Iivesi zeBhayibhile ezithandwayo ezisuka Yohanes 10

Share

Nen, it ap inilarlurlu waganharek meke wageikharek iti, domba inilarlurlu waganhik, inakhik, inebe motok degetdisigik, hagasuogoluk wageikharek mekeat he, an wagagi iti anek, it akhuni yi meke ti meke doalegat oba hiakhogon welageikharek iti hak, inebe iniluk motok dogoagaluk inilugurinabilukmo nen ebe meke oba hiakhogon dogoagaluk wagagi o.

Domba ite werek dogolik therisik welagarek meke, nobabut hano, nebe anat o. Domba iteerek dogolik therisik welageikharek meke, obabut hano meke nen, domba irlirli waganogo watlasigin iluk akla apekherek.

Hit hinakla itithogon apegethep mekeat he, it aperek an nadomba meke halok, nane inasuk holharethek, it nen an nebe it inilu nogo nen, noporlik wageikharek o.

Noporlik nekhe korlek, it iniluk motok dogoagaluk inilugurinakhe dogogin iti nen, it inebe watlatluk nuk asugun dek o. It an niki baga werek korlek, it ap aperek nen tilogo woginabusak erlok dek o.

Holagape palek, an nebeat o. Tha nen an nebe baga ukekhe halok, irlirli horlageinmo motok hano dogolik, dukhigik-ukigik hagakhe dogolik, oka hano meke anek neke dogogin o.

Domba therisik welagarek meke nobabut hano re, nebe anat o. Nopase nen an ilu, nen, an nen at nilu, welagorek iti hak, an nen nako domba nilu, nen, it nen an inilu, welagorek o. Itithogon dogolik, an nako domba inirlirli waganogo watlasigiluk welagei.

Ap aperek erlok dek mekeat he, an nopase nen nadomba woknikhikhe meke iti anek he, ebe obatne werek o. It an nopase nen woknikhikhe meke iti, at iki baga werekma, it ap aperek nen tilogo woginabusak erlok dek o. Nopase nipisak ninebe opakiat o,” iluk yogeisekhe lageikhemo

Domba therisik welagarek meke nobabut hano re, nebe anat o. Nopase nen an ilu, nen, an nen at nilu, welagorek iti hak, an nen nako domba nilu, nen, it nen an inilu, welagorek o. Itithogon dogolik, an nako domba inirlirli waganogo watlasigiluk welagei.

An nen watlasigin apigidekmaat, it akhuni aperek nen obakha baga nasusak erlok dek o. An nekaerek nakla nenat, nebe watlasigin apagein obaat watlasigin o. Watlatluk yabokane napuke niluk asigin iti nekaerek nakla nen apagein obaat o. Itithogon hagasuagaluk nopase nen la'ani ageikhe mekeat hagasigin o, iluk eberogonat yokhisigi,” iluk yogeisasikhe.

Itithogon hutdigidek werek korlek, yabokane at Yesus nen, men yogeisasikhe, “Wene eberogonat ageikhe yokhisak o. Domba iti inaholagape palekma, an nebeat o.

At itithogon apekherek meke re, at ap ageikhe domba iteerek meke dek. At ako degat. At oko wogosuagaluk therisik werekma helo yeke wagunem ileken lakhalok, domba here'isalok lo lagarekma, helo yeke etnogo nen domba emenogo aik nen yarlukhigik woginabigiluk sikhogo-mukhogo thirlik-pirlikhogon ula'isekherek.

At Yesus nen wene itithogon yogeisasikhesik nen, yabokane men yogeisasikhe, “An nen wene ageikhe eberogonat yokhisak o. Tha nen domba waganigiluk ebe lanma ukigiluk, holagape palekmake ukigidek, leget isiade talogo ukekhe halok, ap iti inilarlurlu waganherek meke iki abusak waganigilugat o.