Iivesi zeBhayibhile ezithandwayo ezisuka JOHANE 6

Share

Jesu ukawizera, “Ini nuo mkate ghwa irangi, uo uchagha kwapo na jingi ndechaawona njala, na uo ose urumiriagha kwapo na jingi ndechaaoma anduangi.

Uja Roho nuo unekagha irangi, ela mumbi ndeghudimagha ilagho jingi anduangi. Malagho namghoria ni Roho na irangi.

Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”

Angu ijo ujikundagha Aba nijo iji: kula mundu ummbonagha Mwana na kurumiria kwake, ukaieghe na irangi ja kala na kala. Na ini nichamrukisha Ituku ja kutua mbai.”

Jesu ukawitumbulia, “Kazi ya Mlungu niyo ihi: inyo kumrumiria uo oremdumieghe.”

Awo wose Aba uninekagha wichacha kwapo; na uo uchagha kwapo, na jingi sichaammbinga anduangi.

Simoni Petro ukamtumbulia, “Bwana, dimghendia ani? Oho koko na malagho gha irangi ja kala na kala.

Ini nuo ugho mkate ghuko moyo ghoreserieghe kufuma mlungunyi. Mndungi ukaja mkate ugho, uchakaia moyo kwa kala na kala. Na mkate nichaaghufunya kwa wundu ghwa irangi ja wurumwengu, ni mumbi ghwapo.”

Mndungi ndedimagha kucha kwapo anduangi, ngera userudilo ni uja Aba orenidumieghe, nani nichamrukisha Ituku ja kutua mbai.

Angu mkate ugho Mlungu umnekagha, ni uo uchee kufuma mlungunyi kughuneka wurumwengu irangi.”

Ini nuo mkate ghwa irangi.

Jesu ukaiwusa iyo mikate, hata umeria kufunya chawucha kwa Mlungu, ukawiwaghia wandu werekoghe kidombo; na samaki woruwo koni, kula mundu ukapata sa iji orekundieghe. Nao iji wandu wameria kughuda, ukawizera wanughi wake, “Vitumbanyenyi vibelele va mikate vose vasigharika kindo chingi chisakelaghaya.”

Hata iji waruda makasia sa mwendo ghwa kilometa isanu angu irandadu, wikammbona Jesu ukighenda na maghu aighu ya machi, na kuvika kaavui na jija ishua; nawo wikaobua na ndighi. Jesu ukawizera, “Msakeobua, ni ini moni.”