Iivesi zeBhayibhile ezithandwayo ezisuka Ore i mexü̃ ga Cuáü̃ ümatüxü̃ 3

Yabelana

Rü Tupana rü poraãcü nüxü̃ nangechaü̃ i ñoma i naanecüã̱x i duü̃xü̃gü. Rü yemaca̱x inanamu ga Nane ga nügümaxã wüxicacü nax guxãma ya texé ya nüxü̃́ yaxõgüxe rü tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.

Yerü ga Tupana rü tama ñoma ga naanewa nanamu ga Nane nax poxcu duü̃xü̃gümaxã naxueguxü̃ca̱x. Natürü núma nanamu ga Nane nax duü̃xü̃güxü̃ namaxẽxẽẽxü̃ca̱x.

Rü Ngechuchu nanangãxü̃ rü ñanagürü nüxü̃: —Aixcüma cumaxã nüxü̃ chixu, rü yíxema tama wenaxarü buxe rü taxucürüwama Tupana ãẽ̱xgacü ixĩxü̃wa tangu —ñanagürü.

Rü yíxema Tupana Naneaxü̃́ yaxṍxe, rü Tupana rü tama poxcu tümamaxã naxuegu. Natürü yíxema tama nüxü̃́ yaxṍxe, rü marü poxcu tümamaxã naxuegu, erü tama nüxü̃́ tayaxõ ya yimá Tupana Nane ya nügümaxã wüxicacü.

Rü yíxema tama nüxü̃́ yaxõgüxe, rü Tupana rü marü poxcu tümamaxã naxuegu, yerü yexguma ñoma ga naanewa nanguxgu ga Nane ya duü̃xü̃güarü nangóonexẽẽruxü̃, rü tama nüxü̃́ tayaxõgüchaxü̃. Natürü yexera tümaarü me nixĩ nax ẽanexü̃wa tayexmagüxü̃ rü chixexü̃ taxügüxü̃.

Nüma rü tá yexeraãcü nitachigachigü, natürü i choma rü tá ínarüxĩchigü i chauchiga.

Guxãma ya yíxema chixexü̃ ügüxe rü naxchi taxaixe i ngóonexü̃. Rü tama nüxna tangaicamagüchaü̃ erü tama tanaxwa̱xe nax nangóxü̃ i ngẽma chixexü̃ i ítaxügüxü̃.

Rü yíxema Tupana Naneaxü̃́ yaxṍxe rü tüxü̃́ nangẽxma i maxü̃ i taguma gúxü̃. Natürü yíxema tama nüxü̃́ yaxõxchaü̃xẽ ya Tupana Nane, rü taxũtáma tüxü̃́ nangẽxma i ngẽma maxü̃ i taguma gúxü̃. Natürü tá tanayaxu i ngẽma ãũcümaxü̃ i poxcu ya Tupana tá namaxã tüxü̃ poxcuxü̃ —ñanagürü ga Cuáü̃ ga baiü̃ẽẽruxü̃.

Rü yexgumarüxü̃ ga Moiché chianexü̃wa wüxi ga naigu naxǘnagüãxü̃ ga yema ãxtape ga bróũchenaxca̱x, rü ngẽxgumarüxü̃ tá ta ya Tupana Nane i duü̃xü̃xü̃ ixĩcü. Rü wüxi i naigu tá nanaxünagügü i duü̃xü̃gü nax guxãma ya texé ya nüxü̃́ yaxõgüxe rü tüxü̃́ nangẽxmaxü̃ca̱x i maxü̃ i taguma gúxü̃.

Rü Tanatü ya Tupana rü Nanexü̃ nangechaü̃, rü marü naxme̱xwa nanangẽxmaxẽxẽ i guxü̃ma.