Paglakad Kasama Ni Hesus (Tiyaga)Halimbawa

Huwag kang susuko!

Sinasabi sa atin ng Mateo 15:21-28 ang tungkol sa dakilang pananampalataya at pambihirang pagtitiyaga. Hindi lahat ng mananampalataya ay may parehong karakter. Kadalasan kapag walang katugunan sa ating mga panalangin, naniniwala tayo na ang tugon ng Diyos sa ating dalangin ay hindi, at dahil doon, ibinabaling natin ang ating atensyon sa ibang bagay. Sumusuko tayo at madaling masiraan ng loob. Madali tayong umatras. Maaaring ang sagot sa mga panalanging iyon ay nasa pintuan na.

Ang salita ng Diyos ngayon ay nagpapakita sa atin kung gaano naging mali ang ating saloobin. Iniisip natin na tayo ay may pananampalataya subalit sa katotohanan, ang ating pananampalataya ay hindi sapat. Ang tunay na pananampalataya ay dapat na nakabatay sa katotohanan. Kinilala ng babaeng Canaanita na hindi isang Hudyo si Hesus bilang ang Mesiyas, ang Anak ni David. Iyan ang katotohanan. Hindi siya humiling kay Hesus sa Kanyang kapasidad bilang isang salamangkero o isang matalinong tao; humingi ito kay Hesus bilang Hinirang ng Diyos. Binuo niya ang kanyang tunay na pagtitiis batay sa katotohanan na kanyang pinaniniwalaan. Umiyak siya kay Jesus, nagmakaawa sa Kanya, nakipag-usap sa Kanya, nagpakumbaba, at pinarangalan Siya. Dahil sa pananampalataya at pagtitiyaga ng babae, pinalayas ni Hesus ang demonyong sumanib sa katawan ng kanyang anak.

Si Kristo ay naghahanap ng ganoong uri ng pananampalataya at pagsinta sa atin upang tayo ay patuloy na sumulong sa ating espirituwal na buhay, anuman ang nasa ating harapan. Ang pagtitiyaga at determinasyon ay mga katangiang nanggagaling sa mga nakatuon sa isang bagay o isang taong pinaniniwalaan nila. Ang bawat balakid ay nagiging hamon upang magpatuloy. Patuloy na panghawakan ang katotohanan at ipamuhay ito. Magtiwala na nais ng Diyos na tugunin ang ating mga panalangin at umaasa siyang lalapit tayo nang may katapatan, pananampalataya, at determinasyon na taglay ng babaeng Canaanita.

Ang uri ng pananampalataya na nagbubunga ng tiyaga ang kailangan nating taglayin at ipamuhay. Huwag sumuko dahil sa bigat ng problema. Sulit na ipaglaban natin ang ating pananampalataya at makakaasa kang hindi ka nito bibiguin.

Pagninilay:

1. Sino si Hesukristo para sa iyo?

2. Sa anong mga pangyayari madali kang sumuko? Ano ang dahilan kung bakit madali kang sumuko?

Aplikasyon:

Patuloy na hanapin ang katotohanan at manalangin hanggang sa makuha mo ang sagot.