Iivesi zeBhayibhile ezithandwayo ezisuka YOHANES 6

Share

E Yesus masirin, “E jiwnenak atatamamar amos pok, bare dor ara. E dor aapenawcenes ow, amosto opok cowok aememawarcemes. E dor asicimcenes ow bwito opok cowokam aememawarcemes.

Allah Roh, jiwnenak batamemawaras, ow atatamama. Asmat ow nat, inimas bwemtetam asan opok. Car e dor atakam car aotaweyas ji aecokom, e jiwnenak atatamamar Roh car aenawomceman.

Car e of aofcemar amos pok batewen, jec bawu awutnakut arapok. E nat, e of bofa opokas jec bawuey. Er ca jiwnenak batamemawaras ara. Erasam, e Asmat Anakat Ajaworemef Ipic, car atetamcemanas ara. E doricipic Allah, inimas bwem, dor atewenamfan.” Inim aeef.

Wun ow, dor Allah atiw ara, inimas aporcemenes. Aram dor asicimcemenes. Doricipicam inim ow takas jiwnenak batamemawar akat arawen. Doram e ow e asepnak jofay aojaworomsumutumcimin.” Yesus inim aeef.

Yesus masirin, “Car e Allah atewenamef ipic basicimey. Allah eras akat aporma.” Inim aeef.

E doricipic atatamcan ow dor aapenawcemenes. Doram e atewenamfan ipic e akat apormaras jipu bwem, e onam op aewneyof. Dor, dorop akat aporminas jipu bwem baney opok. Inimas e dor aapenawcenes ow botpem opok cowok aemcimin.

E Simon Petrus masirin, “Tuhan. Dar ca ipic jamkawicom? Ow e oratakam cowok ji aeces, jiwnenak aatamemawarcemes.

E onam op aewneyef amos pok, jiwnenak atatamama. E amos pok, bare dor ara. Ow e amos pok aances, aram jiwnenak aatamemawarcemes. Bare, e atetamcimin amos pok, e dodam das ara. Dor e dodam das atetamcimin. Er asmat ow jiwne bweawaras ara.” Inim aeef.

Doricipic dor atewenamfan. Aramat ipic, ow do bwenawom binip batetam opok aemcow, ow do bwemenawom asan opok aemcemes. E nat, dor e aenawomcenes ow, e Asepnak Jofay aojaworomsumutumcimin.

E Allah atetamamar amos pok, bare e onam op aewneyef ipic ara. E ipic, jiwnenak, asmat ow atatamama.” Inim aeef.

E jiwnenak atetamamar amos pok, bare dor ara.

E Yesusam e amos atewef, wunam terima kasih atakam Allah aotawef. Ar masirin, e amos e aneypwikapfes ow aseyetamef. E enamam inim aemtamef. Bare, e ow takas jak anapitaptotorfes. E ow jak anapitaptotorfes ara, Yesus atakam e mamkawi ow aotawef. “E anatiwmes amos pok baramsimey. Ow e amos pok biwosomasin.” Inim aeef.

E ow, kilometer empat ajiwarnew, lima ajiwarnew, po jicowoc inim ajirsefes. Ar masirin, e Yesus bwi ton ajarenawef aporfes. Yesus e emsefes cipu aapenawef. E owam omar awutnakut aefes. Aramat ipic nat, “Omar arapok. Do Yesus ara.” Inim aeef.