Iivesi zeBhayibhile ezithandwayo ezisuka Saŋ 3

Share

Yááŋa anyía Bandɔ́mɛsɛ́ ŋeé lénéke baacɔ bekime e nyiwééné, yó wíínjie hííyé hɛkɔŋɔ́ hɛ́ Ɔɔ́nɔ́, ɔkɛla anyía ɔɔcɔ okime awɔ́ u káá háya mɔŋɔlɛ́ nááyá ti nyíme, mbá wá bá na yɔɔ́sɔɔ́sɔ yí olíhe yí ekúlú ekime.

Bandɔ́mɛsɛ́ tɛ ɔ́mɔ́ tɔ́ma uuyé Ɔɔ́nɔ́ ɔ ɔmɛsɛ́ anyía wé ke kélísíki baacɔ, mbá u ŋaá hɔ́lɛ́na nááyá o o beébe nohiki.

Yésus ŋeé wuúci bɛ́káma ɔsɛ : « Aá taaká ɛ ŋɔ mɛ́ ɔ laana anyía ɔɔcɔ tɛ á bá wu owoofine e *Butéŋí bɔ́ Bandɔ́mɛsɛ́, wuúci tɛ́ka o obíbíénútúne. »

Bé ti ŋée télímínyi a nyɛkála okime awɔ́ á háya mɔŋɔlɛ́ ná Ɔɔ́nɔ́, mbá ɔɔcɔ awɔ́ u tɛ ŋá háya mɔŋɔlɛ́ nááyá á yáaŋa ɔkuánɔ́ nyɛkála anyía u tɛ ŋá háya mɔŋɔlɛ́ ná hɛkɔŋɔ́ hɛ́ Ɔɔ́nɔ́ hɛ́ Bandɔ́mɛsɛ́.

Hɛkɔma ahɛ́ Bandɔ́mɛsɛ́ ŋeé beébe íínjííne nyɛkua áŋa anyía eese ŋaá faáya ɔ ɔmɛsɛ́, mbá baacɔ bó lénéke ibíne ɔ ɔhɔla eese, anyía nyíábɔ́ nyɛbɛ́kɛ́lɛ́na áŋa nyɛɛbɛ́.

Hííyé hinjoti ŋá nyɛmána hɛ́ ɔnɔmaka, híími nyímúkúne. »

Ɔɔcɔ awɔ́ ú ŋa kɛla bɔɔbɛ́ ŋe líŋine eese, u tɛ á bá wu ɔfaaya haála ehé eese áŋa ; u ŋe líkíme eese anyía yááyɛ́ aabɛ́ yɛ́ nyɛbɛ́kɛ́lɛ́na tɛ háma a miányɛ́.

Ɔɔcɔ awɔ́ u ŋaá háya mɔŋɔlɛ́ ná Ɔɔ́nɔ́ áŋa na yɔɔ́sɔɔ́sɔ yí olíhe yí ekúlú ekime. Ooci ewú u ŋé kíne ɔháya mɔŋɔlɛ́ ná Ɔɔ́nɔ́ tɛ́ káá lɛ́ca olíhe ; Bandɔ́mɛsɛ́ ŋeé wuúci lóbísínyi.

Bá ŋá nyɛmána bé obééti Ɔɔ́nɔ́ u ɔɔcɔ bɔkɔ búmɔtɛ́ háyɛ *Moyís ŋeé bééti ciɔ́hɔ ci eléŋú i iisí cɛ ɔsɛ́bɛ́á noómi

Síkíne ŋeé léne Ɔɔ́nɔ́ ; u ŋeé wuúci íínjíé makɛ́nda me otéŋgínyi bɛnyɛ́ma bikime.