Популярні біблійні вірші з Juan 2

Поділитись

Jawaꞌ nabey milagro xuban ja Jesús, pa Caná xuban wiꞌ ja cꞌo pa rcuenta Galilea, jawaꞌ xcꞌutbej chiquewach ja rdiscípulo chi congana nim rukꞌij in yukeꞌ quecꞌuꞌx ruqꞌuin.

—Ixok, takaꞌan ma junan ta nkachꞌob awqꞌuin, majaꞌn waꞌan terilaꞌ ja tiempo chi ja winak xticotakij nak nbanic, neꞌ tre.

Ja cꞌa Jesús quewaꞌ xbij chique ja ilinelaꞌ riꞌ: —Tenojsaj ja rcꞌolbal tak yaꞌ leꞌ, neꞌ chique. In queriꞌ queban, xequicꞌamaꞌto ja yaꞌ, quinojsaj. Ja cꞌa tok nojstaj cumal cꞌacꞌariꞌ bix chic chique rmal ja Jesús: —Camic tepuluꞌel juleꞌ, jecꞌutuꞌ chwach ja rachi ja paꞌl trij ja waꞌim xin cꞌulbic, xecheꞌxi. In queriꞌ queban, quepulel.

—Teyojoꞌ mpeꞌ ja templo riꞌ in ja ranin xa chi oxiꞌ kꞌij nyic chi wiꞌ jutij, neꞌe ja Jesús chique.

Ja Jesús xbanlaꞌ jun asial in tok tzur rmal xeꞌerlasajto ja winak chipan ja templo, majun xutoꞌ ta riꞌ, in xeꞌerlasajto chakajaꞌ ja carnelo e cachbil ja wacax. Ja cꞌa qꞌuexol tak pwok ejeꞌeꞌ chicax chiquewach ja quipwok rmal in chꞌakix pa tokꞌulew ja quimesa chakajaꞌ. Cꞌacꞌariꞌ xbij ja Jesús chique ja rajcꞌay tak palomax: —Queꞌewasajel jutzꞌit ja wariꞌ, ma teban ta tre ja rochoch ja nataꞌ Dios caniꞌ jun mercado, neꞌ chique.