Iivesi zeBhayibhile ezithandwayo ezisuka Matay 7

Share

“Makowyat kamo a meynozi, ta ori o ipakahap nyo so apyahen nyo no nakem. Makowyat kamo a komala si Ama ta do to, ta iya o yanan no kakzeben nyo no nakem. Makowyat kamo a tomawag ji Ama ta do to, ta iya o makasidong jinyo.

Ta o mapasyasi jya, komala sya, tomawag jya am mahap da o isidong na sira.

“O tao a omamizing so ciring ko a mapeyvazay sya am akman so mapatak a tao a mapatnek so vahay na do lalitan.

No si kakzeben nyo o kapya da so nakem jinyo no icyatatao nyo am akman kamo sang so nakem jira. Ta ori o na agagazan no nivatvatkan ni Moyse a kano panoyonoywan na so ciring ni Ama ta do to.

O asdesdepan a rarahan a meypangay do kavyayan no pahad am meylid ori a masalit a pangonongan. Apereh o tao a makakala so sang.

“Somdep kamo do alikey a asdesdepan. Ta o asdesdepan a rarahan a meypangay do kararatan am mowvong ori a jyasalit a pangonongan. So ikaro no tao a mangonong do dang.

Kakwakwan nyo a meyraraten a tao a yamakateneng do kapanta no anak nyo so pipya kanekanen a imanngo rana si Ama ta do to. Ta jyabo kaji na norwan nya jinyo no amin nyo o ikeykakza nyo a.

“Ji kamo manraherahet so icyatatao nyo, ta no si manraherahet kamo so icyatatao nyo am akman kamo sang a raheraheten da. Ta o ahahapan nyo so panraherahetan nyo so icyatatao nyo am akman sang o ahapan da sya no tao a amraherahet jinyo. To macilocilolo do kakdekdeng no iraherahet nyo so icyatatao nyo o raherahetan da jinyo.

Am o makamizing so ciring ko a tao a ji ngahap sya am akman so jyapatapatak a tao a mangay mapatnek so vahay na do kananayan.

Ikongo nyo pacivalalan do da karatan no kadwan jinyo a yanyo kaji makalavatan so nyo karatan. Yanyo kapanci no kakteh nyo do cinai a amlis do marahet a nakenakem da am nyo jiblisi o yamarahet a nakenakem nyo.

“Azimanen nyo o malas so ipangnanao a tao. Ta akmey apiya o ipangnanao da am jyakman sang, ta tey manginanawa sira a mangalalas so ciring. To nyo na tovili o iwawalam da. Jyabo kato nyo mamozasan do tazici so potaw a. O tamek am ji to meyyasi so vazacinok.

O pipya kayo o makapeyyasi so apya so kakanan. O mararahet a kayo am meyyasi so marahet so kakanan.

Ji meyyasi o pipya kayo so marahet a asi no kayo an. O marahet a kayo am ji to meyyasi so pipya asi no kayo an.

O ji meyyasi a kayo am to rananba kasleb sya do apoy.