Iivesi zeBhayibhile ezithandwayo ezisuka Yowani 3

Share

Yatey rako na karilawan no tao do karawan ni Ama ta do to. Mangay do na veyvowen a Anak na o yana nitoro. So ikamimin da no omanoyong jya tao a ji rana meydednai no peyoyaoyyan na ni Ama ta do to, ta mahap da rana o to meyyonong a ikavyay no pahad da.

Ta o nitovoyan na so Anak na do teyrahem am beken a pasingsingtan na o tao do teyrahem. Ta patazadangen na sira do teyngato.

Maniring si Yeso am, “To ko na macitangayan jimo am no si ji mirwa a matazak a tao o tao am ji macikaop do italamozong na ni Ama ta do to a tao.”

“Omanoyong do Anak ni Ama ta do to a tao am ji na mancyan sira meyraraten. O ji nganoyong jya am ori o ipanci na amyan so raraten. Ta ji da nganoyngi o veyvowen na Anak ni Ama ta do to.

O Anak ni Ama ta do to am akmey zezak a nimai do teyrahem a amzezak so tao do karawan. Am ji dakzan no tao o kazngangan, ta ikeykakza da pa o kasarisaryan. Ta meyraraten pa sira. Ori o peypeypangayan no na pancyan nira a meyraraten.

Mangay o kapeyparo da no tao a mangay amrapong si Yeso. Mangay o kapeypapereh no tao a omanod jyaken.”

O meyraraten a tao am ikaoya da o mazngang. Am ori o ji da macisngeni do kazngangan, ta ikanyahey da o kapakateneng da jira meyraraten.

Omanoyong do Anak na am mahap na o to meyyonong a ikavyay no pahad na. O ji nganoyong do Anak na am abo jya o ikavyay no pahad na, ta meydedna jya o peyoyaoyyan na ni Ama ta do to.

Maniring pa si Yeso am, “No kakwa pa am nimapatnek si Moyse do kayo so nipariparing da mavowaw do kabwan no nihakawan no tao. So icyakman ko sang a Nipamnekan na ni Ama ta do to a padketen da do kayo a patneken no makwa.

O Ama na am marilaw no Anak na. So na nitorwan no makakaday jya a italamozong na.