Iivesi zeBhayibhile ezithandwayo ezisuka Matio 5

Share

Nɛ̀ nyɔ̍-ɔ tba̍ nape̍ wɛ̀ nɛ̀ po̍ ɛ̍ dě too sɔ̀n, jɛ nɛ̀ àn pèle ɛ̍ dǒ ja̍i̍ wɛ̀ nyɔ̍ kli̍hgbɛ̍ iě i̍ jě dě gbò. Ɛ̍ tìh-ɛ, mɔ̀-a sɔ̀npli bo ɛ̀ iě fa̍n dǒ nyɔ̍gbei we̍, nɛ̀ mɔ̀-a nu̍-dɛ̍ᵻ chɛ̀ bo u̍h-a mu̍ jě sasǎ, wɛ̀ u̍h iě mɔ̀ Baa Nyɔsoa nɛ-a dě ja̍i̍wlɔ̀-ɛ tìhwe̍ po̍.”

“Mɔ̀ɔ̍ bo ùh nu̍ sɔ̀npli dǒ kmɔ̌ kli̍hgbɛ̍ we̍. Tùgbàwlɔ̀ u̍h poe-a dǒ tlu̍h kɛ̍n-ɛ, ɛ̍-ɛ sìle.

“Nyɔ̍ ùh blě-a wlùh wlǎ-ɛ, nɛ̀ u̍h nmɔ i̍. Dɛ̍nu̍ɛ, u̍h-a mu̍ Nyɔsoa-a jua̍a̍ jě.

“Nyɔ̍ ùh kɔn wlùh-a nu̍-a jàjà ùh iě-a dɛ̍ Nyɔsoa-a pɔ̀n-a i̍-ɛ nu̍-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a mu̍ u̍h-a wlùh i̍ tè-e.

Jɛ mɔ̍ɔ, kǎ ǐn dǎ ka o, jbɛɛ àn nyɛ̌-nyɔ̍-ɔ, nɛ̀ nyɔ̍ ùh-a jě-ea ìn klě-ɛ, ba̍le dǒ u̍h-a tàà.

“Nyɔ̍ ùh jě-a u̍h-a chɛ̀ nyɔ̍gbà nyɔ̍ we̍i̍ Nyɔsoa tìh-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ u̍h we̍.

“Nyɔ̍ ùh nu̍-a kmɔ̌ i̍ gbe̍ɛ̍ɛn nyɔ̍-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a mu̍ u̍h ɔ̍ nynuu̍ we̍i̍ nu̍.

“Nyɔ̍ ùh pa̍-a sùàɛ̀n Nyɔsoa tìh-ɛ, nɛ̀ u̍h nmɔ i̍. Dɛ̍nu̍ɛ, u̍h-a mu̍ gbòɛ̀ i̍ blaɛ-ɛ.

“Nyɔ̍ ùh-a nu̍-a dɛ̍ Nyɔsoa-a pɔ̀n-a i̍, wɛ̀ u̍h tù-a ɛ̍ tìh u̍h-a jě-ea u̍h klě-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a kmɔ̌ wlu̍ i̍ kɔn-ɛ kɔn dǒ u̍h we̍.

“Nyɔ̍ ùh-a jě-a nyɔ̍ wɔɛ-ɛ, nɛ̀ u̍h nmɔ i̍. Dɛ̍nu̍ɛ, Nyɔsoa-a mu̍ u̍h wɔɛ jě ke.

“Mɔ̀ɔ̍ ùh u̍h tù-a ǎn tìh u̍h-a bla̍-a tìh pùn i̍, wɛ̀ u̍h-a jě-ea klě, wɛ̀ u̍h-a tmɔ̌-ɛa si̍h i̍-ɛ, nɛ̀ mɔ̀ nmɔ i̍. Nɛ̀ mɔ̀ nu̍ mɔna̍ mɔ̀ iě ja̍ de̍le, mɔ̀-a wlùh iě i̍ tè. Dɛ̍nu̍ɛ, mɔ̀-a jě-dɛ̍ bɛ̌ i̍ dě ja̍i̍wlɔ̀. Nyɔsoa-a tu̍owli po̍ nyɔ̍ ùh wɔ̀-a nya̍-ɛ, kǎ u̍h nu̍ u̍h klě jě-eɛ ke.”

“Nyɔ̍ ùh ja-a u̍h-a chɛ̀ wlù-ɛ, nɛ̀ u̍h nmɔ i̍. Dɛ̍nu̍ɛ, u̍h-a mu̍ dɛ̍ kɔn wlu̍ Nyɔsoa po̍-a tɔ̀ma̍a̍-a jě.

Jusu la̍a̍, “Mɔ̀ wɔ̀ tɔ̌n dǒ nyɔ̍ kli̍hgbɛ̍ we̍. Jɛ pò tɔ̌n wɛ̀ wɔ̍n-ɛ, nɛ̀ nyɔ̍ se̍ ɛ̍ wɔ̍n nmɔ-ɛ bɛ̌ɛ dɛ. Nɛ̀ ɛ̍ se̍ nu̍-dɛ̍ kɔn dɛ, nɛ̀ nyɔ̍-a mu̍ la̍ ɛ̍ i̍ wlǎ sǔh nyɔ̍gbei iě ɛ̍ kɛ̍n i̍ na.

Ɛ̍ tìh-ɛ, ka mɔ̀ Baa ɔ̀ nɛ-a dě ja̍i̍wlɔ̀-ɛ, ɔ̍ nu̍-dɛ̍ nu̍-a gblɛ̍ja̍i̍ wɛ̀-ɛ, kǎ mɔ̀ naɛ iě gblɛ̍ja̍i̍ wɛ̀-ɛ nu̍ ke.”

Ɛ̍ tìh pò ìn ja dɛ̍ we̍ wɔ̌ɛn mu̍-ɛ, nɛ̀ nàa̍, ‘Ào̍,’ iě pò ìn se̍ wɔ̌n mu̍-ɛ, nɛ̀ nàa̍, ‘Iěe.’ Jɛ pò dɛ̍ dɛɛ gbǎ-oɛ, nɛ̀ ɛ̍ sɔ dě Nyɔ̍ Sɔ̀n laa̍ we̍.”

Ɔ̍ la̍a̍, “Mɔ̀ wɔ̌n i̍h se̍e̍ u̍h la̍a̍, ‘Pò ìn wa̍ nyɔ̍-a jlǐhɛ̍-ɛ, nɛ̀ u̍h wa̍ nàɛ̀ ke. Pò ìn sà nyɔ̍ nynɛ̌ wɔ̍ɔ̍n-ɛ, nɛ̀ u̍h sà-e nàɛ̀ ke.’ Jɛ mɔ̍ɔ, kǎ ǐn dǎ ka o, bɔ̌ nyɔ̍ gba̍a̍ sàɛ̀. Pò nyɔ̍ po̍ ìn gbǎ kèkà i̍-ɛ, nɛ̀ ìn fèàɛ̀ ɔ̍ iě kèkà sie-a dǒ de̍-ɛ gbǎ tba̍ ke.

Ɛ̍ tìh pò àn jlǐhɛ̍ due ja pɔ̀n ìè dɛ̍ sɔ̀n nu̍-ɛ, nɛ̀ ìn sà jlǐhɛ̍ laa̍ kɔ̌n-ɔ ìè ɛ̍ de̍ po̍. Ɛ̍ nmɔ jii̍ ìè àn fɔ̌ due mǎ-ɛ, ɛ̍ sìì àn nyi̍ɔ̍tu kli̍hgbɛ̍ iě i̍ gbà wɛ̀ ìè dě kàn nɛ̍ di̍i̍ gbǎ. Pò àn di̍na̍ sɔ̍n ja pɔ̀n ìè dɛ̍ sɔ̀n nu̍-ɛ, nɛ̀ ìn chɛ̍n ɛ̍ i̍ ìè ɛ̍ de̍ po̍. Ɛ̍ nmɔ jii̍ ìè àn dalǔh due mǎ-ɛ, ɛ̍ sìì àn nyi̍ɔ̍tu kli̍hgbɛ̍ iě i̍ gbà wɛ̀ ìè dě kàn nɛ̍ di̍i̍ gbǎ.”