Iivesi zeBhayibhile ezithandwayo ezisuka Nu̍-dɛ̍ᵻ 2

Share

Wɛ̀ Pitɛ la̍a̍ dě u̍h we̍, “Mɔ̀ bǐi i̍, wɛ̀ mɔ̀ iě nǐ dlǔ po̍ kli̍hgbɛ̍ dǒ Jusu Klai-a nynɛ̌ kɛ̍n. Nɛ̀ mɔ̀-a gblɛ̍n sɔ̀ɛ̀n-a tìh-a mu̍ i̍ tǎli-ɛ. Nɛ̀ mɔ̀-a mu̍ Nyɔsoa-a Sùù jě.

Wɛ̀ u̍h-a cheǎn-ɛ gba̍tòà dɛ̍ we̍ ma̍u̍, u̍h ke u̍h-a nɛ̍aɛ we̍. Nɛ̀ u̍h-a gbo̍a̍ɛ sɔ̍n jǔ iě u̍h-a ba̍le.

Iě Nyɔsoa-a Sùù jǐi u̍h kli̍hgbɛ̍ i̍, sɔ u̍h-a po̍ la̍ wlu̍ diih sǔh, ìh Sùù po̍-a dě u̍h wɔ̍ɔ̍n-ɛ.

U̍h iě-a kèle-ɛ, nɛ̀ slɛ̀-a sɔ dě ja̍i̍ ka poɔ dɔu-a ji̍-ɛ. Wɛ̀ ɛ̍ jǐ dě gbò kɔn di̍i̍ u̍h tè-a i̍-ɛ. Dǒ u̍h jě-e dɛ̍ ɛ̍ wɔ̀ nɛ̍-a mɛɔ, iě ɛ̍ wɔ̀ u̍h kli̍hgbɛ̍ dlǔ dě gbò. Jɔ-ɛ, nɛ̀ ɔ̍ naɛ nɛ dǒ ɔ̍ pùn. Iě Nyɔsoa-a Sùù jǐi u̍h kli̍hgbɛ̍ i̍, sɔ u̍h-a po̍ la̍ wlu̍ diih sǔh, ìh Sùù po̍-a dě u̍h wɔ̍ɔ̍n-ɛ.

Ka sɔ̀n-a sɛ̀n-a, kǎ u̍h-a gbèɛ̀ɛ̍n dě Nyɔsoa-a slaǎ sà gbò sɔ̀n. Nɛ̀ u̍h-a gbǎ tàdùè u̍h blǐ gbòᵻ i̍ iě u̍h-a di̍-i dɛ̍we̍ dǒ wlùh wlǎ we̍. Wɛ̀ u̍h-a po̍ Nyɔsoa tìhwe̍, iě u̍h-a nu̍-dɛ̍-a po̍ nyɔ̍ kli̍hgbɛ̍ gbǐh. Nɛ̀ ka sɔ̀n-a sɛ̀n-a, kǎ Joi-a po̍ nyɔ̍ ùh pǔh-aɛ dě u̍h-a gbɔ̀ù di̍i̍.

‘Nyɔsoa la̍a̍, Ɛ̀ la bo ǎn mu̍ nu̍ dǒ bɔ̌ɛ-o wǐh di̍i̍. Ǎn mu̍ ǎn Sùù dǒ nyɔ̍ kli̍hgbɛ̍ kɛ̍n po̍. Wɛ̀ mɔ̀-a jɔ̍gbauᵻ ke nynɔ̌gbaɔᵻ nynuu̍ iě ǎn gbànwli po̍. Mɔ̀-a nynuu̍gbèè-a mu̍ Nyɔsoa kwlǎ jěe. Nɛ̀ mɔ̀-a nyɔ̍ klaaᵻá mu̍ Nyɔsoa ja̍ᵻ ja.

Wlùh gbaɛ blě nyɔ̍ kli̍hgbɛ̍ u̍h-u sèàɛ̍ kɛ̍n, iě u̍h-a dɛ̍ nɛ due. Jɔ-ɛ, nɛ̀ ɔ̍ ple̍ ɔ̍ kɔn-dɛ̍ᵻ ke ɔ̍ blewi̍h. Iě u̍h-a gblè i̍h, nɛ̀ jɛ jɔ nɛ-a gba̍ ka̍-a, ɛ̍ bo u̍h-a nyǐ ɔ̍.

Jɛ nɛ̀ nyɔ̍ɔ ùh-a mu̍-a Joi-a nynɛ̌ i̍ dǎ-ɛ, nɛ̀ u̍h-a mu̍ pǔh.’

Nɛ̀ jlǔh-a mu̍ gbe, wɛ̀ chǔh iě slìi̍h nɛ ka nymɔ̍-ɛ sasǎ, wɛ̀ Joi-a wɔ̍n ku̍-ɛ ke tìh-a i̍ bɛ̌-ɛ weɛ̍ iě ji̍-ɛ dǔ.