Iivesi zeBhayibhile ezithandwayo ezisuka YOHANES 10

Share

E osom ow, pok osomam, ow sanaw bwetiwam, pok bafakamam, inim cowok bwem aenawcemes. Do nat, jiwnenak, ow batetam aenawof. Er e jiwneas anakat ara.”

“Doram e domba manmok batiw ipic akat awamcey ara. E domba manmok batiw ipic akat, e adomba damir baftam aememama.

E dodomba e doratakam jen ajimes. Doram e dodomba nomsom. Aram dor ajamkawimenes.

Doram e jiwnenak batamemawaras e dodomba atatamamin. Ar masirin, daniwis bemap opok cowok aemapawarcemes. Owam, e domba, e doban ton, ces bwemetaw asan opok.

Dor e jimasap inim cimin ara. E jimasap afiwces ow ajoremcemes. E ow e domba asan pagar afiwa aecemes inim cimin ara. Aram e cesen afisa aecemes inim cimin ara. Wunam ar fumin akat aana aecemes inim cimin ara.

“Bare, dor e domba manmok batiw ipic akat awamcey ara. Doricipic aram dor amsom. Doram e doricipic nomsom. Inimasam dor e dodomba namsom. E dodombaam dor amsom. Doram e dodomba damir baftam aememamin.

E doricipic e domba dor atatamfan. Aramat ipicam awutnakut ara. Wun ow takas kanim ara. Inimas ow e domba e doricipic ban ton ces bwemetaw asan opok. Doram, doricipicam, bare awcawor ara.” Inim aeef.

“Bare, dor e domba manmok batiw ipic akat awamcey ara. Doricipic aram dor amsom. Doram e doricipic nomsom. Inimasam dor e dodomba namsom. E dodombaam dor amsom. Doram e dodomba damir baftam aememamin.

Dor damir baf pwicak aemamin ayaw, ow dor bwemcatiw asan opok. Do nat damir baf akat aemamin. Dor damir akat aporcey, bare damir aafcimin. Doram bojaworsit akat aporcey, aojaworsitcimin. Eram e doricipic jirmec ajirimfanas jipu ara.” Yesus inim aeef.

Bare, Yesus atakam e ow aootawef. “Atakamnak ara, dor e domba asan jimasap inim cimin awamcey ara.

E wun gaji kerja ow nat, domba manmok batiw ownak opok. Aram domba aramat ow opok. Inimas ar wasan juwur aporces, omar ajisoscemes. Aram e domba bakan ajioscemes. E wasan juwur masirin, e wun domba aawumtowopcemes. Aram e domba takas awumtiwcemes.

Yesusam atakam aootawef. “Atakamnak ara, ow e domba asan pagar jimasap bafiw opok aemces, wunam ar e pagar ajitneyces, bare e ow domba osom ow ara. Ar kawey pok ces bwetaw ow ara.