Iivesi zeBhayibhile ezithandwayo ezisuka Pula 32

Share

Ini kaɗ ŋ Israayel ci, ɓa hoteen ne Musaa maañiɗ ŋ tangoora a hayɗi paaɗ, ɓa cohha ŋ ɗiskaŋ Aaruna, ɓa woosa ɗe ne : « Musaa ƴaari pulɗoh ɓoo Misra yii, ɓo' inhisɗi in nga ɗe. Mbaa, haɓɗiɗa ɓoo kooh ci adgan ŋ fiki ɓoo. »

Wa Nikiɗi hot in ceem, a woosa Musaa ne : « Ruhsa fu kaɗ, cuuɓiŋ ɗa fu pulɗoh Misra yahrukohiɗ. Ɓa ariɗ faɗ waasi ŋ teeɓee ɓa. Ɓa haɓɗiɗiɗ haf ɓa ɗoon na urus naayɗuuɗ, ɓa ƴekiɗ ŋ fikiice, ɓa seeƴkiɗta ɗe te ɓa woosa ne : “ Israayel ! Koohiŋ ɓoo pulɗoh ɓoo Misra a Yii ! ” »

Wa Aaruna hot ŋ ineem, a haɓiɗta seeƴkoha ŋ fiki nataala, a woosa ŋ ɗafka ne : « Kim, feet hey raake yakɗoha Nikiɗi. » Wa Kooh wiis na ɓaaɓa teel, ɓa seeƴkohha ɓi ɗoopaat seeƴuk hoomɗaah, na seeƴuk wuu jam. Ɓa ɓooffa, ɓa ñameeɗa, ɓa aneeɗa ; ƴutta ɓa kurukka, ɓa mbuumbaayeeɗa.

Wa Kooh wiis, Musaa woosa cuuɓa ne : « Ɗu bakaaɗiɗ bakaaɗ yakak. Mi yii rapisseeɗa tangoori ŋ ɗiskaŋ Nikiɗi, ŋ hey ɗu ɗaasnukɗe, wa miniɗ nik ne Kooh ɗaas ɗu bakaaɗiŋ ɗu. »