Iivesi zeBhayibhile ezithandwayo ezisuka 1 KWABASEKORINTE 15

Share

Ngoko ke, mawethu athandekayo, yomelelani ningathandabuzi. Yisebenzeleni ngenkuthalo iNkosi ngalo lonke ixesha, kuba kakade ukubulaleka kwenu ngenxa yeNkosi akunakulambatha.

Makubulelwe ke kuThixo osinika uloyiso ngayo iNkosi yethu uYesu Krestu!

Musani ukuphazama: “Incoko embi iyasonakalisa isimilo esihle.”

Kodwa ngesisa sikaThixo ndiyile nto ndiyiyo, yaye nesisa andibabala ngaso uThixo andidlalanga ngaso. Ndisuke ndasebenza ukudlula bonke abathunywa, phofu ingendim, koko inguThixo osebenza ngam ngesisa sakhe.

“Kufa luphi na uloyiso lwakho? Kufa luphi na ulwamvila lwakho?” Ulwamvila lokufa sisono; amandla esono ngumthetho.

Mandinazise le nto benikade ningayazi: Asiyi kufa sonke; kodwa ngesiquphe, ngephanyazo, siya kwenziwa kumila kumbi sonke, xa kukhala ixilongo lokugqibela. Kuba liya kuvakala ixilongo; abafileyo baya kuvuswa sebenemo engasenakufa, senziwe kumila kumbi sonke.

Njengoko ukufa kweza ngomntu, ngokukwanjalo novuko lwabafileyo luza kwangomntu. Njengoko abantu bâthi ngokumanywa kwabo noAdam bafa bonke, ngokunjalo nangokumanywa kwabo noKrestu baya kuvuka bonke.

Kuba le mo sikuyo yonakalayo, imelwe kukwambatha imo engonakaliyo; le mvelo ifayo, yambathe ukungafi.

UKrestu kaloku umelwe kukulawula lo gama uThixo amoyisela zonke iintshaba. Olokugqibela ke utshaba oluya kubhangiswa kukufa