जेपा धेपगी ङोटो़
धेपगी ङोटो़
“कुछापक्याई जेपा” ॱनागीन धेप दे, लुकागी ढीक्टा धेप ॱङीवागो लाक। दे धेपला खी़ येशुगी ङेनेक्या धाङ कुछाप पाउलुगी लेगागी कोरला ढीक हो़तालाक। दे धेप दे चीलो ६० धाङ ६५ गी घुङला ढीक्पालाक ॱनेरी, मी खेवा माङक्षेगी साम्लो दुक। सुङराप साबागी धी़चो़ला रोम ग्याजा दे, जाम्बुलीङगी ॱमीच्यीकी खाक्क्षे साजा च्यीक लाक। रोमदु मी खाक्क्षे माङक्षेगी “दे यीशुपा ॱनागीन क्षो़ साबा दे घारे क्षो़ हीन्ढु धेनी घाने थो़न्दी होवाले” ॱनेरी, ढीवा मा ढीरी धे हो़तालाक। (रोम दे धान्दा युरोपगी ल्हो स्योकला हो़गीन ईटाली ॱनागीन ग्याखाप लाक।) होझ्येरी दे क्षो़ दे घाङगी झ्येरी गो चुक्पाले धेनी येशु मास्यीका सुले धेनी खोङबागी ताम्शाङ दे येरुसालेमने गो चुक्ती, रोम थुक्पे घाङ झ्येरी ख्याप्पालाक, ॱनागीन कोरला लुकागी ढीक्ये थाक च्येपालाक। धेनी ढीक सारती लुकागी दे धेप दे, रोमापा पो़न्पो थीयोफीलु ॱनागीनला कुरपालाक (लुका १:१-४, जेपा १:१)।
पाउलु लुकाला “आम्ची लुका ढीन्चेनगो” ॱनालाक। पाउलु रोमदु डी़ घाङला, होदे थागी ढु देला लुका खी़मुला हो़तालाक। मास्यीकावाक्याई क्षो़छोक गो चुक्कीनगी कोरला ढीक्टा धेप दे “कुछापक्याई जेपा” ॱनेरी ॱनालाक हीना ॱङोन्ने ॱनाना, दे धेपला “धाम्पे थुक्ङीगी क्षाले” ॱनेरी ॱनाथुक्ये हो़तालाक। घीझ्येरी ॱनाना कुछापक्याई झ्येजा लेगाक्या धाम्पे थुक्ङीगी थुक्जे धाङ वाङगी झ्येरी लाक। मीक्याई कोरला च्यीगा मेन्दा, होदे मीक्या घुङदु क्षाले जेगीन, धाम्पे थुक्ङीगी कोरला दे धेप दे ढीक हो़तालाक।
कारछाक
पाङपोगी क्षीला डाढीक १:१-२६
क) येशुगी थागी कालोप धाङ क्षो़ताम १:१-१४
ख) याहुदागी छापला दाम्दा मी १:१५-२६
येरुसालेमदु पाङपो २:१–८:३
युदेया धाङ सामारीयादु पाङपो ८:४–१२:२५
पाउलुगी ताम्शाङ स्येपा १३:१–२८:३१
क) ताम्शाङ स्येदु ग्युक्कीन ढु गोमागो १३:१–१४:२८
ख) येरुसालेमदु झ्युजा छोक्दु १५:१-३५
ग) ताम्शाङ स्येदु ग्युक्कीन ढु ॱङीवागो १५:३६–१८:२२
घ) ताम्शाङ स्येदु ग्युक्कीन ढु सुम्बागो १८:२३–२१:१६
येरुसालेम धाङ केसारया धाङ रोमदु, पाउलु चो़न्खाङदु धाक्पा २१:१७–२८:३१
Поточний вибір:
जेपा धेपगी ङोटो़: LOY
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2023, Wycliffe Bible Translators, Inc. and Nepal Bible Society