زبُور 24
24
زبُور 24
داویؔد کا زبُور۔
1یہ زمین اَور اُس کی ساری چیزیں یَاہوِہ ہی کی مِلکیّت ہیں،
جہان اَور اہلِ جہان بھی جو اِس میں رہتے سَب اُن ہی کے ہیں؛
2کیونکہ اُن ہی نے سمُندروں کے اُوپر اُس کی بُنیاد رکھی
اَور سیلابوں پر اُسے قائِم کیا۔
3یَاہوِہ کے پہاڑ پر کون چڑھے گا؟
اَور اُن کے پاک مَقدِس میں کون کھڑا رہے گا؟
4وُہی جِس کے ہاتھ صَاف اَور دِل پاک ہو،
جسے بُتوں سے کویٔی رغبت نہیں
اَورجو جھُوٹی قَسم نہیں کھاتا۔
5وہ یَاہوِہ کی طرف سے برکت پایٔےگا
اَور اَپنے مُنجّی خُدا کی طرف سے بَری ہونے کا حق۔
6آپ کے طالبوں کی پُشت اَیسی ہی ہوتی ہے،
یہی آپ کی نظرِکرم کے خواہاں ہیں، اَے یعقوب کے خُدا۔
7اَے پھاٹکو! اَپنے سربُلند کرو؛
اَے قدیم دروازو! اُونچے ہو جاؤ،
تاکہ جلال کا بادشاہ داخل ہو۔
8یہ جلال کا بادشاہ کون ہے؟
یَاہوِہ، جو قوی اَور قادر،
یَاہوِہ جو جنگ میں زورآور ہیں۔
9اَے پھاٹکو، اَپنے سربُلند کرو؛
اَے قدیم دروازو! اُونچے ہو جاؤ،
تاکہ جلال کا بادشاہ داخل ہو۔
10یہ جلال کا بادشاہ کون ہے؟
قادرمُطلق یَاہوِہ خُدا۔
وُہی جلال کا بادشاہ ہیں۔
موجودہ انتخاب:
زبُور 24: UCV
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
اُردو ہم عصر ترجُمہ™، کِتاب مُقدّس
حق اِشاعت © 1999، 2005، 2022، 2024 Biblica, Inc.
کی اِجازت سے اِستعمال کیا جاتا ہے۔
دُنیا بھر میں تمام حق محفوظ۔
Holy Bible, Urdu Contemporary Version™
Copyright © 1999, 2005, 2022, 2024 by Biblica, Inc.
Used with permission.
All rights reserved worldwide.