Iivesi zeBhayibhile ezithandwayo ezisuka Saŋ 15

Share

« ⁠ ⁠Daa mi tal béeñë, ɗon daa ya⁠ˈ ya. Ɓëyí pokoh soo na, te mi pokoh ɗii na ay ɗúhíɗ njiriñ mi gaante. Ɗon míníh paŋ yin ɗeefa ɗon pëkíih soo na.

Kon pëkíi soo na ti di poka⁠ˈ mi ɗon na nen. Ya⁠ˈ béeñí tokaay tala, ɓani afi kep dín mínéh lím ; ti ɗaaha nen, ɗon a affon kut ɗon míníh ɗúhíɗ njiriñ hém ɗon pokuuy soo na.

Ɗon pokoh soo na, te ɗon ham unni so⁠ˈ ɗon na raa, ɗëgí yii neɓa⁠ˈ ron, ɗon ay rii liil.

Ɗon neh daa tansu so⁠ˈ ; daa mi tanis ron. Daa mi fal ron, mi wolte ron, ɗon ɗúhíɗ njiriñ, njiriñ mi na ɗúméh. Hen ɗaaha raa, yii ɗon ɗaŋ ɗi ɓéeɓ, ɗon ñeya⁠ˈ ri tii so⁠ˈ, Baaso⁠ˈ ay ron rii on.

Lahay ɓëyí faha⁠ˈ⁠te ow níi luk ɓëyí tah yera⁠ˈ⁠i ñíiní af kooƴƴi.

Ya⁠ˈ⁠i tokoh so⁠ˈ mi tal béeñë ɓéeɓ te límëy, Baaso⁠ˈ ay rii lec. Ndaa bi na lím, ɗi ay rii yugus níi lan, ɗi ɓaatti lím.

Túuƴë⁠ˈ⁠í së⁠ˈ daa ri beh : Di faha⁠ˈ mi ron, lah fëhëntíi ɗaaha hanndal kon.

Ndami Baaso⁠ˈ yúhúu biti ɗon ɗúhíɗ njiriñ caak, ɗon teeɓa⁠ˈ biti ɗon taalibe yi so⁠ˈ.

Yéesú wonil tih : « ⁠ ⁠Daa mi tal béeñí kah-kah fa, te Baaso⁠ˈ daa na tooppitoh tal béeñë.

Ɓëyí pokaay soo na ay betu ti ya⁠ˈ béeñí lecu leco, betute súhté nen ; ya⁠ˈ yi béeñí man ɗah ay luuhu luuho, betu kíi wa tam.

« ⁠ ⁠Ɗon ot mi won ɗon yii bah, mi faha⁠ˈ biti sosi keeñ so⁠ˈ hom ɗon na, te sosi keeñon mit sëk.

Di ñeya⁠ˈ mi túuƴë⁠ˈ yí Baaso⁠ˈ, mi na pes filiɓ faha⁠ˈ⁠a faha⁠ˈ ɗi so⁠ˈ ra, ɗon ñee túuƴë⁠ˈ yí së⁠ˈ rëe, ɗon ay pesee ɗaaha filiɓ faha⁠ˈ⁠a faha⁠ˈ mi ron ra.

Filiɓ iñƴaa ɓéeɓ, mi faha⁠ˈ woni ron biti lah fëhëntíi hanndal kon.

Ɗon nonun ɓëy feey fi bee koon, tin wa ay ron faha⁠ˈ ndah ɗon nonu waa na. Ndaa mi tanisse ron mi ɗúhíɗté rën waa na, tahte ɗon nënlíh waa na. Yii baa daa tah wa kaa⁠ˈ ron.