Iivesi zeBhayibhile ezithandwayo ezisuka TOWUNÖT 17

Yabelana

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

Amelö tökekuro kaynengu ngat Apram, wölo kïkuro Apraam, ompöwölo kaghinyi lïkuna papo pö punton cho chang.

“Okïninionan mumenyan nko nyi nko moneku cho rïpunyi nko pïnwöyikwa, tökïlïkwï muma nyo pö kokay, nyo poru lö olïkunan Tororötïngu alïkwan Tororöt pö moneku cho rïpunyi kokay.

“Oman ye muma nko nyi, ilïkunyi papo pö punton cho chang.

Wölo kuyokyï Tororöt lö, “Ewo! Sïkunyi korkengu Sara monïng nyo le weri nyo ikuronyi kaynenyi Isak. Okïninionan mumenyan nko nyinte nko monechi cho rïpu nyinte kokay.

Okoninyi tönan moneku koronete kemitenyi imöngöy kïle chi nyo le ton koronete pö Kanan kïmïkul tökïlïkwï nyinkwa kokay atalïkwan Tororötïnkwa.”

Atolapay kupïtyï Apraam ngwïny ompö konyït akïror ompö mïkulöwunyi otini kinonöy lö, “Akumuko nyoman lö yiyöy chi monïng nyo pö könyis pokol? Akumuköy Sara nyo tïng könyis 90 ntökïyï?”

Kïlenchï Tororöt Apraam, “Melö mïchini ngat kurenönyi korkengu Saray, kurenö kaynenyi kïngata ye kutang tagh Sara.

Omutekwa onte nyo mi parak, lïku nyoni machey nyo pö mumenyan nko akwa.

Wölo okïninionan mumenyan nko Isak nyo yiyunyi Sara ato ngata ye könyinï ngwïnöy.”

Omutekwa monïng anka tïkwïl nyo le weri otini ketïta osis mut nko sömök. Monïng anka tïkwïl ompö pïnwöy löwïr, ato kö sekeyon anta nyo kö pö kaw, anta nyo kalekwa ropïyen kïngetunö ton nyo melö pö yiyengu, nyo mötïny, kïmutöy anka tïkwïl. Nyoni nyo lïku mumenyan nyo mi porwöyikwa, muma nyo pö kokay.