Iivesi zeBhayibhile ezithandwayo ezisuka Luglaa 17

Share

Saŋa la Abram n wa di binni tokkoanaazu ni fidikabɛl, Kɔraawiizi ba u be, di wa ŋɔ, “Minuu Fɔŋŋa Maa Hiŋ. Awia, a hiŋiŋ ni wibii.

Ba wàá ka yirii Abram, ka ba daŋ jaa ra yirii Abraham, dikuu hin niŋ ɛɛ nɛdeekpila maa mɛɛ wia.

N daŋ hiŋ n nua la miŋ ŋɔwɛɛ tɛɛ i ni i naanna jiminizi maa n niŋ ba, u ɛɛ nuukpaŋ la n niŋ du de di hanna la saŋa maa. N daŋ ɛɛ i ni ii naanna maa Kɔraawiizi.

“Nuukpaŋ la n nii n niŋ ɛɛu keŋ. N daŋ gil i ɛɛ hɛrkpila maa nɛra mɛɛ.

Denii Kɔraawiizi ŋɔ, “N nuuwɔɔ, ka i haaŋ Saara daŋ lul biibaal. Di u wa luluu, í dau u sɔŋ Aizik. N ni Aizikii niŋ dɔɔ a keŋ nuukpaŋ naa, ú du de tɛɛ u ni u biizi ni u naana maa di hanna la.

N daŋ kpa Keenan hɛri naa iin duwɛɛ di ɛɛ hɔɔhra naa maa, tɛɛ i ni i naanna maa, di hanna la, di jaa ɛɛ Kɔraawiizi la ban ninna hum.”

Denii Abraham chɔɔ pi hɛri ka mam, di pɛɛzi u hiŋ, “Miŋ di binni kalfa di zɛŋ kennaa, ɛrɛɛ n kaa ɛɛ lul biei? Saara ge n di binni tokkoanaazu ni fi naa, ú daŋ kaa wer lulaa?”

Denii Kɔraawiizi kaa ŋɔ Abraham be, “I haaŋ Sarai ge, hàá kaa ra yiruu Sarai. Ii daŋ jaa ra yiruu Saara.

Di ba wa lul biibaal maa, a dɛkkɔɔ hiŋ teŋ u hɛŋ, guŋ bagli n nii nuukpaŋ dɔɔi la.

Ka Aizik naa i ni i haaŋ Saara n niŋ lul bina saŋa naa dɔŋ la, n nuubuu niŋ dɔɔ a nuukpaŋ.”

Di haŋ lii filaŋkeŋ di hanna la, di ba wa lul biibambie, u hɔpizaa ŋmantannaazi hɔllɛ ii teŋ u hɛŋ. A waa lugɔ i lulla bɛnnɛ i ra teŋri ba hɛna, i yoma la baŋ lullɛ i dia ni banla hiŋ yauwɛ hɔɔhra be maa, dɛkkɔ hinna teŋri ba hɛna. Di i yau baabuu gɛɛ ba lul baabuu i dia, ba maanii dɛkkɛ hinna ɛɛ baa guŋ. Guŋ daŋ bagli lugɔ n nii dɔɔ nuukpannɛ.