Buli - 1995 Edition (Drama NT)

<div class="version vid2176 iso6393bwu" data-vid="2176" data-iso6393="bwu">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="p"> 1Farisiima ale jam wom ayen nuruba yegayega a va Yeezu &#331;aa&#331; ate wa a te ba soka a gaam J&#596;&#596;n la, 2daa Yeezu dek ale jam a te nuruma soka, alege ka wa &#331;aa&#331;viir&#596;ma. 3Ny&#596;n&#596;wa Yeezu Kirisita jam basi Judia ale &#331;mani a che&#331; Galili. 4Yeezu a jam va ka Samaria a che&#331; Galili. 5Ba yaa jam paari Samaria t&#603;&#331; kanyi ate ba a wi ayen Saika, moata talim buui ate Jekob a pai te wa nidoabinni Josefi la. 6Vili dii ate Jekob a jam tu la a bo ka dula jigini. Yeezu ale jiak la wa yaa kali vinni t&#603;&#331; a vuusi. Wenbinni a jam jueli ka wenzuk su&#331;su&#331;.</div><div class="p"> 7Nipok yaa nyini Samaria a jam wa &#331;ari nyiam. Yeezu yaa weeni wa ayen, &lt;&lt;Te mu nyiam ate m nyu.&gt;&gt; 8Wa &#331;aa&#331;viir&#596;ma a jam che&#331; ka t&#603;&#331; kpie&#331;ka po ayen ba da &#331;andiinta. 9Nipowa a yaa weeni wa ayen, &lt;&lt;Fi ka Juu alege mi a chim Samaria t&#603;&#331;ka nipok. Ka boa ate fi a juisi nyiam mi jigi ya?&gt;&gt; (Juuma a ka wari a nye ale Samaria demma.) 10Yeezu yaa weeni wa ayen, &lt;&lt;Ase fi dan seba Wen tiirimu kama ale waai ale a juisi nyiamu fi jigi la, fi ate le juisi nyiam wa jigi ate wa te fu nya buui ale a te nyuvuri la.&gt;&gt; 11Nipowa yaa weeni wa ayen, &lt;&lt;M ny&#596;n&#596;, fi ka ja&#331;arimmoa alege vinni m&#603; limisa. Fi ale nya, nya bula ka be a te mi? 12Tama kokpie&#331;ka, Jekob, ale tu vinni de dipo, ayen wa ale wa d&#596;kdemma ale wa du&#331;sa&#331;a a nya nyiam a nyu di po. Fi abe zuak a gaam ti kokpie&#331;ka Jekob kama?&gt;&gt; 13Yeezu yaa weeni wa ayen, &lt;&lt;Waai meena ale a nyu nyiam vinni de po la, nyanyuila ale &#331;man yik wa. 14Waai meena ale a nyu nya buui ate mi a te wa la, nyanyuila a kan &#331;man yik wa diipo diipo. Mi ale m te nya buui la ale kasim a buli kama a te wa nyuvuri dii ale kan ta kpeglimka la.&gt;&gt;</div><div class="p"> 15Nipowa yaa le ga wom dii ate Yeezu a weeni la, wa yaa weeni wa ayen, &lt;&lt;M ny&#596;n&#596;, be te mu fi nyiamu de ate nyanyuila a kan &#331;man yik mu ate m &#331;man jam dela a &#331;ari nyiamoa.&gt;&gt; 16Yeezu yaa weeni wa ayen, &lt;&lt;Che&#331; a ga wi fi chor&#596;wa ate ni jam.&gt;&gt; 17Wa yaa weeni wa ayen, &lt;&lt;Mi ka chora.&gt;&gt; Yeezu yaa weeni wa ayen, &lt;&lt;Fi ale weeni diila ka wensie. 18Fi yali ka nidoaba banu. Nidoa waai ate fi boro ale wa jinla la wala ka fi n&#596;&#331;. Fi ale weeni mu diila ka wensie.&gt;&gt; 19Nipowa yaa weeni wa ayen, &lt;&lt;M ny&#596;n&#596;, fi ale a biisi diila a basi kama ate m mi&#331; ayen fi ka Wen biisiteer&#596;ma po wanyi. 20Nya guuk kpio&#331;ku de kuui ale za dela la. Ti kokpie&#331;sa&#331;a a puusi a te Wen ka kula zuk alege nama Juuma a weeni ti ayen ka Jerusalem t&#603;&#331;ka ale Wen puusi teka jigi.&gt;&gt;</div><div class="p"> 21Yeezu yaa weeni wa ayen, &lt;&lt;Nipowa, ta siaka ale mi ku danni a cheena ate nuruba a kan &#331;man puusi Kowa guuku de zuk yaase Jerusalem t&#603;&#331;ka po. 22Nama Samaria demma, ni sum z&#603; waai dek ate ni puusi a te la. Tama Juuma a seba waai dek ate ti puusi a te la kama. Dii la varibasika a nyini ka Juuma jigi. 23Dai a cheena, di abe poom jam kama ayen, baai ale sum a puusi Wen la a puusi Kowa chiika po ale wensie, ka bala ale Kowa a gisi ayen ba a puusi wa. 24Wen ka chiik, baai ale a puusi wa la ku a f&#603; ate ba puusi wa chiika po ale wensie.&gt;&gt; 25Nipowa yaa weeni wa ayen, &lt;&lt;M seba ayen Waai Ate Wen A Lueri La a cheena kama waai ate ba a wi ayen Kirisitawa la. Wa dan jam, wa le sak ti wie meena.&gt;&gt; 26Yeezu yaa weeni wa ayen, &lt;&lt;Mi ka wala waai ale a biisi ale fu la.&gt;&gt;</div><div class="p"> 27Wa le diem boro a biisi la, wa &#331;aa&#331;viir&#596;ma yaa deri &#331;man jam. Ba le nya Yeezu ale nipowa a za a biisi la, ku yaa deri cha ba, alege ba waai an jam bek wa ayen ka boa ate fi a biisi ale wa yaase jabuui wari ate ba a biisi la. 28Dula jigini nipowa yaa basi wa nyiamu liikka ale &#331;mani che&#331; t&#603;&#331;ka po a ga weeni nidoama ayen, 29&lt;&lt;Ni jam nya nuru ale weeni mi wie &#331;aai meena ate mi nye la. Wala ale baga a chim Kirisitawa?&gt;&gt; 30Ba le wom dii ate wa weeni la, ba yaa deri nyini a che&#331; Yeezu jigi.</div><div class="p"> 31Ase nipowa ale jam bo suiku po a kuli la, Yeezu &#331;aa&#331;viir&#596;ma yaa saalim wa ayen, &lt;&lt;Ti Sagr&#596;, ti a saalim fu ayen fi &#331;oa &#331;andiinta&#331;a a d&#603;.&gt;&gt; 32Wa yaa weeni ba ayen, &lt;&lt;Mi ta ka &#331;andiinta m d&#603; tii ate nama a z&#603; la.&gt;&gt; 33Wa &#331;aa&#331;viir&#596;ma yaa bek chaab ayen, &lt;&lt;Ka nuru yaa be le ta &#331;andiinta a jam a te wa ale ge tama a z&#603; yaa?&gt;&gt; 34Yeezu yaa tulisi ba ayen, &lt;&lt;Mi &#331;andiinta&#331;a ale m nye waai ale tom mu la yaalika abe m nueri wa tuini. 35Nama a kan weeni kama ayen, &lt;Ku diem tali ka chiisa sinaansi ate ti che?&gt; Mi a weeni ni, ni lak ni nina&#331;a a zak nya talimu po &#331;anta&#331;a a b&#603; magsi ka cheka. 36Nuru waai ale a che &#331;anta&#331;a la a tuesi tutuna kama. Wa ale a tigsi &#331;anbie&#331;a la a nye ase ka nuruba la, ate nuru bala a nya nyuvuri dii ale kan ta kpeglimka la. Dila nyi&#331; borid&#596;wa ale cheer&#596;wa sue ale peenti ale chaab. 37Juuma kpa&#331;&#331;a a nyiem ale kasim a weeni dii ayen, &lt;Nuru wanyi ale a bori ate wanyi m&#603; a che la,&gt; ka wensie. 38Ka mi ale tom ni ayen ni che&#331; a ga che &#331;anta&#331;a kadukka po. Nuru yonta ale bori ate nama ayen ni nya ba tuima&#331;a nyuenta.&gt;&gt;</div><div class="p"> 39Samaria t&#603;&#331;ka nipowa ale ga weeni wa t&#603;&#331;ka demma ayen ba jam nya nuru waai ale weeni wie &#331;aai meena ate wa nye la, ba yegayega yaa jam ta siaka ale Yeezu. 40Ba yaa jam wa jigi a saalim wa ayen wa jam a bo ale ba. Yeezu yaa siak a wari ba jigi daa &#331;aye. 41Wa le jam bo ale ba la, wa yaa sak ba Wen wie ate ba yegayega a ta siaka ale wa a gum baai ale poom a ta siaka la po. 42Ba yaa weeni nipowa ayen, &lt;&lt;Tama an ta siaka ale wa ka fi ale weeni ti diila nyiini nyi&#331;&#331;a, alege ka wa sakka nyi&#331; ale soa ate ti ta siaka ale wa. Ti seba ayen ka wa a sum le t&#603;&#331;zuk de meena Varibasid&#596;wa.&gt;&gt;</div><div class="p"> 43Daa maga ale jam taam la, Yeezu yaa basi dula jigini ale ge che&#331; Galili. 44Wadek a poom weeni kama ayen Wen biisiteer&#596; dek t&#603;&#331;ka demma a kan te wa zula. 45Ba ale paari Galili la nuruma a jam te wa tia kama dii nyi&#331;la ba che&#331; ga d&#603; Gaambasika Tigini Jerusalem kama ale nya wie &#331;aai meena ate wa tom la.</div><div class="p"> 46Yeezu yaa &#331;man che&#331; Kena t&#603;&#331;ka ate ka bo Galili la. Ka dula jigini ate wa nye ate nyiamu a tagri a chim daamu la. Kpagi dinyi ale jam bo Kapernaum ate wa nidoabili a yuak. 47Wa le wom ayen Yeezu a basi Judia ale &#331;man jam Galili la, wa yaa jam Yeezu jigi ayen wa saalim wa ate wa ga tebi wa nidoabinni waai ale moata kum la. 48Yeezu yaa weeni wa ayen, &lt;&lt;Nuruba a kan ta siaka ale mi, ka mi a nin tom wakperikaliisa ale daana ate ba nya.&gt;&gt; 49Kpagni yaa weeni wa ayen, &lt;&lt;M Ny&#596;n&#596;, fi dan kan va mu a kuli nwuli, m biika ale kpi.&gt;&gt; 50Yeezu yaa weeni wa ayen, &lt;&lt;Kuli yeri a ga nya fi nidoabinni ale wa ta nyi&#331;y&#596;gsa kama.&gt;&gt; Kpagni yaa deri ta siaka ale Yeezu ale weeni diila a yaa kuli. 51Wa le jam bo suiku po a kuli la, wa tomteer&#596;ma gela yaa tu wa suiku ni&#331; a weeni wa ayen, &lt;&lt;Fi nidoabinni a ta nyi&#331;y&#596;gsa kama.&gt;&gt; 52Wa yaa bek ba ayen, &lt;&lt;Ka dimpo ate wa nya nyi&#331;y&#596;gsa?&gt;&gt; Ba yaa weeni wa ayen, &lt;&lt;Ka deemwa ba&#331; bunyi wentue&#331; ate kazangbarima&#331;a a basi wa.&gt;&gt; 53Biika kowa yaa deri teeri ayen ka diipo ate Yeezu a weeni wa ayen wa nidoabinni a nya nyi&#331;y&#596;gsa kama la. Wa yaa ga paari yeri a nya ale dii ate wa tomteer&#596;ma a weeni wa la sum ka wensie. Wa le wa d&#596;kdemma meena a yaa ta siaka ale Yeezu dii ate wa nye la nyi&#331;. 54Wakperikaliika de ase daana la ate Yeezu a tom saari buye wa le nyini Judia a jam Galili la.</div>
 </div>
 </div>
</div>

Farisiima ale jam wom ayen nuruba yegayega a va Yeezu ŋaaŋ ate wa a te ba soka a gaam Jɔɔn la, daa Yeezu dek ale jam a te nuruma soka, alege ka wa ŋaaŋviirɔma. Nyɔnɔwa Yeezu Kirisita jam basi Judia ale ŋmani a cheŋ Galili. Yeezu a jam va ka Samaria a cheŋ Galili. Ba yaa jam paari Samaria tɛŋ kanyi ate ba a wi ayen Saika, moata talim buui ate Jekob a pai te wa nidoabinni Josefi la. Vili dii ate Jekob a jam tu la a bo ka dula jigini. Yeezu ale jiak la wa yaa kali vinni tɛŋ a vuusi. Wenbinni a jam jueli ka wenzuk suŋsuŋ.
Nipok yaa nyini Samaria a jam wa ŋari nyiam. Yeezu yaa weeni wa ayen, <<Te mu nyiam ate m nyu.>> Wa ŋaaŋviirɔma a jam cheŋ ka tɛŋ kpieŋka po ayen ba da ŋandiinta. Nipowa a yaa weeni wa ayen, <<Fi ka Juu alege mi a chim Samaria tɛŋka nipok. Ka boa ate fi a juisi nyiam mi jigi ya?>> (Juuma a ka wari a nye ale Samaria demma.) Yeezu yaa weeni wa ayen, <<Ase fi dan seba Wen tiirimu kama ale waai ale a juisi nyiamu fi jigi la, fi ate le juisi nyiam wa jigi ate wa te fu nya buui ale a te nyuvuri la.>> Nipowa yaa weeni wa ayen, <<M nyɔnɔ, fi ka jaŋarimmoa alege vinni mɛ limisa. Fi ale nya, nya bula ka be a te mi? Tama kokpieŋka, Jekob, ale tu vinni de dipo, ayen wa ale wa dɔkdemma ale wa duŋsaŋa a nya nyiam a nyu di po. Fi abe zuak a gaam ti kokpieŋka Jekob kama?>> Yeezu yaa weeni wa ayen, <<Waai meena ale a nyu nyiam vinni de po la, nyanyuila ale ŋman yik wa. Waai meena ale a nyu nya buui ate mi a te wa la, nyanyuila a kan ŋman yik wa diipo diipo. Mi ale m te nya buui la ale kasim a buli kama a te wa nyuvuri dii ale kan ta kpeglimka la.>>
Nipowa yaa le ga wom dii ate Yeezu a weeni la, wa yaa weeni wa ayen, <<M nyɔnɔ, be te mu fi nyiamu de ate nyanyuila a kan ŋman yik mu ate m ŋman jam dela a ŋari nyiamoa.>> Yeezu yaa weeni wa ayen, <<Cheŋ a ga wi fi chorɔwa ate ni jam.>> Wa yaa weeni wa ayen, <<Mi ka chora.>> Yeezu yaa weeni wa ayen, <<Fi ale weeni diila ka wensie. Fi yali ka nidoaba banu. Nidoa waai ate fi boro ale wa jinla la wala ka fi nɔŋ. Fi ale weeni mu diila ka wensie.>> Nipowa yaa weeni wa ayen, <<M nyɔnɔ, fi ale a biisi diila a basi kama ate m miŋ ayen fi ka Wen biisiteerɔma po wanyi. Nya guuk kpioŋku de kuui ale za dela la. Ti kokpieŋsaŋa a puusi a te Wen ka kula zuk alege nama Juuma a weeni ti ayen ka Jerusalem tɛŋka ale Wen puusi teka jigi.>>
Yeezu yaa weeni wa ayen, <<Nipowa, ta siaka ale mi ku danni a cheena ate nuruba a kan ŋman puusi Kowa guuku de zuk yaase Jerusalem tɛŋka po. Nama Samaria demma, ni sum zɛ waai dek ate ni puusi a te la. Tama Juuma a seba waai dek ate ti puusi a te la kama. Dii la varibasika a nyini ka Juuma jigi. Dai a cheena, di abe poom jam kama ayen, baai ale sum a puusi Wen la a puusi Kowa chiika po ale wensie, ka bala ale Kowa a gisi ayen ba a puusi wa. Wen ka chiik, baai ale a puusi wa la ku a fɛ ate ba puusi wa chiika po ale wensie.>> Nipowa yaa weeni wa ayen, <<M seba ayen Waai Ate Wen A Lueri La a cheena kama waai ate ba a wi ayen Kirisitawa la. Wa dan jam, wa le sak ti wie meena.>> Yeezu yaa weeni wa ayen, <<Mi ka wala waai ale a biisi ale fu la.>>
Wa le diem boro a biisi la, wa ŋaaŋviirɔma yaa deri ŋman jam. Ba le nya Yeezu ale nipowa a za a biisi la, ku yaa deri cha ba, alege ba waai an jam bek wa ayen ka boa ate fi a biisi ale wa yaase jabuui wari ate ba a biisi la. Dula jigini nipowa yaa basi wa nyiamu liikka ale ŋmani cheŋ tɛŋka po a ga weeni nidoama ayen, <<Ni jam nya nuru ale weeni mi wie ŋaai meena ate mi nye la. Wala ale baga a chim Kirisitawa?>> Ba le wom dii ate wa weeni la, ba yaa deri nyini a cheŋ Yeezu jigi.
Ase nipowa ale jam bo suiku po a kuli la, Yeezu ŋaaŋviirɔma yaa saalim wa ayen, <<Ti Sagrɔ, ti a saalim fu ayen fi ŋoa ŋandiintaŋa a dɛ.>> Wa yaa weeni ba ayen, <<Mi ta ka ŋandiinta m dɛ tii ate nama a zɛ la.>> Wa ŋaaŋviirɔma yaa bek chaab ayen, <<Ka nuru yaa be le ta ŋandiinta a jam a te wa ale ge tama a zɛ yaa?>> Yeezu yaa tulisi ba ayen, <<Mi ŋandiintaŋa ale m nye waai ale tom mu la yaalika abe m nueri wa tuini. Nama a kan weeni kama ayen, <Ku diem tali ka chiisa sinaansi ate ti che?> Mi a weeni ni, ni lak ni ninaŋa a zak nya talimu po ŋantaŋa a bɛ magsi ka cheka. Nuru waai ale a che ŋantaŋa la a tuesi tutuna kama. Wa ale a tigsi ŋanbieŋa la a nye ase ka nuruba la, ate nuru bala a nya nyuvuri dii ale kan ta kpeglimka la. Dila nyiŋ boridɔwa ale cheerɔwa sue ale peenti ale chaab. Juuma kpaŋŋa a nyiem ale kasim a weeni dii ayen, <Nuru wanyi ale a bori ate wanyi mɛ a che la,> ka wensie. Ka mi ale tom ni ayen ni cheŋ a ga che ŋantaŋa kadukka po. Nuru yonta ale bori ate nama ayen ni nya ba tuimaŋa nyuenta.>>
Samaria tɛŋka nipowa ale ga weeni wa tɛŋka demma ayen ba jam nya nuru waai ale weeni wie ŋaai meena ate wa nye la, ba yegayega yaa jam ta siaka ale Yeezu. Ba yaa jam wa jigi a saalim wa ayen wa jam a bo ale ba. Yeezu yaa siak a wari ba jigi daa ŋaye. Wa le jam bo ale ba la, wa yaa sak ba Wen wie ate ba yegayega a ta siaka ale wa a gum baai ale poom a ta siaka la po. Ba yaa weeni nipowa ayen, <<Tama an ta siaka ale wa ka fi ale weeni ti diila nyiini nyiŋŋa, alege ka wa sakka nyiŋ ale soa ate ti ta siaka ale wa. Ti seba ayen ka wa a sum le tɛŋzuk de meena Varibasidɔwa.>>
Daa maga ale jam taam la, Yeezu yaa basi dula jigini ale ge cheŋ Galili. Wadek a poom weeni kama ayen Wen biisiteerɔ dek tɛŋka demma a kan te wa zula. Ba ale paari Galili la nuruma a jam te wa tia kama dii nyiŋla ba cheŋ ga dɛ Gaambasika Tigini Jerusalem kama ale nya wie ŋaai meena ate wa tom la.
Yeezu yaa ŋman cheŋ Kena tɛŋka ate ka bo Galili la. Ka dula jigini ate wa nye ate nyiamu a tagri a chim daamu la. Kpagi dinyi ale jam bo Kapernaum ate wa nidoabili a yuak. Wa le wom ayen Yeezu a basi Judia ale ŋman jam Galili la, wa yaa jam Yeezu jigi ayen wa saalim wa ate wa ga tebi wa nidoabinni waai ale moata kum la. Yeezu yaa weeni wa ayen, <<Nuruba a kan ta siaka ale mi, ka mi a nin tom wakperikaliisa ale daana ate ba nya.>> Kpagni yaa weeni wa ayen, <<M Nyɔnɔ, fi dan kan va mu a kuli nwuli, m biika ale kpi.>> Yeezu yaa weeni wa ayen, <<Kuli yeri a ga nya fi nidoabinni ale wa ta nyiŋyɔgsa kama.>> Kpagni yaa deri ta siaka ale Yeezu ale weeni diila a yaa kuli. Wa le jam bo suiku po a kuli la, wa tomteerɔma gela yaa tu wa suiku niŋ a weeni wa ayen, <<Fi nidoabinni a ta nyiŋyɔgsa kama.>> Wa yaa bek ba ayen, <<Ka dimpo ate wa nya nyiŋyɔgsa?>> Ba yaa weeni wa ayen, <<Ka deemwa baŋ bunyi wentueŋ ate kazangbarimaŋa a basi wa.>> Biika kowa yaa deri teeri ayen ka diipo ate Yeezu a weeni wa ayen wa nidoabinni a nya nyiŋyɔgsa kama la. Wa yaa ga paari yeri a nya ale dii ate wa tomteerɔma a weeni wa la sum ka wensie. Wa le wa dɔkdemma meena a yaa ta siaka ale Yeezu dii ate wa nye la nyiŋ. Wakperikaliika de ase daana la ate Yeezu a tom saari buye wa le nyini Judia a jam Galili la.

Phulaphula i Jɔɔn 4