Iivesi zeBhayibhile ezithandwayo ezisuka Luka 6

Share

Amụbapege ifyakubapa abāngi po nanụmwe mwịsakupegịgwaga; mwịsakwambililaga pakigelelo ikinụnụ, ikikanyịsye, ikisụkanịe, iki kị̄swile kịkulefụka, mwịsakwambaga pamwenda gwinụ. Buno ikigelelo kikyo mụkugelela pakubapa fịmo abāngi, kyokīkyo nanụmwe mwịsakugelelịgwaga.

Umụ̄ndu unnụnụ ịkusōsya sịnụnụ ukufụma mụnụnụ isị sịlūndị̄le mụndụmbụla jake; jope umụ̄ndu ummbị̄bị ịkusōsya sịmbị̄bị ukufụma mụmbị̄bị isị alūndị̄ke; namanga isị sịkusōka bo ịkujoba syo isị sị̄swile mụndụmbụla jake.

Lolị umwe mụbaganege abalugu bīnụ, mụbōmbēge inụnụ, mụkopesyege kisịta kugụ̄lila ifyakubagomolela nafịmo; po ifyakubahōmba fịsakujaga fịngị, po mwịsakujaga bāna ba ju Nnkīnde; namanga umwene ali niịpyana na kuli aba bakaja na ndaga kumyake, nakubabị̄bị.

Amụjege nikibabilisị bo mụno ugwịsēmwe ajīlị̄le ukuja nikibabilisị.

Mụngabalōngaga nabamo abāndu, po Kyala atịsakubalongaga umwe, mụngabajobaga ububị̄bị abāngi po nanụmwe mụtịsakujobịgwaga ububị̄bị, mụbaswege īnōngwa abāngi po nanụmwe mwịsakuswegịgwaga.

Lolị ngubabūla mwe mụkūmbilikisya nguti: Mụbaganege abalugu bīnụ, mụbasajege aba bịkubagụna.

Kangi isị kulōnda ukuti abāndu bakubōmbelege, syo nụngwe ubabōmbelege.

Uju linga ịkukukoma palusaja lumo umpege nulūngi lōpe akukomege; kangi uju linga ịkupoka ikilūndo kyako ungasị̄tilaga naliịkotị lyako. Gwesa uju ịkukusūma fịmo umpege; kangi uju ịkupoka fịmo ifyako ungammelelaga.

Gukajako nagumo umpịkị unnụnụ ugu gụkupa īseke īmbị̄bị, kangi gōpe nagumo umpịkị ummbị̄bị ugu gụkupa īseke īnụnụ

umpịkị gōsa gula gụkumanyilịgwa mụseke gūgo. Īseke sya nkuju sịtịkutūngulịgwa mmị̄fwa, gōpe na māfị̄lu gatịkwapịgwa mmịtulatula.