Iivesi zeBhayibhile ezithandwayo ezisuka IZAFOBE 2

Share

Kaloku nguNdikhoyo onika ubulumko; luphuma emlonyeni wakhe ulwazi nokuqonda.

Mfo wam, wathathele ingqalelo amazwi am, ungaze uyishiye imiyalelo yam. Ewe, bubazele iindlebe ubulumko, nentliziyo yakho uyilahlele ekwazini. Kubizele kuwe ukuqiqa, uliphakamisele ilizwi lakho ekuqondeni. Ubulumko buzingele njengesiliva, ubufune njengobutyebi obombelweyo. Ukuba uyenzile loo nto uya kukuqonda into okuyiyo ukuthobela *uNdikhoyo, utsho ufikelele ekumazini uThixo.

Abo bathembekileyo ubathululela ingqiqo, aze abe likhaka lâbo banyanisekileyo. Uhlala eyalusa indlela yamalungisa, aze abakhusele kwihambo yabo âbo banyanisekileyo kuye.

Kaloku ngabantu abanyanisekileyo abaya kuma kweli lizwe; ewe, ngâbo bamsulwa abaya kuhlala behleli kulo. Ke bona abantu abakhohlakeleyo baya kunqanyulwa elizweni; abo bangamatshijolo baya kuncothulwa kulo.

Ngenene uya kutsho usinde kumfazi ongakwaziyo ukuziphatha, umfazi wasemzini omazwi alalanisayo. Nditsho lowo ungathembekanga nasendodeni awazimanya nayo kwasebutsheni bakhe, ongawukhathalelanga nomnqophiso awawenza phambi koThixo wakhe.