Iivesi zeBhayibhile ezithandwayo ezisuka 路加 8

Share

落在好泥底背个種子係指人聽了真道以後，用良善㧯誠實个心來保守，耐心等下去，直到佢結出果子。

落在竻仔底背个種子係指人聽了真道後，生活个操心、錢財㧯享樂个誘惑，將佢等歙等，無法度結熟个果子。

落在石頭地上个種子係指人一聽到真道即時歡喜接受，總係真道在佢等心中釘根無深；佢等暫時相信，總係一堵到考驗就跌倒。

耶穌問佢等講：「你等个信心㖠位去？」 佢等盡希奇又著驚，彼此講：「這個人到底係麼人？佢命令風㧯浪，風浪也聽從佢！」

落在路堘个種子係指人一聽到真道，魔鬼即時就來，將佢等心中个真道搶走，使佢等無法度因信來得救。

逐項隱藏个事最後會顯明出來；囥等个事最後也會被人挖出來，公開俾人知。

該婦人家知自家已經被人發覺，就愊愊掣，來到耶穌个面前跪落去，在大家面前㧯佢講，做麼介摸佢，又樣般黏時得到醫好。 耶穌對姖講：「妹仔啊，你个信心救到你！安心轉去！」

學生來喊醒佢，講：「先生，先生，𠊎等會無命囉！」 耶穌醒過來，責備風㧯大浪，風浪就停下來，湖面平靜。