Iivesi zeBhayibhile ezithandwayo ezisuka Matay 5

Share

Abo o mapowzib so nipaciscisan na zampo. Ta to rana pacimalaga a izezak so tao do sahad no vahay. Akman kamo so zezak ang a peycitacittan da no tao. So inaran nyo si Ama ta do to a tey yapya. Ta no si macita da inyo no tao a tey yapiya so ahahapan sya am admadmain da rana si Ama ta do to.

“Inyo rana am akma kamoy zezngang do karawan. Akman so vahay a nipatnek do tokon a abo so ji makacita sya tao.

“O ji meylimoteng so onowned a tao am tey yapya sira. Ta mangay kapakacita da si Ama ta do to no makwa.

“O manoyong a komakzeb so kahap da so vazay na ni Ama ta do to am tey yapya sira. Ta mahap da o amin da ji Ama ta do to.

Am ko pa ipanci jinyo am ikarilaw nyo sira o macioya jinyo a tao a kapeynozi nyo no mapakakasi jinyo a tao.

“O tao a omanoyong do kataotao da a ji makanet so nakenakem ji Ama ta do to am tey yapya sira. Ta macizanod sira do italamozong ni Ama ta do to.

“O mapeyyalalap so nakem no meykaoya tao am tey yapya sira. Ta abneken na sira ni Ama ta do to a akma ney anak.

“O amlavi so onowned a tao am mangay o kasaray da, ta mangay na panadnaden o nakem da ni Ama ta do to.

“O mahap so vazay na ni Ama ta do to a tao a pakakasin da am tey yapya sira. Ta macikaop rana sira do italamozong ni Ama ta do to.

“O marilaw no icyatatao da am tey yapya sira. Ta akman sang si Ama ta do to a marilaw nira.

“No monganay jyaken o ji da ninigan ninyo no tao a pakakasin a tamwaden no marahet a ciring am manoyong katey yapya nyo. Somaray kamo an. Ta yamyan do teyngato o makdeng a azaw nyo a ipasaray na jinyo ni Ama ta do to. Nimakalapo no kakwa o kakman da sang no panoyonoywan na so ciring ni Ama ta do to a nipakakasi da no tao.

“O mapanalawbo so kataotao da tao am tey yapya sira. Ta mahap da o nipanci na pa ni Ama ta do to a yazaw na sira.

“Inyo rana am akma kamoy asin no tao do karawan. Am no si tomavang ori am ikongo pavowin a kapait na. So ikabo rana no angangayan na. So to rana walici nya zazasagan no tao.

Inarahen nyo si Ama nyo do to a tey yapya so ahahapan sya.

No meyzezyak kamo am manoyong am manoyong. No malas am todalas. No tey yaro rana o ciring am yapwan na rana no raraten.

“Nimamizing nyo na o ciring da no kamanrarakehan no kakwa a manci no, ‘No osowen da o mata mo am osowen mo o mata da. No podpoden da o ngepen mo am podpoden mo o ngepen da.’ Am ko pa ipanci jinyo am taosya o kapatonggal nyo do ji makazid jinyo. No amyan so tao a somiplang so wanan a posngi mo am to mo pa norwan o asa ka posngi mo a siplangen na.

No si asa ka mata mo o nipeyraraten mo am to mo rana ngoswa a iwalit. Ta apyapya pa o kabo no asa ka mata mo a mai jyaken a kano kataotao mo a mangay do kararatan. No wanan mo do lima mo o nipeyraraten mo am to mo ranangteba a iwalit. Ta apyapya pa o kabo no asa ka lima mo a mai jyaken a kano kataotao mo a mangay do kararatan.