Luke 15
15
Imnaiq Tammaqtuaq
(Matthew 18.12-14)
1 #
Lk 5.29, 30. Iḷaanni tax-iñik katitchirit piḷuusiqirillu qaiŋarut Jesus naalaktuaġukługu. 2Tavra Pharisees iḷisaurriḷḷu pitquranik uqamayuŋarut uqaqłutiŋ, Uuma iñuum paġlasuugai piḷuusiqirit niġiqatigivlugiḷḷu. 3Tavra Jesus uqautiŋagai uumiŋa uuktuunmik.
4Nalliqsi qanuġayaqpa tallimakipiamik imnaiqaqtuaq tammaigumi atautchimik? Qimakkayaġai tallimakipiaġuutaitchuat, aasii ivaaqsiḷugu atausiq tammaqtuaq imnaiq paqilġataġlugu. 5Tavraasii paqinnamiuŋ quviasukpaŋaruq. Aasii iqsriutivlugu aggisivlugu. 6Tavra aikami, ququaŋagai atautchimun avilaitqatini siḷalliñiḷu, uqallautivlugich, Quviasuqasiqsiŋa, qanuq paqinŋagiga imnaiġa tammaŋaruaq. 7Tavra Jesus uqallaŋaruq, Uqallautigivsi, tainnatuttauq quviasuutigiłhamaaġniaġaat qiḷaŋmi atausiq piḷuusiqiri isumalitqiksuaq taapkunaŋŋa tallimakipiaġuutaitchuaniñ nalaunŋaruaniñ iñuŋniñ isumalitqiaksraitchuaniñ.
Maniuraq Tammaqtuaq
8Naagga aġnaq qanuġayaqpa qulinik maniuraqaqtuaq tammaigumiuŋ atausiq iḷaŋat maniŋmi? Ikinnayaġaa qulliq aasii tilaiḷugu igluni ivammaġiksaapiaġataġlugu paqilġataġlugu. 9Aasii paqitanikamiuŋ, ququaqługich atautchimun avilaitqatini siḷalliñiḷu uqallakłuni, Quviasuqasiqsiŋa qanuq paqinŋagiga maniuraq tammaikkaġa. 10Tavra Jesus uqallaŋaruq, Uqallautigivsi tainnatuttauq quviasuŋmiut isaġuliŋi God-im pisigivlugu atausiq piḷuusiqiri isumalitqiŋman.
Iġñiq Tammaqtuaq
11Jesus uqallavsaaŋaruq, Iñuk malġugnik iġñiqaŋaruq. 12Nukaqłiq uqallaŋaruq aapamiñun, Aapaaŋ, aitchuŋŋa kiŋuvaannaktaaksrautimnik. Tavra Aapaŋakta autaaŋagai suġaliġni iġñagmiñun. 13Uvliupasakkaluaġnani, nukaqłium tuniŋagai autaaġusiani maniŋñun, aasii aullaqłuni uŋasiksuamun nunamun. Taamaniasii kinniqutigiaqsivḷugich maniŋñi iñuumaqłuktaqłuni. 14Tavra suiġutianiŋmiuġlu, kaaksiuqparraqsiŋarut taavrumani nunami, aasii ilaa suiġutiŋaruq. 15Tavra ilaa aullaqłuni iḷaliutiŋaruq iḷaŋannun nutim iñuŋisa taavruma nunam, aasii taavruma iñuum tiliŋagaa nautchiaqaġviŋmiñun qaunaksritquvlugu tuttuqłuŋnik. 16Tavra kaaliqpaił̣ł̣uni niġiyumiñaġaluaġaqtuq tuttuqłuich niqiŋiññik, suli iñuich aitchulaitkaat. 17Tavra qauriḷġataqami uqallaŋaruq, Qanutun iñugiaktigiruanik aapaga akiññagniaqtuanik kivgaqaqtuq niqaiḷḷisaaŋitchuanik aitchuutiksraqallavlutiglu, uvvaliasiuvaŋa maani paniaqsiruŋa. 18Aiñiaqtuŋa aapamnun aasii uqallautilugu, Aapaaŋ, piḷuksiŋaruŋa God-mun iliŋnullu. 19Tavraŋŋaaglaan nalliummatiŋaiqsuŋa iġñiġuyumiñaġluŋa iliŋnun. Aŋalataġiŋŋa iḷaŋatitun akiññagniaqtuat kivgavich. 20Tavra ilaa utiqsaŋaruq aapamiñun. Tavrali uŋasisugruktillugusuli, aapaŋan tautuŋagaa aasii naglikkiutivlugu, aqpamik iqimmaaġiaqtuŋagaa iġñini kunikł̣ugulu. 21Tavra iġñiŋan uqallautiŋagaa, Aapaaŋ, piḷuksiŋaruŋa God-mun iliŋnullu. Nalliummatiŋaiqsuŋa iġñiġuyumiñaġluŋa iliŋnun. 22Tavra aapaŋa uqallaksiññaŋaruq kivgamiñun, Qilamik qaġġirisitchi annuġaaġigñiqsranik, aasii atipkaġlugich ilaanun, qitiqłiaġusiġḷugulu anŋiqpaglugulu. 23Suli qaġġirisitchi quiññaksaqtamik tuttuqpaiyaamik aasii tuqullugu, niġiyumaugut aliasuŋiḷḷutalu. 24Qanuq uvvauna iġñiġa tuquŋaruatun itkaluaqtuaq iñuusatqiksuq, tammaŋagaluaqtuaq paqitauruq. Tavra niqinaqirraqsiŋarut.
25Tavra aŋayukłiq iġñiŋa nautchiaqaġviŋmiinŋaruq. Tavraasii aiñiallaġmi qallikami iglumun, tusaaŋaruq atuqtuuraqpaaluŋmik kanaakkiuruaniglu. 26Tavra ilaan qaitquŋagaa kivgat iḷaŋat aasii apiġivlugu summagaisa. 27Aasii kivgam kiuŋagaa, Aniqatin airuaq aasii aapan tuqutchiruaq quiññaksaqtamik tuttuqpaiyaamik, pisigivlugu aiñiŋa sugaluaġnani. 28Tavra aŋayukłiq qinnaliŋaruq isiġunġiqł̣uniḷu. Aapaŋata anivḷuni arakkaluaġmigaa isiquvlugu. 29Tavra ilaan aapani kiuŋagaa, Uvva, aippaapak savautiŋagaluaġikpiñ kivgatun iḷivḷuŋa, aasii sumikunnii kipuqłaŋaitkaluaġiga piraksriutin, naaggauvva aitchuŋaitkiŋmaunnii imnaiyaamik nagruliŋmik, quviasuqatiqaquluŋa avilaitqatimnik. 30Aasiuvvauna iġñiġiñ qaimman, kinniqutigiqqaaqługich suġaliqtin akiitchunullu, tuqutchisiŋagiñ quiññaksaqtamik tuttuqpaiyaamik. 31Tavra aapaŋan kiuŋagaa, Iġñiiŋ, ataramik nayuġiŋma, suli sunapayaaq piga pigimmigiñ. 32Nalautittuq quviasualaniksraqput quyaniksraqpullu, qanuq aniqatin tuquŋaruatun itkaluaqtuaq iñuusatqiksuq, suli tammaŋagaluaqtuaq paqitauruq.
موجودہ انتخاب:
Luke 15: INUPIAQ
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
