Iivesi zeBhayibhile ezithandwayo ezisuka Matius 7

Share

Itithogon yogeisasikhesik ageikhe men yogeisasikhe, “It akhuni inebe tomok nen Allah kino yogokhunem, at nen inebe tomok wogeisekherek anek iti. Nen, it aperek inebe tomok nen yi meke ti meke at oba herakhunem inebe tomok herakhegarek anek iti. Nen, it aperek inebe tomok nen thu puputhasinem, at nen inebe tomok thu hualisekherek anek iti. Iti nen he, hit Allah kino yogokhe dogono. Yogokhe dogoumo, wokhisageinat o. Hano meke at oba herakhe dogono. Herakhe dogoumo herasugunat o. Nen, thu puputhekhe dogono. Puputhekhe dogoumo, at nen thu hualhisageinat o.

Itithogon yogeisasikhesik ageikhe men yogeisasikhe, “It akhuni inebe tomok nen Allah kino yogokhunem, at nen inebe tomok wogeisekherek anek iti. Nen, it aperek inebe tomok nen yi meke ti meke at oba herakhunem inebe tomok herakhegarek anek iti. Nen, it aperek inebe tomok nen thu puputhasinem, at nen inebe tomok thu hualisekherek anek iti. Iti nen he, hit Allah kino yogokhe dogono. Yogokhe dogoumo, wokhisageinat o. Hano meke at oba herakhe dogono. Herakhe dogoumo herasugunat o. Nen, thu puputhekhe dogono. Puputhekhe dogoumo, at nen thu hualhisageinat o.

Itithogon yogeisasikhesik nen, ageikhe men yogeisasikhe, “Halok he, tha nen, an nane iti asuk holiluk mothogon hagakhe halok, at nen yi hakene hagasigin o. Ap ageikhe etaiken werek meke nen o helekit oba dukhogon halhikhemo

Hit hinakla nen, It aperek nen itithogon hano hagatninabilep e, iluk apegethep iti hagat, hit nen it iti itithogonat hagarinakhe dogono o. Wene Allah nen Musa ayoko 'biluk ninasuk wakhikhe wene iti men, it Allah nen inayoko 'bisinem ane yogeisekhe lagoukha wene iti men, dapukhogon kok he, itiat o,” iluk yogeisasikhe.

Mekeat he, holak hanoma lageikharek holak iti, ape palek iti herlekha'bugurlagat. Nen, holak ebe lageikharek iti motok kirli-kerlorekma nogo iluk, akhuni doalegat uki lausak dek nen, inebe pererlagat anek ukiliogei,” iluk yogeisasikhe.

Itithogon yogeisasikhesik, ageikhe men yogeisasikhe, “Weakma nuk aga lageikharek iti, holagape palek iti kogatma. Nen, holak ebe yago baga lageikharek iti kogat akhuni inebe doalegat ukiliogei. Iti nen he, hit holagape palek 'bugurlagat kirli-kerlorekma iti baga uki lani.

Hit hinobabut weak hegakhethep mekeat he, hina'buri hano meke wogeisegethep iti hinilumo, hano meke wogeisegethep o. Iti hak, hinopase Allah pogot oba meke iti, kino yogosugun meke motok hano meke wogosigin dek nogo a? Wogosiginat o.

Itithogon yogeisasikhesik, ageikhe men yogeisasikhe, “At Allah nen wene hinoba 'biluk weagathinabinogo iluk, hit nen akhuni ageikhe wene inoba 'biluk weagarinakhup o. Hit nen wene it aperek inoba 'begethep iti hak, at Allah nen itithogonat wene hinoba 'bigin o. Nen, hit nen walegeke walhalok it aperek wogeisegethep iti hak, at Allah nen walegeke iti bagaat walhalok wokhisageinat o.

Meke re, tha nen an nane yi asuk holhe dogolik mothogon hagariogo dek halok, yi hakeneat hagasigin. Ap ageikhe etaiken dek meke nen o lelagama dukhogon haldilukmo

Hit hinekaerek hinilekenma o kok obakha palek meke werek iti 'bikhakhigidegat, it hinagarlak lak hinerugi aperek inilekenma amumuleke 'bugurlagat meke ukiluk werekma wokhauwogoluk kolageisekhe lagap iti nenaluk. Hinekaerek hinilekenma o kok meke palek harokthek dogoligat, hinagarlak lak hinerugi iti yogeisekhe dogolik, Hilekenma amumuleke ukekhe meke iti wokheak, iluk usak nogo?

Itithogon yogeisasikhesik ageikhe men yogeisasikhe, “It aperek inekalat Allah ane yogeisegarek meke thalek hinoba witluk nen, hinakla kagalinogo iluk, hinobabut hebelogo dogono o. It iti inelokhoken domba ena meke hakene hagarogo nen wisugun mekeat he, inetaiken akla re, yeke helo yeke anini weak meke hakene wisugun o. Yi o ti o eken ikherek iti baga, erlo ekagat hagatlagarek iti hakene, it nen hagathinabugun iti baga, inobabut ekagat hagatlasigin iti. O pati hakene arlok weak mekeat, eken anggur hano meke eken hakene itlukmo palharek nogo? E a, at he, herle mul arlok weak mekeat he, eken o ara hano meke eken hakene itlukmo palharek nogo? Dek o.

O hano meke halok he, eken hano mekeat ikherek o. Nen, o weak meke halok he, eken itithogonat weak meke ikherek o.

O hano mekeat he, eken o weak meke eken isu hak aperek isusak dek. Iti hak he, o weak mekeat he, eken, o hano meke eken isu hak aperek isusak degat.

Yi o ti o eken hano ikherek dek meke iti re, erlo mukhogo, hetumo motok la'isegarek o.