<div class="version vid1402 iso6393nfa" data-vid="1402" data-iso6393="nfa">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1D&#232;nge j&#42892;ara s&#232;mi &#232;&#232;na ka, Ama Lamatua paj&#42892;aj&#42892;i dedha-liru, rai-haha, d&#232;nge isi ra aa&#42892;i-aa&#42892;i.</div><div class="m"> 2Ropa Na sab&#42892;a &#232;le, asa b&#232;li &#232;&#232;na, l&#232;ke d&#232;nge lod&#42892;o ka pidhu. H&#232;ia Na ae n&#232;ti sasab&#42892;a-la&#42892;a Na. 3D&#232;nge j&#42892;ara ne&#42892;e, Na tao lod&#42892;o ka pidhu ne, lod&#42892;o dhu kapai risi n&#232;ti lod&#42892;o dhu leo s&#232;ra. Na tao s&#232;mi &#232;&#232;na, lula Na pa&#42892;&#232;le aa&#42892;i le sasab&#42892;a Na, ka &#232;tu d&#42892;ara lod&#42892;o ka pidhu na, Na ae. 4aD&#42892;ai sange ne&#42892;e ka, lii lolo Ama Lamatua paj&#42892;aj&#42892;i dedha-liru d&#232;nge rai-haha ne.</div><div class="s1">Ama Lamatua paj&#42892;aj&#42892;i dh&#232;u mone d&#232;nge dh&#232;u bh&#232;ni</div><div class="r">(Mateos 19:4-6, Markus 10:4-9, 1 Korintus 6:16, 15:45,47, Epesus 5:31-33)</div><div class="p"> 4bLod&#42892;o Ama LAMATUA heka paj&#42892;aj&#42892;i dedha-liru d&#232;nge rai-haha &#232;&#232;na, 5-6dhae abhu m&#232;ka ana aaj&#42892;u, lula Na papuru m&#232;ka &#232;j&#42892;i. Taa &#232;&#232;na, dhoka s&#232;b&#42892;u &#232;i di, mai n&#232;ti d&#42892;ara rai ho pabasa rai re dedha. Aa abhu m&#232;ka dh&#232;u rai-haha dhu tao oka-tedhe. 7&#200;le &#232;&#232;na ka, Ama LAMATUA nare rai ciki, ka Na paj&#42892;aj&#42892;i dh&#232;u rai-haha. H&#232;ia Na tiu a&#42892;ae Na asa d&#42892;ara sah&#232;nga dh&#232;u na, ka na mamuri d&#232;nge ka.</div><div class="p"> 8H&#232;ia Ama LAMATUA bhoke oka cue &#232;tu rai Eden, re b&#232;ka dhimu. H&#232;ia Na hia dh&#232;u ne pea &#232;tu d&#42892;ara oka na. 9&#200;tu d&#42892;ara oka &#232;&#232;na, Na pamamuri rupa-rupa aj&#42892;u dhu be&#42892;a, dhu dh&#232;u bisa ra&#42892;a. Aa Na pamamuri kah&#232;i aj&#42892;u dua kapua &#232;tu talora aae oka &#232;&#232;na. Ladhe dh&#232;u ra&#42892;e hua n&#232;ti aj&#42892;u &#232;ci, na mamuri taa-taa. Aa ladhe dh&#232;u ra&#42892;e hua n&#232;ti aj&#42892;u &#232;ci hari, ne&#42892;a hag&#42892;e mia dhu be&#42892;a, aa mia dhu karehe.</div><div class="p"> 10&#200;tu era &#232;&#232;na, abhu loko &#232;ci dhu hae n&#232;ti d&#42892;ara oka &#232;&#232;na. Loko &#232;&#232;na, &#232;pa kacanga. 11Kacanga ka &#232;ci na, ngara na Pison. N&#232;ngu ka dhu hae pale-l&#232;me rai Hawila dhu abhu hualaa ae-ae. 12&#200;tu era &#232;&#232;na ka, abhu poe-pai, aj&#42892;u dhu raa na h&#232;u m&#232;ngi, d&#232;nge hadhu kale&#42892;e. 13Kacanga ka dua, ngara na Gihon. Kacanga ne, hae pale-l&#232;me rai Kus.#2:13Uru &#232;&#232;na, rai ne, ngara na &#8216;Kus&#8217;. Limuri ne, rai Kus ne ca b&#232;ka &#232;tu negara Etiopia d&#232;nge negara Sudan, &#232;tu Afrika re dhimu. 14Kacanga ka t&#232;lu, ngara na Tigris. Kacanga ne&#42892;e ka, j&#42892;aj&#42892;i mi too rai Asyur#2:14Asyur ne&#42892;e, negara dhu limuri ne, ngara na &#8216;Irak&#8217;. re ca b&#232;ka dhimu. Kacanga ka &#232;pa, ngara na Efrat.</div><div class="p"> 15Ka Ama LAMATUA hia dh&#232;u pea &#232;tu d&#42892;ara Eden, ho na ladhe-leru oka &#232;&#232;na. 16H&#232;ia Na hia paredha mi dh&#232;u ne, aku N&#232;ngu na, &#8220;Hua aaj&#42892;u aa&#42892;i-aa&#42892;i &#232;tu d&#42892;ara oka ne, &#232;u bisa mu&#42892;a. 17Te ngaa &#232;ci dhu &#232;u bisa boe mu&#42892;a. Nuka hua n&#232;ti aj&#42892;u dhu ne&#42892;a hag&#42892;e mia dhu be&#42892;a, aa mia dhu karehe. Ladhe mu&#42892;a, &#232;u madhe d&#232;nge.&#8221;</div><div class="p"> 18Ka Ama LAMATUA tuhu haru lii Na, aku N&#232;ngu na, &#8220;Babe&#42892;a na aad&#42892;o, ladhe dh&#232;u ne mamuri mesa na. De Ja&#42892;a neo paj&#42892;aj&#42892;i hia ne, anga ca dh&#232;u dhu pam&#232;ci d&#232;nge ne.&#8221;</div><div class="p"> 19-20Lod&#42892;o &#232;&#232;na, Ama LAMATUA nare rai ciki, ka Na tao rupa-rupa badha d&#232;nge manu-bhui. H&#232;ia Na pang&#232;d&#42892;u si asa dh&#232;u ne, s&#232;na ka na pangare si. Ka dh&#232;u ne pangare badha se d&#232;nge manu-bhui aa&#42892;i-aa&#42892;i ra, &#232;ci-&#232;ci ka d&#232;nge ngara ra. Te ngaa dh&#232;u ne abhu m&#232;ka anga dhu pam&#232;ci d&#232;nge n&#232;ngu.</div><div class="p"> 21H&#232;ia Ama LAMATUA pabh&#232;j&#42892;i luu dh&#232;u ne&#42892;e. Ropa na bh&#232;j&#42892;i, Ama Lamatua nare rui karasa na calaa, ka Na pakateme hari nu&#42892;a deo na. 22N&#232;ti rui ne, Na paj&#42892;aj&#42892;i bh&#232;ni ca dh&#232;u. H&#232;ia Na pang&#232;d&#42892;u bh&#232;ni ne mi dh&#232;u &#232;&#232;na. 23Ropa ladhe n&#232;dhi bh&#232;ni ne, ka dh&#232;u na peka, aku n&#232;ngu na,</div><div class="q1">&#8220;Waaa! Ne&#42892;e ne ku! S&#232;mi ne&#42892;e ku, heka pam&#232;ci d&#232;nge ja&#42892;a k&#232;na!</div><div class="q2">Rui na, sama &#232;ci &#232;&#232;na ka d&#232;nge rui ja&#42892;a.</div><div class="q3">Aa isi na, sama kah&#232;i d&#232;nge isi ja&#42892;a.</div><div class="q2">Lula n&#232;ngu ne, j&#42892;aj&#42892;i n&#232;ti dh&#232;u mone, n&#232;ti &#232;&#232;na ka ja&#42892;a pangare ne, &#8216;dh&#232;u bh&#232;ni&#8217;.&#8221;#2:23D&#42892;ara lii Ibrani, dh&#232;u mone ngara na &#8216;ish&#8217;. Aa bh&#232;ni na, &#8216;isha&#8217;. Ka &#232;tu ne&#42892;e ne, ra pab&#42892;unge lii padhai, peka na, &#8220;isha (dh&#232;u bh&#232;ni) j&#42892;aj&#42892;i n&#232;ti ish (dh&#232;u mone).&#8221;</div><div class="q1"> 24N&#232;ti &#232;&#232;na ka, dh&#232;u mone hud&#42892;i t&#232;ke eele ku ina-ama na,</div><div class="q2">ho la&#42892;e mamuri d&#42892;ara &#232;ci d&#232;nge dh&#232;u &#232;mu-kamali na,</div><div class="q3">lula dua ra, j&#42892;aj&#42892;i le &#232;ci.</div><div class="p"> 25Lod&#42892;o &#232;&#232;na, dua ra dhu d&#232;nge boe m&#232;dha-papake, te ngaa ra makae boe.</div>
 </div>
 </div>
</div>

Dènge jꞌara sèmi èèna ka, Ama Lamatua pajꞌajꞌi dedha-liru, rai-haha, dènge isi ra aaꞌi-aaꞌi.
Ropa Na sabꞌa èle, asa bèli èèna, lèke dènge lodꞌo ka pidhu. Hèia Na ae nèti sasabꞌa-laꞌa Na. Dènge jꞌara neꞌe, Na tao lodꞌo ka pidhu ne, lodꞌo dhu kapai risi nèti lodꞌo dhu leo sèra. Na tao sèmi èèna, lula Na paꞌèle aaꞌi le sasabꞌa Na, ka ètu dꞌara lodꞌo ka pidhu na, Na ae. Dꞌai sange neꞌe ka, lii lolo Ama Lamatua pajꞌajꞌi dedha-liru dènge rai-haha ne.


Lodꞌo Ama LAMATUA heka pajꞌajꞌi dedha-liru dènge rai-haha èèna, dhae abhu mèka ana aajꞌu, lula Na papuru mèka èjꞌi. Taa èèna, dhoka sèbꞌu èi di, mai nèti dꞌara rai ho pabasa rai re dedha. Aa abhu mèka dhèu rai-haha dhu tao oka-tedhe. Èle èèna ka, Ama LAMATUA nare rai ciki, ka Na pajꞌajꞌi dhèu rai-haha. Hèia Na tiu aꞌae Na asa dꞌara sahènga dhèu na, ka na mamuri dènge ka.
Hèia Ama LAMATUA bhoke oka cue ètu rai Eden, re bèka dhimu. Hèia Na hia dhèu ne pea ètu dꞌara oka na. Ètu dꞌara oka èèna, Na pamamuri rupa-rupa ajꞌu dhu beꞌa, dhu dhèu bisa raꞌa. Aa Na pamamuri kahèi ajꞌu dua kapua ètu talora aae oka èèna. Ladhe dhèu raꞌe hua nèti ajꞌu èci, na mamuri taa-taa. Aa ladhe dhèu raꞌe hua nèti ajꞌu èci hari, neꞌa hagꞌe mia dhu beꞌa, aa mia dhu karehe.
Ètu era èèna, abhu loko èci dhu hae nèti dꞌara oka èèna. Loko èèna, èpa kacanga. Kacanga ka èci na, ngara na Pison. Nèngu ka dhu hae pale-lème rai Hawila dhu abhu hualaa ae-ae. Ètu era èèna ka, abhu poe-pai, ajꞌu dhu raa na hèu mèngi, dènge hadhu kaleꞌe. Kacanga ka dua, ngara na Gihon. Kacanga ne, hae pale-lème rai Kus. Kacanga ka tèlu, ngara na Tigris. Kacanga neꞌe ka, jꞌajꞌi mi too rai Asyur re ca bèka dhimu. Kacanga ka èpa, ngara na Efrat.
Ka Ama LAMATUA hia dhèu pea ètu dꞌara Eden, ho na ladhe-leru oka èèna. Hèia Na hia paredha mi dhèu ne, aku Nèngu na, “Hua aajꞌu aaꞌi-aaꞌi ètu dꞌara oka ne, èu bisa muꞌa. Te ngaa èci dhu èu bisa boe muꞌa. Nuka hua nèti ajꞌu dhu neꞌa hagꞌe mia dhu beꞌa, aa mia dhu karehe. Ladhe muꞌa, èu madhe dènge.”
Ka Ama LAMATUA tuhu haru lii Na, aku Nèngu na, “Babeꞌa na aadꞌo, ladhe dhèu ne mamuri mesa na. De Jaꞌa neo pajꞌajꞌi hia ne, anga ca dhèu dhu pamèci dènge ne.”
Lodꞌo èèna, Ama LAMATUA nare rai ciki, ka Na tao rupa-rupa badha dènge manu-bhui. Hèia Na pangèdꞌu si asa dhèu ne, sèna ka na pangare si. Ka dhèu ne pangare badha se dènge manu-bhui aaꞌi-aaꞌi ra, èci-èci ka dènge ngara ra. Te ngaa dhèu ne abhu mèka anga dhu pamèci dènge nèngu.
Hèia Ama LAMATUA pabhèjꞌi luu dhèu neꞌe. Ropa na bhèjꞌi, Ama Lamatua nare rui karasa na calaa, ka Na pakateme hari nuꞌa deo na. Nèti rui ne, Na pajꞌajꞌi bhèni ca dhèu. Hèia Na pangèdꞌu bhèni ne mi dhèu èèna. Ropa ladhe nèdhi bhèni ne, ka dhèu na peka, aku nèngu na,
“Waaa! Neꞌe ne ku! Sèmi neꞌe ku, heka pamèci dènge jaꞌa kèna!
Rui na, sama èci èèna ka dènge rui jaꞌa.
Aa isi na, sama kahèi dènge isi jaꞌa.
Lula nèngu ne, jꞌajꞌi nèti dhèu mone, nèti èèna ka jaꞌa pangare ne, ‘dhèu bhèni’.”
Nèti èèna ka, dhèu mone hudꞌi tèke eele ku ina-ama na,
ho laꞌe mamuri dꞌara èci dènge dhèu èmu-kamali na,
lula dua ra, jꞌajꞌi le èci.
Lodꞌo èèna, dua ra dhu dènge boe mèdha-papake, te ngaa ra makae boe.

Phulaphula i Lii Lolo dhu Uru Tèka 2