Iivesi zeBhayibhile ezithandwayo ezisuka Johan 6

Share

Zingsuv ta, “Kama ca hringna viechuo tana i cuo. Kama'a luo a vawpa ca ahunghmuota a nang diy buo li'a pata Kama naa zangpa ca ahunghmuota a tiy hrie buo'a va tli.

Hringna malie a pipa ca Thlaapa tana a cuo; saapa hing ca khaahmuo thlahne vyi. Niema'a lie i ripa bie hing thlaapa hne hringna bie ta a cuo.

A ra thepa sa cuota re hrie kha ung; cuorasala Cawsaa Saacapaa ta aca pi riypa yi chuozaa ta a hmangpa hringna sa cuota re kha hrie tie ung. Tahematapakieca Paa Khazing ta ama cunglie kha a palung tlingnapa caakhe kha a khe tli.

I Paa khingna hmisi ca Saacapaa kha hmung te a zangpa bangkhuo ta chuozaa hringna ama hmung riypa hingna a cuo. Cacuonakaw, kama ta ningchuonapa ningta khiy hringna luo i pathu pakhaa'a yi,” a ta.

Zingsuv ta, “Khazing khingpa re ca ama ta a pathliepapaa zang khana a cuo,” a ta yi.

I Paa ta ina pipa bangkhuo ca kama'a luo a vaw'a yite kama'a luo a vawpa bangkhuo ca pakaa'a vayi ang

Simon Piter ta, “Abyipa, ahung'a luoma ma cakuo aa? Chuozaa hringna a pituv bie a hnyipa ca nama ca tamuo na cuo ta!”

Vuoruo taata zaa cungpa hringna viechuo ca kama hing tana i cuo. Hingpa viechuo a ningpa bangkhuo ca chuozaa ta ama hring aa. Chuelyi ming ta hringna ama hmung riypata i pi riypa viechuo ca i saa hingtana a cuo,” a ta yi.

Naa pathlietuv i Paa na kama'a luo a vya chiy yi ta li pata ca ahunghmuota kama'a luo a vaw khu'a vayi; cahaa cata kama'a luo a vawpa ca ningchuonapa ningta khiy hringna luo i pathu pakhaa yi,” a ta.

Tahematapakieca Khazing pipa viechuo ca vuoruo taata zaa cungpa hing cuote chuelyi kha hringna a pi,” a ta yi.

Kama ca hringna viechuo tana i cuo.

Zingsuv ta viechuo kha la te, palungtluona bie a hluo khu taata, capa lie a tupa tie kha a re yi. Cahaa cata ngaa zaw kha tue te cawsaa bangkhuo ta riybisa pata ama ning. Ama ning khu taata ziytuv tie kha, “Ama ningbuopa kha pakhaw tie ung, a cawta hmuo a vievuv li riypata,” a ta yi.

Sawkawpalaw ca me thung me paliy tluv ama va mawpa khata Zingsuv ca riyliy cunglie kha a phyi ta vya cakuo te iema'a luo a vya ngiepa yi kha ama hmung ca ama thlaa a zangsa. Zingsuv ta, “Nama thlaa zang kha se, Kama tana i cuo,” a ta yi.