Iivesi zeBhayibhile ezithandwayo ezisuka Motíosi 5

Yabelana

Bá dɛ nébígényée lámba go go yɛ ága naá iséní gadɛ́ɛ, kanɛ́ bá yɛ dálanamɔ́ naá gɛdálɛ́ná gá yɛ́, ɛ seemenye mɔtɔ uŋkimée mɔ́ɔnyɔ a lɔ́mɔ́ naá nnyaŋá. Caŋa táŋɛ́ mmue, bonyáa nɔnɔ naá oŋgíso yá batɔ. Bó gaá ŋaáa goŋaá bɛ́ ɛ́nana bɛnɔ́gɔ́ bɛ́nyɔ́ bá meŋiigíe, bɛ́ ɛ́da go gúmenye Isée bɛnyɔ́ mɔ́ɔnyɔ naá mmoɛná.»

«No lɛ́ gise gá batɔ. Tɛ́sɔnɔ fóágáalú naá ogɔndɔ mmoɛná, ɛ dɛ báá ɔsɛ́gɔ́ɔlú.

Besé makɔ́nɔ́ na batɔ bá ɛdɛ́má immúmpúu, bá ŋgɛ ɛ́ná Asaŋa.

Besé makɔ́nɔ́ na batɔ báaba bɔ́ ɔ́bɔnɔmɔ́ ncaná na inyúidi go masɛnɛ má botɛ́nɛ́ɛ, Asaŋa a ŋga bó fáá bá hóogio.

Kanɛ́ yɔmɔ́ɔ ŋgaá nyó oyáná caá, maamánáa nɔnɔ babɛlɔ́bɛlɔ bɛ́nyɔ́, no bósógolonyo go báaba bá nyó séesenyemú.

«Besé makɔ́nɔ́ na batɔ báaba bá lɔ́mɔ́ na odɛ́má yá gosóga, Bufuŋe bá mmoɛná bó lɛ́ gáábɔ́.

Besé makɔ́nɔ́ na batɔ báaba bá yɔgɔnɔmɔ́ goŋaá buumbénú bó bɛ́ɛmba naá boayá bábɔ́, bá ŋga bó dɔ́ŋɔ́nɔ́ɔ baaná bá Asaŋa.

Besé makɔ́nɔ́ na bɛpɔ́ɔ́ bá batɔ, bá ŋga dáŋábá cí yɛ́ɛyɛ Asaŋa a mbaá dáná.

Besé makɔ́nɔ́ na batɔ báaba basɔ́gɔ́ɔ batɔ bá bó séesenyemú go masɛnɛ má botɛ́nɛ́ɛ, Bufuŋe bá mmoɛná bó lɛ́ gáábɔ́.

Besé makɔ́nɔ́ na batɔ báaba bá gɔ́lɔnɔmɔ́ basɔ́gɔ́ɔ mahana, Asaŋa a ŋga bó gɔ́lɔ́ tɔ́nɔ mahana.

Besé makɔ́nɔ́ na bɛɛnyɔ́ɔ báaba batɔ bá nyó sɛgamɔ́, bá nyó séesenyemú, bá gɔnɔ nyó básómbanɛna mbɔ́dɔ iŋkimée go ufíno yámɛ. Békelényéemú nɔnɔ no gunde no aŋgana, bɛsoɛná bɛ́nyɔ́ bɛ́ lɛ́ makɔ́nɔ́nɔ́ɔ naá mmoɛná. Mammana, nɔ́ɔnɔ gɔ́ɔ bá mbaá séésényée mbúsí sá Asaŋa sɛ́ɛsɛ sɛ́ mbaá dóáná gɛ́nyɔ́.»

Besé makɔ́nɔ́ na batɔ báaba bá baŋamɔ́, Asaŋa a ŋga bó bobío odɛ́má.

«No lɛ́ masɛgɛ má cí. Kanɛ́ masɛgɛ má amɔ́ má sola, na akɛ́ bá gaá ná gɔnɔ́ má simidie o? Hɔ́ɔlɔ́ má ɛ́yá boóma bá dugúnú, bá má dɛ́a go nnyaáŋgadɛ́ɛ, batɔ bɛ́ ɛ́da go má bínde.»

Bɛɛnyɔ́ɔ kanɛ́, bɛ́ɛ́mba nɔnɔ bɛgɔ́nɛ́naga, aŋa Isée bɛnyɔ́ mɔ́ɔnyɔ naá mmoɛná a lɔ́mɔ́ gɛgɔ́nɛ́naga.

Ŋgáa ɛɛ́ɛŋ bahɔ a bɛ́ɛmba “ɛɛ́ɛŋ”, akɛ́ɛ bahɔ a bɛ́ɛmba “akɛ́ɛ”; bɔ́ɔbɔ bó bádálanamɔ́ hɔ́ɔ búntió bó ɛ́damɔ́ go úlene naá Ohándá.

«No mbɔ ɔ́bɔ́ goŋaá bá mbo oyɛ́dá bá amɔ́: “Niíso nɛ́ bégundie go niíso, niínyo nɛ́ bégundie go niínyo”. Kanɛ́ yɔmɔ́ɔ ŋgaá nyó oyáná caá, o do bááŋɛ́gá ombɛ́. Mɔtɔ a amɔ́ a go góba ombɔ́lɛ́ naá ɛdáma ná ombɔ́gɔ onɔ́mɛ, mo sɛncɛ́gɛ́náamɔ́ nɛ́ɛnɛ níntió.

«Aáŋa niíso náhɔ ná ombɔ́gɔ onɔ́mɛ nɛ́ go dómana goŋaá o lɔgɔ, nɛ́ báláamɔ́ o nɛ́ umbe halaháláa; bó lɛ́ bese go busío báhɔ goŋaá gɛnamá gáhɔ gímmue gɛ́ yíme, gó dómba goŋaá bá nɔɔ nnyɔ́dɔ yahɔ iŋkimée naá gɛbɔlɔ́gɔdɔ gá íyuke há kanɛ go fúenene. Aáŋa ombɔ́gɔ yáhɔ yá onɔ́mɛ yó go dómana goŋaá o lɔgɔ, yó sómbáamɔ́ o yó umbe halaháláa; bó lɛ́ bese go busío báhɔ goŋaá gɛnamá gáhɔ gímmue gɛ́ yíme, gó dómba goŋaá nnyɔ́dɔ yahɔ iŋkimée yɛ ɛ́da naá gɛbɔlɔ́gɔdɔ gá íyuke há kanɛ go fúenene.