Aking Kasukdulan Para Sa Kanyang Kadakilaan (My Utmost For His Highest)Halimbawa

Siya Ba Talaga Ang Aking Panginoon?

Ang kagalagakan ay nagmumula sa pagkakita ng kumpletong katuparan ng tiyak na layunin na dahilan ng aking pagkalikha at muling kapanganakan, hindi sa matagumpay na paggawa ng bagay na ako mismo ang pumili. Ang kagalakan na naranasan ng ating Panginoon ay galing sa pagsunod sa ipinagagawa ng Ama. At sinabi niya sa atin,, “Kung paanong isinugo ako ng Ama, isinusugo ko rin kayo” (Juan 20:21). Nakatanggap ka na ba ng ministeryo mula sa Panginoon? Kung ganoon, dapat kang maging matapat dito-na ituring mong mahalaga ang iyong buhay para lamang sa layuning magampanan ang ministeryong iyon. Ngayong alam mo na nagawa mo na nag ipinag-utos sa iyo ni Hesus, isipin mo kung gaano nakakatuwang marinig na sabihin Niya sa iyo, “Magaling! Tapat at mabuting lingkod!” (Mateo 25:21). Ang bawat isa sa atin ay kailangang matagpuan ang lugar natin sa buhay, at sa espiritwal makikita natin ito sa pagtanggap sa ministeryo ng Panginoon. Para gawin ito kailangan mayroon tayong malapit na pakikisama kay Hesus at kailangan kilalanin Siya bilang higit sa ating personal na Tagapagligtas. At dapat payag tayong maranasan ang buong epekto ng Mga Gawa 9:16—“Ipapaunawa ko sa kanya ang lahat ng dapat niyang tiisin alang-alang sa akin.”

“Mahal mo ba ako?” Kung ganon, “Pakaininin mo ang aking mga tupa” (Juan 21:17). Hindi Siya nagbibigay ng pagpipilian kung paano natin Siya paglilingkuran; hinihingi Niya ang ating buong katapatan sa Kanyang ipinaguutos, isang katapatan sa kung ano ang ating napagtatanto kung tayo ay nasa pinakamalapit na pakikisama sa Diyos. Ang pagtawag ay para maging tapat sa ministeryong natanggap mo kung ikaw ay nasa totoong pakikisama sa Kanya. Hindi nito ipinahihiwatig na mayroong isang buon serye ng nagkakaibang mga ministeryo na itinakda para sa iyo. Ang ibig sabihin nito ay dapat kang maging sensitibo sa kung ano ang pagtawag sa iyo ng Diyos, at maaring kinakailangan dito ang di pag-alintana sa mga hinihingi ng serbisyo sa ibang lugar.

O Panginoon, nakikiusap ako sa Iyo na panatilihin ang aking lakas at simpeng kagalakan. Panatilihin mo akong may mapagpakumbabang isip sa layunin at disenyo na wala sa akin ang maging mapagmataas na tao.