Iivesi zeBhayibhile ezithandwayo ezisuka Juan 1

Share

Peru payman creyikur chaskiqkunatam sïqa wamrankuna kayänanpaq Dios Yaya qorikun.

Imapis manaraq kaptinmi Diospa Palabran kaykarqanna. Payqa Dios Yayawanmi kaykarqan. Payqa Diosmi.

Tsay aktsim tutapaychöpis alläpa atsikyan. Tutapaypis tsay aktsitaqa manam upitsintsu.

Diospa Palabran kay patsaman shamurmi runanö yurirqan. Noqakunawanmi kay patsachö purirqan. Dios Yayapa japallan Tsurin kaptinmi poderyuq kaykaqta rikäyarqä. Llakipäkuq y rasun kaqllata parlaqmi karqan.

Paywanmi llapan imaykatapis Dios Yaya kamarqan. Llapan kay patsachö kaqkunam pay kamanqan. Paychömi mana ushakaq kaway kaykan. Tsay kawaymi runakunapaq aktsi.

Tsaypita waränin junaq Jesústa rikaskirmi Juan nirqan: <<¡Kaymi Dios Yaya kachamunqan Cordëru! Paymi runakunata jutsankunapita perdonanqa.

Kay patsachö kaykaptinpis y kay patsata kikin kamashqa kaykaptinpis runakuna manam payta reqiyarqantsu. Kuyanqan runankunaman shamuptinpis manam chaskiyarqantsu.

Rasunpa kaq aktsiqa llapan runakunatam aktsipan. Paymi kay patsaman shamushqa.

Leyninkunataqa Moiséswanmi Dios Yaya willakatsirqan. Peru llakipäkuq kayninta y rasunpa kaq willakuynintam sïqa Jesucristuwan tantiyatsimashkantsik.