Iivesi zeBhayibhile ezithandwayo ezisuka Saŋ 14

Share

Mi saañ sayo, ndaa may ron heliɗ jaamma, jaammaa laha⁠ˈ mi ra. Mii ron rii hella⁠ˈ ti di na paguu ri ɓëy ëldúnë nen. Affon ɓanay kúnëh, te ngënë tíití.

Yéesú won ɗi tih : « ⁠ ⁠Daa mi waala, daa mi kaaf ka, daa mi na ona⁠ˈ pesa. Ow mínéh pay Boffa na te ñeyeh soo na.

Yéesú antee won taalibe yi ɓéeɓ tih : « ⁠ ⁠Affon ɓanay kúnëh⁠ ⁠! Gémí Koope, te ɗon gém së⁠ˈ ɓal⁠ ⁠!

Lahte Dímlëhí ee ac filoon fi so⁠ˈ ra, daa ri Ruuh-Peseŋ fa nay wolee Baaso⁠ˈ di tii so⁠ˈ ra. Ɗi nay ron yëeddé ɓéeɓ, ɗi nédís ɗon iña won mi ron ra ɓéeɓ.

Ɓëyí ham iña na túuƴë⁠ˈ mí rë afi te ri ñee na, ɗeef ɓëyí baa faha⁠ˈ⁠te so⁠ˈ. Ɓëyí faha⁠ˈ so⁠ˈ, Baaso⁠ˈ ay rii faha⁠ˈ ; so⁠ˈ ɓal may rii faha⁠ˈ te may rii teekiroh.⁠ ⁠»

Ɗaaha raa, may ɗaŋ Baaso⁠ˈ kom ɗon Dímlëh kay, bi ay home ɗon na faraah. Daa ri Ruuha na teeɓ ɓëewë kaaf ka ra. Ɓëewë feey fi bee míníh ríi haba⁠ˈ Dímlëh, ndah wa oluy ri, wa yíih rí. Ɗon nék, ɗon yúhú rí ; ɗi ee filiɓ fon te ri ay home ow fi ow ɗon na faraah.

te yii ɗon ɗaŋ ɗi ɓéeɓ, ɗon ñeya⁠ˈ ri tii so⁠ˈ, may ron rii pagiɗ, nda so⁠ˈ mi Koy ka mi teeɓa⁠ˈ ndami Boffa. Yii ɗon ɗaŋ ɗi, ɗon ñeya⁠ˈ ri tii so⁠ˈ, may rii paŋ.

« ⁠ ⁠Ɗon faha⁠ˈ so⁠ˈ raa, ɗon ay ñee iña na túuƴ mí ɗon ɗa.

Faam Baaso⁠ˈ haŋke ; may pay mi waaƴiɗ ɗon tígí nay ron home. Henay baa koon mi woneh ron ɗi⁠ ⁠!

Mi pay mi waaƴiɗ ɗon ɗi níi woc ɗaa, may nimil mi kali ron. Hen ɗaaha raa, tígë nay mii home ra, ɗon ay home na ɓal.

Toomaa won ɗi tígí daaha tih : « ⁠ ⁠Yíkëe, fun yíih tígë na saañ fu ra, fun ay yúhée waala yuliɗ na ra ɗíh ?⁠ ⁠»