Buli - 1995 Edition (Drama NT)

<div class="version vid2176 iso6393bwu" data-vid="2176" data-iso6393="bwu">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="p"> 1Daa maga ale jam a taam la, Yeezu yaa &#331;man che&#331; Jerusalem t&#603;&#331;ka ayen wa maa d&#603; Juuma tigi dinyi.</div><div class="p"> 2Beli gilini ale jam bo dula a moata t&#603;&#331;ka nansui&#331;ta&#331;a kunyi ate ba a wi ayen Piisa Nansui&#331;. Juuma a wi dula jigini ale badek t&#603;&#331;ka biika ayen ka Betezata. Kusu&#331;ta tinu ale jam gilim benni n&#596;nni. 3Yuar&#596;ba yegayega ale jam dua kusu&#331; tila po. Ba jam ka yeeba ale gbansa, ba gela m&#603; na&#331;sa ale ba nisima a kpi. 4Naawen maar&#596; nyiem ale jam si&#331; nyiam po a choa. Wa dan choa jueli waai ale d&#603; ni&#331; a si&#331; nyiamu po la a nya nyi&#331;y&#596;gsa kama. 5Nuru wanyi a yaa maa boro ate yuammu a ta wa paari bena pisita ale naani&#331;. 6Yeezu ale nya wa la wa seba ayen tuemu a yik wa ate ku beni kama ate wa bek wa ayen, &lt;&lt;Fi a yaali fi nya nyi&#331;y&#596;gsa?&gt;&gt; 7Yuar&#596;wa yaa weeni wa ayen, &lt;&lt;M ny&#596;n&#596;, nyiamu a nyiem dan choa, m ka nuru ate wa pai mu a ta ga a nyo bu po nwuli. M nyiem dan pii nyi&#331; a yaali ayen m forisi a paari bu, nuru yo&#331; a nyiem ale d&#603; ni&#331; a paari du ale ge mu.&gt;&gt; 8Yeezu yaa weeni wa ayen, &lt;&lt;Yiti a zaani abe fi kpamsi fi tiaka a che&#331;.&gt;&gt; 9Nuruwa yaa deri nya nyi&#331;y&#596;gsa a yiti zaani ale kpamsi wa tiaka a che&#331;. Dai dii danni ate nya kude a nye la a jam ka Juuma Vuusum Dai.</div><div class="p"> 10Juuma yaa weeni wa ayen, &lt;&lt;Ku a kisi kama ate fi ji fi tiaka tama Vuusum Danni po.&gt;&gt; 11Wa yaa weeni ba ayen, &lt;&lt;Nuru waai ale tebi mu la ale weeni mu ayen m pai tiaka a che&#331;.&gt;&gt; 12Ba yaa bek wa ayen, &lt;&lt;Ka wana ale weeni fu ayen fi nye kude?&gt;&gt; 13Nuru waai ale nya nyi&#331;y&#596;gsa&#331;a la a jam z&#603; Yeezu ale ka waai la, dii nyi&#331;la nuru boari ale jam bo dula ate Yeezu a moali nyini. 14Ku &#331;aa&#331;nyi&#331; Yeezu yaa &#331;man nya wa Wen yenni po a weeni wa ayen, &lt;&lt;Y&#596;gy&#596;gla de fi yaa ta nyi&#331;y&#596;gsa kama. Be kan &#331;man a tom tuimbaata. Fi dan &#331;man tom tuimbaata, fi le nam a gaam ku le jam ka diila.&gt;&gt; 15Nuruwa yaa deri nyini a ga weeni Juuma ayen ka Yeezu ale tebi wa. 16Kude nyi&#331; Juma yaa namsi Yeezu, diila wa nye kude ka Vuusum Danni. 17Alege Yeezu yaa tulisi ba ayen, &lt;&lt;M Kowa a diema tom kama ate mi m&#603; a tom.&gt;&gt;</div><div class="p"> 18Kude nyi&#331; ate Juuma a jaa gisi ba ko wa la, dii nyi&#331;la daa Vuusum Danni nyiini ate wa kaasi alege wa jam a wi Wen ayen ka wadek Ko, a pai wadek a magsi chaab ale Wen.</div><div class="p"> 19Yeezu yaa weeni ba ayen, &lt;&lt;Wensie ate mi a weeni ni ayen Nidoabinni an baga a nye wadek wari ya. Dii meena ate m Kowa a tom la, mi m&#603; a tom ka dila dekdega. 20Wa a yaali mu ale a sak mu dii meena ate wadek a tom la. M Kowa ale sak mu wa kpiema ate m tom ate &#331;a zuak a gaam nya kude ate ku cha ni. 21Ase wa ale basi ate kpieba a yiti kum po la. Mi waai ale ka wa Nidoabili la, mi m&#603; ale te baai ate mi a yaali la nyuvuri. 22Wa kan bo nuruba ba tuimbaata buusa. Wa pai dila a nyo ka mi nisima po. 23Ate waai meena a te mu zula ase ba ale a te m Kowa diila. Waai ale kan a te mi zula la, a kan te mi Kowa Wen dii ale tom mi la m&#603; zula.</div><div class="p"> 24&lt;&lt;Ni wom dii ate mi tara ayen m weeni ni la nalimnyiini. Baai meena ale a wom mi sakka de ale ta siaka ale Wen dii ale tom mi la, wa le nya nyuvuri dii ale kan ta kpeglimka la. Wen a kan bu wa buusa dii nyi&#331;la ba poom nya nyuvuri kama.</div><div class="p"> 25&lt;&lt;Wensie ate mi a weeni ni ayen ku danni cheena, di be poom a paari kama ate baai ale a nye ase kpieba la ale wom Wen Nidoabinni lueluk a nya nyuvuri dii ale kan ta kpeglimka la. 26Nyuvuri a nyini ka m Kowa dek jigi, dila wa basi kama ate Nidoabinni m&#603; a ta nyuvuri wa po. 27Wa te mu suik kama ayen m bo nuruba buusa dii nyi&#331;la mi ka Saal&#596;biik. 28Ni kan basi ate mi ale a weeni ni diila a cha ni. Ku danni cheena kama ate baai meena ale kpi la a wom mi lueluku a yiti kum po. 29Baai meena ale tom tuima&#331;sa la, m Kowa ale basi ate ba yiti kum po abe wa pai nyuvuri dii ale kan ta kpeglimka la a te ba. Baai meena m&#603; ale tom tuimbaata la, wa le yiti ba kum po abe wa te ba waalika.</div><div class="p"> 30&lt;&lt;Mi an baga a tom mi dek wari ya. Mi a bo buusa ase ka Wen ale weeni mu diila. Dila m boteka ka wensie. M kan yaali ayen m va m dek yaalika, alege ka waai ale tom mu la yaalika ate mi a va.</div><div class="p"> 31&lt;&lt;Dan ka mi nyiini ale weeni ni mi ale ka waai la, nama ate a weeni kama ayen m wie&#331;a daa wensie. 32Kowa a biisi mi wie, ate mi seba wa ale biisi dii meena mi nyi&#331; la ka wensie.</div><div class="p"> 33&lt;&lt;Nama dek a tom nuruba ate ba che&#331; J&#596;&#596;n jigi ate wa biisi mi wie kama. 34Mi ni&#331; ka ale dii ate nuruba a biisi mi wie la, alege mi a weeni ni kama ayen ni a teeri dii ate J&#596;&#596;n a weeni mi wie la ate ku maari ni ate ni nya varibasika. 35J&#596;&#596;n a jam a nye ase ka zeu&#331; ate ba toati ate ku a nyaksi ate wa ale biisi diila a peenti ni sue.</div><div class="p"> 36&lt;&lt;J&#596;&#596;n a sak nuruba mi wie, alege wie gela ale boro a sak nuruba mi wie a gaam J&#596;&#596;n ale sak ni diila. Tuimkperikaliik sii ate mi Kowa a tom mi ayen m jam a tom la, &#331;ala ale a sak nuruba ayen ka wa ale waai ale tom mu la.</div><div class="p"> 37&lt;&lt;Nama an diem a wom wa luelukwa yaase ni nya wa, alege wa kasim a sak nama mi wie kama. 38Wa tom mi ka nama jigi, alege ni ka siaka ale mi. Ka dila ale soa ate wa sinsa&#331;&#331;a a ka ni suiniima&#331;a po la.</div><div class="p"> 39&lt;&lt;Nama kasim a karim Wen Gba&#331;ka kama daa meena dii nyi&#331;la nama a poli kama ayen ka karimka ale basi ate ni nya nyuvuri dii ale kan ta kpeglimka la. Alege wa gba&#331;ka a diem a sak nama ka mi wie, 40alege nama a kan yaali ayen ni jam mi jigi ate ni nya nyuvuri dii ale kan ta kpeglimka. 41Mi kan yaali ayen nuruba a pak mu, 42alege mi seba kama ayen ni ka Wen yaalika ni po. 43M Kowa Wen ale tom mu ayen m jam a zaani wa na&#331;kula po, alege nama an tuesi mu. Alege nuru waai a dan jam wadek nyi&#331;, ni a tuesi wa kama. 44Nama a yaali chaab zula teka alege ni kan yaali zula &#331;aai ate Wen ale baga a te ni la. Ni be ni nye kase a ta siaka ale mi? 45Nama a kan poli ayen mi ale ta biisigaamka ale ni m Kowa ni&#331;&#331;a. Nama a ta ka popola Moosis jigi ale wa le a sak ni diila. Wala ale waai ale wa biisi a gaam ni la. 46Ase ni dan jam ta siaka ale Moosis kama, ni te ta siaka ale mi kama dii nyi&#331;la wala ale &#331;marisi mi wie. 47Ni be le kan ta siaka ale Moosis ale &#331;marisi diila, ni le nye kase a ta siaka ale mi?&gt;&gt;</div>
 </div>
 </div>
</div>

Daa maga ale jam a taam la, Yeezu yaa ŋman cheŋ Jerusalem tɛŋka ayen wa maa dɛ Juuma tigi dinyi.
Beli gilini ale jam bo dula a moata tɛŋka nansuiŋtaŋa kunyi ate ba a wi ayen Piisa Nansuiŋ. Juuma a wi dula jigini ale badek tɛŋka biika ayen ka Betezata. Kusuŋta tinu ale jam gilim benni nɔnni. Yuarɔba yegayega ale jam dua kusuŋ tila po. Ba jam ka yeeba ale gbansa, ba gela mɛ naŋsa ale ba nisima a kpi. Naawen maarɔ nyiem ale jam siŋ nyiam po a choa. Wa dan choa jueli waai ale dɛ niŋ a siŋ nyiamu po la a nya nyiŋyɔgsa kama. Nuru wanyi a yaa maa boro ate yuammu a ta wa paari bena pisita ale naaniŋ. Yeezu ale nya wa la wa seba ayen tuemu a yik wa ate ku beni kama ate wa bek wa ayen, <<Fi a yaali fi nya nyiŋyɔgsa?>> Yuarɔwa yaa weeni wa ayen, <<M nyɔnɔ, nyiamu a nyiem dan choa, m ka nuru ate wa pai mu a ta ga a nyo bu po nwuli. M nyiem dan pii nyiŋ a yaali ayen m forisi a paari bu, nuru yoŋ a nyiem ale dɛ niŋ a paari du ale ge mu.>> Yeezu yaa weeni wa ayen, <<Yiti a zaani abe fi kpamsi fi tiaka a cheŋ.>> Nuruwa yaa deri nya nyiŋyɔgsa a yiti zaani ale kpamsi wa tiaka a cheŋ. Dai dii danni ate nya kude a nye la a jam ka Juuma Vuusum Dai.
Juuma yaa weeni wa ayen, <<Ku a kisi kama ate fi ji fi tiaka tama Vuusum Danni po.>> Wa yaa weeni ba ayen, <<Nuru waai ale tebi mu la ale weeni mu ayen m pai tiaka a cheŋ.>> Ba yaa bek wa ayen, <<Ka wana ale weeni fu ayen fi nye kude?>> Nuru waai ale nya nyiŋyɔgsaŋa la a jam zɛ Yeezu ale ka waai la, dii nyiŋla nuru boari ale jam bo dula ate Yeezu a moali nyini. Ku ŋaaŋnyiŋ Yeezu yaa ŋman nya wa Wen yenni po a weeni wa ayen, <<Yɔgyɔgla de fi yaa ta nyiŋyɔgsa kama. Be kan ŋman a tom tuimbaata. Fi dan ŋman tom tuimbaata, fi le nam a gaam ku le jam ka diila.>> Nuruwa yaa deri nyini a ga weeni Juuma ayen ka Yeezu ale tebi wa. Kude nyiŋ Juma yaa namsi Yeezu, diila wa nye kude ka Vuusum Danni. Alege Yeezu yaa tulisi ba ayen, <<M Kowa a diema tom kama ate mi mɛ a tom.>>
Kude nyiŋ ate Juuma a jaa gisi ba ko wa la, dii nyiŋla daa Vuusum Danni nyiini ate wa kaasi alege wa jam a wi Wen ayen ka wadek Ko, a pai wadek a magsi chaab ale Wen.
Yeezu yaa weeni ba ayen, <<Wensie ate mi a weeni ni ayen Nidoabinni an baga a nye wadek wari ya. Dii meena ate m Kowa a tom la, mi mɛ a tom ka dila dekdega. Wa a yaali mu ale a sak mu dii meena ate wadek a tom la. M Kowa ale sak mu wa kpiema ate m tom ate ŋa zuak a gaam nya kude ate ku cha ni. Ase wa ale basi ate kpieba a yiti kum po la. Mi waai ale ka wa Nidoabili la, mi mɛ ale te baai ate mi a yaali la nyuvuri. Wa kan bo nuruba ba tuimbaata buusa. Wa pai dila a nyo ka mi nisima po. Ate waai meena a te mu zula ase ba ale a te m Kowa diila. Waai ale kan a te mi zula la, a kan te mi Kowa Wen dii ale tom mi la mɛ zula.
<<Ni wom dii ate mi tara ayen m weeni ni la nalimnyiini. Baai meena ale a wom mi sakka de ale ta siaka ale Wen dii ale tom mi la, wa le nya nyuvuri dii ale kan ta kpeglimka la. Wen a kan bu wa buusa dii nyiŋla ba poom nya nyuvuri kama.
<<Wensie ate mi a weeni ni ayen ku danni cheena, di be poom a paari kama ate baai ale a nye ase kpieba la ale wom Wen Nidoabinni lueluk a nya nyuvuri dii ale kan ta kpeglimka la. Nyuvuri a nyini ka m Kowa dek jigi, dila wa basi kama ate Nidoabinni mɛ a ta nyuvuri wa po. Wa te mu suik kama ayen m bo nuruba buusa dii nyiŋla mi ka Saalɔbiik. Ni kan basi ate mi ale a weeni ni diila a cha ni. Ku danni cheena kama ate baai meena ale kpi la a wom mi lueluku a yiti kum po. Baai meena ale tom tuimaŋsa la, m Kowa ale basi ate ba yiti kum po abe wa pai nyuvuri dii ale kan ta kpeglimka la a te ba. Baai meena mɛ ale tom tuimbaata la, wa le yiti ba kum po abe wa te ba waalika.
<<Mi an baga a tom mi dek wari ya. Mi a bo buusa ase ka Wen ale weeni mu diila. Dila m boteka ka wensie. M kan yaali ayen m va m dek yaalika, alege ka waai ale tom mu la yaalika ate mi a va.
<<Dan ka mi nyiini ale weeni ni mi ale ka waai la, nama ate a weeni kama ayen m wieŋa daa wensie. Kowa a biisi mi wie, ate mi seba wa ale biisi dii meena mi nyiŋ la ka wensie.
<<Nama dek a tom nuruba ate ba cheŋ Jɔɔn jigi ate wa biisi mi wie kama. Mi niŋ ka ale dii ate nuruba a biisi mi wie la, alege mi a weeni ni kama ayen ni a teeri dii ate Jɔɔn a weeni mi wie la ate ku maari ni ate ni nya varibasika. Jɔɔn a jam a nye ase ka zeuŋ ate ba toati ate ku a nyaksi ate wa ale biisi diila a peenti ni sue.
<<Jɔɔn a sak nuruba mi wie, alege wie gela ale boro a sak nuruba mi wie a gaam Jɔɔn ale sak ni diila. Tuimkperikaliik sii ate mi Kowa a tom mi ayen m jam a tom la, ŋala ale a sak nuruba ayen ka wa ale waai ale tom mu la.
<<Nama an diem a wom wa luelukwa yaase ni nya wa, alege wa kasim a sak nama mi wie kama. Wa tom mi ka nama jigi, alege ni ka siaka ale mi. Ka dila ale soa ate wa sinsaŋŋa a ka ni suiniimaŋa po la.
<<Nama kasim a karim Wen Gbaŋka kama daa meena dii nyiŋla nama a poli kama ayen ka karimka ale basi ate ni nya nyuvuri dii ale kan ta kpeglimka la. Alege wa gbaŋka a diem a sak nama ka mi wie, alege nama a kan yaali ayen ni jam mi jigi ate ni nya nyuvuri dii ale kan ta kpeglimka. Mi kan yaali ayen nuruba a pak mu, alege mi seba kama ayen ni ka Wen yaalika ni po. M Kowa Wen ale tom mu ayen m jam a zaani wa naŋkula po, alege nama an tuesi mu. Alege nuru waai a dan jam wadek nyiŋ, ni a tuesi wa kama. Nama a yaali chaab zula teka alege ni kan yaali zula ŋaai ate Wen ale baga a te ni la. Ni be ni nye kase a ta siaka ale mi? Nama a kan poli ayen mi ale ta biisigaamka ale ni m Kowa niŋŋa. Nama a ta ka popola Moosis jigi ale wa le a sak ni diila. Wala ale waai ale wa biisi a gaam ni la. Ase ni dan jam ta siaka ale Moosis kama, ni te ta siaka ale mi kama dii nyiŋla wala ale ŋmarisi mi wie. Ni be le kan ta siaka ale Moosis ale ŋmarisi diila, ni le nye kase a ta siaka ale mi?>>

Phulaphula i Jɔɔn 5