Iivesi zeBhayibhile ezithandwayo ezisuka IINDUMISO 91

Share

Úthi keYehova, Hlathi lam, Mboniselo yam, Thixo wam, endikholose ngaye!

Ohleli esitheni lOsenyangweni, Azilalise emthunzini kaSomandla

Wóndibiza, ndiphendule, Ndoba naye embandezelweni; Ndomhlangula, ndimzukise

Ngokuba izithunywa zakhe úziwisele umthetho ngawe, Ukuba zikugcine ezindleleni zakho zonke.

Wókugubungela ngeentsiba zakhe, Ùzimele phantsi kwamaphiko akhe. Likhaka, yingweletshetshe inyaniso yakhe.

Ngokuba nguwe, Yehova, ihlathi lam. Ùmenze Osenyangweni ikhaya lakho. Akuyi kuqubisana bubi nawe. Kungafiki sibetho ententeni yakho.

Ngokuba ngokwakhe uya kukuhlangula emgibeni womthiyeli, Endyikityeni yokufa eyeyelisayo.

Kungawa iwaka ecaleni kwakho, Isigidi ngasekunene kwakho, Kodwa kungasondeli nto kuwe.

Akuyi koyikiswa zizothuso ebusuku, Nalutolo lubaleka emini; Nandyikitya yakufa ihamba esithokothokweni, Nasifo sibhubhisayo, sibhuqa emini enkulu.