Iivesi zeBhayibhile ezithandwayo ezisuka Apa 2

Yabelana

Pitaʼa hunoʼaeʼmo, Lapaipamo alita afe letetapa Yesu agiʼaletiʼmo aniʼmo falegenoʼao Gotiʼa hosu kavatapimo alino ataleteno Aunemeʼamo fikumo lapamaeno lapamino.

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Maiʼnagenoʼaeʼmo malage huno kokuʼnapatiʼmo lusi yasimo aliteno age aigekana huteno maiʼnaya nopiʼmo uno haino havai teʼniye. Agayana ata vaikana yaʼmoʼa aino atagu faeno aote aote huno muki vayaʼai apakufaleʼmo leʼnigeʼa ageʼnae. Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Muki afinaʼae afinaʼaeʼmo magoke apaipa apakesamo aliʼa maiʼneʼa Yu vayaʼai alopa mono nopiʼmo uʼa haiʼa aliʼa anupa huʼa maige apaote apaote huʼa noʼapifiʼmo Yesu kaveʼmo nege magokepiʼmo lokaeʼa maiʼneʼa nege huʼa maiʼnae. Neʼyaʼmo neʼneʼapaeʼmo apamogaga aiteʼa yagu yaga apaipamo kaliʼa maiʼneʼa Goti agiʼaleʼmo aliʼa asaga huʼa maiʼnae. Muki vayaʼmogimo Goti mafaʼneʼaifeʼmo hapao ke heʼnageʼapaeʼmo alagepa huʼa maiʼnae. Ala kava neʼmoʼa muki afinaʼae afinaʼaeʼmo mago vayaʼai apakufamo alino katino apateteno siosi vayaʼaʼeʼmo magokepi alino anupa huno apateʼniye.

Gotiʼa hunoʼaeʼmo, Hano hisiya afinaʼmo Nauneʼnameʼmo aniʼmo lakigekana huʼna muki ve aʼnemo apamiguve. Mafaʼnetapimogiʼe aʼmafaʼnetapimogiʼeʼmo nagae gemo aeʼa hakalo hugae. Neya vayatapimogimo alagamuna agegegana huʼa agegae. Kosu vayatapimogimo alagamuna agegae.

Muki apakesamo afiʼa fatago huʼnaya vayaʼmo magokepi lokaeʼa maiʼneʼa kagemi yaʼapimo aliʼa fako huʼa apakaiʼapimo apamiteʼapaeʼmo nagaiʼni yaʼmo haneʼniye, huʼa osuʼa maiʼnae. Kagemi yaʼapiʼe mopaʼapiʼeʼmo maketi huʼa moni aliteʼa apakae vayapatiʼmo mago yaʼapimo ohaneʼniya vayaʼmo ani aliʼnaya monimo apamiʼnae.

Afole aisigeʼapaeʼmo muki vayaʼmogi Ala kava neʼmo agiʼamo aesaya vayaʼai apakufamo alino katino apategaiye, huno huʼniye.

Noʼagaya agufa kavaʼmo kokuʼnapati huteʼna aliʼna apave liguve. Ma mopafiʼmo alu kavaʼmo huʼna apave liguve. Atamo leteno halina aisigeno yegemo olegaiye. Kaimoʼa haesaʼage huteno kolakana nehisigeno Ala kava neʼmo afinaʼmo hogote afinaʼamo afole aigiye.