Популярні біблійні вірші з Juan 3

Поділитись

Ja Dios congana nerajoꞌ canojelal ja winak rmalcꞌariꞌ tok xutakto waweꞌ chwachꞌulew ja Ralcꞌwal, xarariꞌ jun. Queriꞌ xuban utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj na chique jun utzlaj cꞌaslemal ja ni mta wiꞌ qꞌuisic trij.

Queriꞌ nbij como ja Dios tok xutakto ja Ralcꞌwal waweꞌ chwachꞌulew ma rmal ta chi xquerutakel ta ja winak chipan ja rpokonal. Pro jariꞌ xutakto utzcꞌa chi rmal ja Ralcꞌwal nquewil na ja totajem xin Dios canojelal.

Ja cꞌa Jesús xbij tre: —Ni katzij wiꞌ ja xtinbij chawe riꞌ, ja winak rjawaxic chique chi neꞌalax chic jutij nowi maqueꞌalax chic jutij jariꞌ ni matichꞌobtaj wiꞌ cumal nak rbanic ja natoc chipan ja gobierno xin Dios, neꞌ tre.

Canojelal ja winak ja nyukeꞌ quecꞌuꞌx ruqꞌuin ja Ralcꞌwal Dios ejeꞌeꞌ mchita kꞌetoj tzij xin Dios chiquij pro ja cꞌa matiyukeꞌ quecꞌuꞌx ruqꞌuin ejeꞌeꞌ kꞌeton chic tzij chiquij rmal ja Dios chi neta̱kel chipan ja rpokonal. Como matiyukeꞌ quecꞌuꞌx ruqꞌuin ja Ralcꞌwal Dios chewiꞌ tok nba̱n queriꞌ chique.

Como ejeꞌeꞌ mta quigana ruqꞌuin ja luz ja penak chilaꞌ chicaj ja nsakirsan quebey chiquewach xa chewiꞌ tok kꞌeton chic tzij chiquij. Como ja Ralcꞌwal Dios arjaꞌ caniꞌ jun luz peti waweꞌ chwachꞌulew pro ja winak más na xel quecꞌuꞌx trij ja kꞌekumal. Queriꞌ queban como xa itzelal ja quimajon rbanic.

Ja rjawaxic camic chi ni xtimajtajel wiꞌ ryaꞌic rukꞌij ja Jesús chijutij cumal ja winak, ja cꞌa chwe anin rjawaxic chi xtiban chwe caniꞌ ma incꞌo ta chwach ja Jesús.

Ja wi amajon rbanic ja ritzelal jariꞌ xa itzel natzꞌat ja luz, ni majun agana xcatekaj ta ja bar cꞌo wiꞌ ja luz. Queriꞌ naban utzcꞌa chi matotakixi ja ritzelal ja ramajon rbanic.

Ja wi nyukeꞌ acꞌuꞌx ruqꞌuin ja Ralcꞌwalaxel jariꞌ awcꞌan chic ja utzlaj cꞌaslemal ja ni mta wiꞌ qꞌuisic trij. Pro ja wi matanimaj ja Ralcꞌwalaxel jariꞌ ni matawil wiꞌ ja utzlaj cꞌaslemal in ni cꞌo wiꞌ ryewal ja Dios chawij.

Caniꞌ xuban ja Moisés ojer chipan ja chakijlaj ulew, arjaꞌ cꞌo jun rachbal cumatz xjotbaꞌ chwach jun cheꞌ in xetotaji ja winak rmal in queriꞌ cꞌa xtiban na tre ja Ralcꞌwalaxel ja xoc alaxic cuqꞌuin ja winak, arjaꞌ njotbax na chwach jun cheꞌ.

Ja Ralcꞌwalaxel janila najoꞌx rmal ja Tatixel in ni majun nak ta ja maquita jachon pa rukꞌaꞌ rmal.