Iivesi zeBhayibhile ezithandwayo ezisuka Matiyu 5

Share

Hinde na hima to lamu okusini hungwe tako tiki lisino? Mina. Wu okusini tei tenge tiki owesiwa ele aka we tiki dau hima hinga tinda hi ti wu heino. O hinga ku wowa hi kuhi ti kale biya himiyama hurahama i miyaningisopo tiki sa okundawa, o kui sumbu kipe ti sa wu hei. Wondawa kui Yapai hewen ko tiki dau, ri hi tunumbwa ya sa wu rasainda.

“Kunu do nuwe ki dau hima i nindo tiki hi okundau hinga ku dau. E, ko laka foti kimba laka dau mwangi tiki dawa, o apa hinde yani kumbwa.

“Sembe wuhi ti fwa hinga halayasindau hima le, wunu sa wu eripe'aripe. Hinde wowani, ichai Gotri o wu heikonda.

“Sumbu kipe keke iche tinga wunu handau himako sa wu eripe'aripe. Hinde wowani, ichai Gotri wunu hawa o wunu talekonda.

Woroti ete o kunu a sawenda. Kunu ele kunu omwemendindau hima leni ma ku okokonasini wunu keke Gotri ni ma ku uchahambwawa Gotri ele kapwa sumbu kunu ni wosindau hima leni sa wunu okula.

“Hima fwele wunjenga ete wu hambwawa, wunu Gotri miyaningisopo ki wunu chikinda nambwe. Wowa sa wu eripe'aripe. Hinde wowani, hewen pe kwambu o wuhi.

“Ele hima anayewani alase ki raindau hima le, wunu sa wu eripe'aripe. Hinde wowani, ichai Gotri ri che o wunu nakonda.

“Ichakandau hima le, wunu sa wu eripe'aripe. Hinde wowani, Gotri wunu okulawa sembe wuhi o wunu wahapikonda.

“Ele hima sumbu kipe wu sirinandawani hima ba fwele nomo wunu handau le, wunu sa wu eripe'aripe. Hinde wowani, hewen pe kwambu ti o wuhi.

“Hima le keke wondau hima le sa wu eripe'aripe. Hinde wowani, ichai Gotri hima keke wondau sumbu wasa o wunu hakonda.

“E, sembe ani ni ku haro keke hima ba fwele kapwa sumbu kunu wu woni kapwa mwanji ti kunu wu bwani nimba kunu gambowa, kunu ma nimba ku eripe'aripe. Kunu sembe kuhi ti ma ku eripe'aripenda. Mwa'ambwe kipe naha ti hewen ko tiki o dani kunu nikisinda. Woro o hingambwa Gotri mwanji bwarakarandaro hima le wunu okwe nomo wu raro.

“Hima waha hima le, wunu sa eripe'aripe. Hinde wowani, ichakai Gotri seke wange o ya wu sirinakonda.

“Kunu doha'a nuwe ki dau hima lei nindo tiki soliwo hinga ku dau. E, ka soliwo au anda nambwe nawa hinde hinga apa nu wowa au ai ano? Ka soliwo tapa hinga ti, tau nambwe nimba dano. O keke hima le diyahani wu humbwe'isini seke ki wu yititahumu sindau.

Kunu kipe naha kumbwa ma funda ete ku da, ka kui Yapai hewen ko tiki kipe naha kumbwa ri dau hinga.

‘Ei’ gambwa ‘Mina’ gambwa ma ku sawenda. Ori yakito. Kale inakahambwa mwanji ku sawendau ti Saiten ki sukwandau.

“Injelembwa ka hinga wu sawero ti ku mendiro: ‘E, hima fori mi miya ti ongoriwa, mini okwe wasa ma rini ongori. E, hima fori mi fu ti ri yetupuwa, mini okwe ri fu ti wasa ma rini yetupu.’ Woro o tini kunu a sawendau. Apa kapwa sumbu woro hima ni wasa ai wo kei. Minambwe naha. E, hima fori warama tiki mini ri yetapewa, warama angi tokwe ma tinda rini hasiwa sa mini yetape.

“E, tapa mama tokwe pe miya mihi to mini matinani ra'aini kapwa sumbu wowa, ma ongorini humbwe'i. O hinga mi wowa mini kipe mi dano. Minambwe nawa, o miya kapwa mihi keke hi tiki mini rawaino. E, tapa mama mihi to mini matinawani kapwa sumbu mi woni mi hichakowa o tapa mama ma takutoni humbwe'i. O hinga mi wowa mini kipe mi dano. Minambwe nawa, o tapa kapwa mihi keke hi tiki mini rawaino.