Pitong Bagay na Sinasabi ng Biblia Patungkol sa PagkabalisaHalimbawa

Ang mamuhay para sa ngayon ay maaaring maging mahirap. Hindi madali na simpleng tamasahin ang ngayon, kung ano ang mayroon tayo ngayon, at kung sinu-sino ang mga kasama nating makaranas ang mga kaganapan ngayon. Napakaraming nangangailangan ng ating atensyon, nangangailangan sa ating iskedyul, at pangangailangan para sa ating mental na enerhiya. Minsan pakiramdam natin ay imposibleng harapin ng lubusan ang ngayon dahil hinihila na tayo ng bukas.

Sinabihan tayo ni Jesus na gumawa ng bagay na radikal--Sinabihan Niya tayong huwag alalahanin ang bukas. Sinabi Niya sa atin sa Mateo 6:34 na ihahanda Niya tayo upang maharap natin ang mga problema sa ngayon lamang--hindi bukas, sa susunod na linggo, o sa susunod na buwan.

May ilang araw sa ating buhay na tila mas mahirap kaysa sa iba. Napakadali para sa aking hindi alalahanin ang bukas kung ang "bukas" ay dapat na isang Sabado ng pamamahinga. Ngunit, ito ay mas nagiging mahirap kung ang "bukas" ay ang araw na ako ay may malaking pulong na dadaluhan (o appointment sa dentista!).

Kung tayo ay mag-aalala para bukas at anuman ang ating iniisip na maaaring dala nito, sinusubukan nating kontrolin ang bagay na nasa kontrol ng Diyos, at hindi natin. Kung tayo ay tapat sa ating mga sarili, wala talaga tayong alam kung ano ang maaaring mangyari bukas. Hindi nga rin natin alam kung ano ang mangyayari mamaya sa araw na ito! Subalit, pwede nating kilalanin Siya na kumokontrol ng ngayon. At ng bukas. At ng magpakailanman.

Maghanap ng oras ngayon upang mamahinga sa katotohanang iyan. Magsaya sa sandaling ito, sa araw na ito, ng may kaalamang hawak ng Diyos sa Kanyang mga kamay ang ngayon at bukas. Hayaan mong ang Kanyang kapayapaan ay gawing makabuluhan ang "ngayon".

Casey Case
Taga-panguna ng YouVersion Suport