Iivesi zeBhayibhile ezithandwayo ezisuka AMAVA ENGQONDI 2

Share

Kaloku uThixo umnika ubulumko, ingqiqo, nokonwaba, loo mntu umkholisayo; kambe ke bona abagwenxa abanike uxanduva lokusebenza nzima, beqweba beqokelela ubutyebi, ukuze ke babunikezele kwabo bakholisa uThixo. Ngenene nale into ngamampunge, ifana nokusukelana nomoya.

Ayikho enye into angayenzayo umntu ngaphandle kokuba atye asele, ahlale anelisekile kukubulaleka kwakhe. Phofu ke naleyo ndafumanisa ukuba iphuma kwasesandleni sikaThixo, kuba kaloku ngaphandle kwakhe akukho mntu ungatyayo okanye onwabe.

Ndathi ke ndakuwuphonononga wonke umsebenzi wezandla zam nokubulaleka endibulaleke ngako, ndafumanisa ukuba yonke loo nto ngamampunge nje, yimfeketho enjengokusukelana nomoya. Ewe, akukho nzuzo apha phantsi kwelanga.

Yonke into endandiyinqwenela ndandiyifumana, kungekho nasiyolo sakha sandiphosa. Ndandineqhayiya, ndizidla ngayo yonke imizabalazo yam; lowo yaba ngumvuzo wam ngoko kubulaleka.

Ndabona ukuba ubulumko buyakhetheka kunobutyhakala, kwanjengokuba ukukhanya kungcono kunobumnyama.

Umntu osisilumko uyabona apho aya khona, kanti ke sona isityhakala sifathula emnyameni. Kambe ke ndafumanisa ukuba bebonke isiphelo sinye.

Kaloku umntu ebesenokuwenza umsebenzi wakhe ngobulumko, ingqiqo, nobuchule, kanti yonke loo nto abulaleke ngayo uza kuyishiya emntwini ongayisebenzelanga mpela-mpela! Ngenene nale into ngamampunge; imbi kunene!