ఈస్టర్ ఎందుకు?నమూనా

వేటి నుండి స్వాతంత్రము?

మనము విడుదల పొందుటకు కావలసిన ప్రాయశ్చిత్తార్థ క్రయ ధనమును, యేసు ఆ సిలువపైన తన రక్తము ద్వారా భరించెను.

అపరాధభావము నుండి స్వాతంత్రము

ఎన్నోమార్లు మన యొక్క ఆలోచనలు, మాటలు మరియు క్రియలలో దేవుని ఆజ్ఞలను ఉల్లంఘించి నప్పుడు మనము వాటిని అపరాధముగా భావించినప్పటికి లేనప్పటికి, మనమందరము దేవుని యెదుట అపరాధులముగా ఉన్నాము. ఏ విధముగా అంటే ఎవరైనా ఒక నేరము చేసినప్పుడు ఆ శిక్షకు తప్పక పరిహారమును చెల్లింపవలయునో, అదే విధముగా దేవుని ఆజ్ఞను అతిక్రమించినప్పుడు కూడా దానికి ఒక పరిహారమును చెల్లింప వలసియుండును. 'ఏలయనగా పాపము వలన వచ్చు జీతము మరణము' (రోమా 6:23).

ఆ అపరాధముల యొక్క పర్యావసనమే నిత్యత్వమంతయు దేవుని నుండి యెడబాటు - అనగా ఆత్మీయ మరణము. మనమందరము ఆ శిక్షను పొందవలసిన వారమైయున్నాము. మనము పూర్తిగా క్షమించబడి, మన అపరాధమంతయు తుడుచి వేయబడు నిమిత్తం ఆ సిలువ మీద, మన స్థానమును యేసు తీసుకుని ఆ శిక్షంతటిని పొందెను.

వ్యసనము నుండి స్వాతంత్రము

'పాపము చేయు ప్రతివాడును పాపమునకు దాసుడని' యేసు చెప్పెను. ఆ దాసత్వము నుండి మనలను విడిపించుటకే యేసు మరణమాయెను. ఆ సిలువ మీద, వ్యసనము యొక్క బలము పూర్తిగా విరిగిపోయెను. మనమింకను అనేకసార్లు మనము పాపములో పడునప్పటికీ, మనలను యేసు స్వతంత్రులుగా చేసినప్పుడు, వ్యసనము యొక్క బలము విరిగెను.

భయము నుండి స్వాతంత్రము

'ఆ ప్రకారమే మరణము యొక్క బలముగలవానిని, అనగా అపవాదిని మరణముద్వారా నశింపజేయుటకును, జీవితకాలమంతయు మరణభయముచేత దాస్యమునకు లోబడినవారిని విడిపించుటకును' (హెబ్రీ 2:14-15) యేసు వచ్చెను. కావున ఇకమీదట ఎంతమాత్రము మనము మరణమునకు భయపడము.

యేసు చేత స్వతంత్రులుగా చేయబడిన వారెవ్వరికి మరణము ఒక ముగింపు కాదు. అది పాపము యొక్క ప్రసన్నత నుండి కూడా మనలను విమోచించి పరలోకములో ప్రవేశించుటకు ద్వారమూలమై యున్నది. ఎప్పుడైతే యేసు మనలను మరణము యొక్క భయము నుండి విడిపించెనో, అప్పుడే మనలను సమస్త భయాల నుండి కూడా విమోచించెను.