü yumüxẽwa? Rü pemaxã nüxü̃ chixu rü Tupana rü paxatáma tüxü̃ narüngü̃xẽxẽ. Natürü ngẽxguma wenaxarü núma naxũxgu ya Tupana Nane duü̃xü̃xü̃ ixĩcü, ¿rü ñuxre i duü̃xü̃gü i aixcüma yaxõgüxü̃xü̃ tá inayangau i ñoma i naanewa? —ñanagürü ga Ngechuchu.

Rü Ngechuchu rü ñanagürü nüxü̃: —Duü̃xü̃gü rü taxuacüma nügü namaxẽxẽ, natürü Tupanaaxü̃́ rü natauxcha nax namaxẽxẽxẽãxü̃ —ñanagürü.

Rü muẽ̱xpü̱xcüna yéma ixũũxü̃, natürü yema ãẽ̱xgacü rü tama ngĩxü̃ narüngü̃xẽẽchaü̃. Natürü düxwa nagu narüxĩnü ga yema ãẽ̱xgacü rü naãxẽwa ñanagürü: “Choma rü tama Tupanaxü̃ changechaü̃, rü taxúexü̃ma changechaü̃. Natürü ngẽma choxü̃ nax nachixeweechaxü̃ca̱x i ñaa nge, rü noxtacüma tá ngĩxü̃ charüngü̃xẽxẽxü̃ nax tama yeü̃cürü choxü̃ nachixeweechaxü̃ca̱x” —ñanagürü.

Aixcüma pemaxã nüxü̃ chixu rü texé ya tama wüxi i buxü̃rüxü̃ Tupanaxü̃ yaxúxe nax tümaarü ãẽ̱xgacü yixĩxü̃ca̱x, rü tagutáma nagu taxücu ya Tupana ãẽ̱xgacü ixĩxü̃wa —ñanagürü ga Ngechuchu.

Natürü Ngechuchu rü nügüxü̃tawa tümaca̱x naca ga guxema buã̱xta rü ñanagürü norü ngúexü̃güxü̃: —Chanaxwa̱xe i chauxü̃tawa naxĩ i buxü̃gü. ¡Rü taxṹ i nüxna penachu̱xuxü̃! Erü Tupana ãẽ̱xgacü ixĩxü̃wa rü tümaca̱x nixĩ ya yíxema ñaa buxü̃gürüxü̃ ixĩgüxe.

Rü Ngechuchu ñanagürü nüxü̃ —¡Idauuchi! Rü marü cuxca̱x nitaane erü cuyaxõ —ñanagürü.

Rü Ngechuchu nanangãxü̃ rü ñanagürü nüxü̃: —¿Tü̱xcüü̃ “Mecü”, ñacurügü choxü̃? Erü Tupanaxicatama nixĩ ya mecü ixĩcü, rü nataxuma i to.